Azaya 25
25
Laa-maa-tɛ̂ wule
1Yâwɛɛ, yá ƃa Ŋáɣâlai.
Ŋa pâi ƃaa kɛ́-maa tɛɛ̂i ípɔ, ŋá ílaa maa tɛ́.
Ya mɛni kpaya-kpayaa mĩli-miliɛɛ támaa kɛ́.
M̀ɛni kpaya-kpayaa mĩli-miliɛ-ŋai ŋí káa a m̀ɛnii í gbɛ̀tɛ tãi su-kôyaa tɛɛ pôlu ma.
2Yaâ taa-lêe-ŋa maa kɔ̃ɔ-sãa su-kara,
ya maa taa-lee-ŋai ŋí wólo.
Gâloŋ-pɛrɛ-ŋai kúkpɔara-ƃelai dí dɔ̀ɔi, dífe ŋɔ́nɔ ɣele ma.
Dífe pâi ŋɔ́nɔ pɔrîi ǹaa tɔɔ̂i pôlu.
3M̀ɛni ma, lɔii-ŋuŋ wála-wala-ŋa su-ƃela da pâi ƃaa kɛ́-maa tɛɛ̂i ípɔ.
Ǹúu nyɔ́mɔɔ-ŋai dílɔii-ŋuŋ-ŋai su taa-lee-ŋai su-ƃelai da pâi yaôi yâ.
4Yá nɔ́ ƃé diai pɔ̂ri mâa fé dîɛi da pâ ípɔ díŋuŋ ma ƃô mɛni ma.
Ǹyaŋ ya díkùla dímɛni kpɔ̂lu-ŋai su.
Ya dímaa kɔ̃̂ɔ fãa kɛ́tɛ yêei,
í ninîŋ tɛɛ dípɔ vóloi ŋɔzizi fé dí kerêŋ.
Díkpɔara-ƃela da pɛ̂lɛ dîa yɛ̂ɛ fãa kɛ́tɛ,
5yɛ̂ɛ fólo láa-ƃoɔɔ fòlo a lɔii kpâla.
Yâwɛɛ, ya kúkpɔara-ƃelai ŋá yéŋ.
Ya ŋ̀wana-lɔ̂ɔ-ƃelai ŋá yéŋ,
yɛ̂ɛ lúu a fólo ŋɔzizi ŋá yèŋ.
Ɣâla a kúu kɛ́tɛ mɛni kpɛ̀tɛ
6Ŋ̀wála-wâla kélee Yâwɛɛ a pâi kúu kɛ́tɛ kɛ̂i Zãiyɔŋ Yeei ma. A pâi gúui ŋí kɛ̂i ŋ̀éniɛi su-ƃelai kélee mɛni ma. Mii-sãa lɛ́lɛɛ-ŋa da ŋwã̂ai kpanaŋ lɛ́lɛɛ-ŋa támaa da pâi kɛ́i gúui ŋí su. 7M̀ɛni-sôlii núu-kpune a tɛɛ̂i zu ŋ̀éniɛi sui, a pâi gɛ̂i gélee mɛni é kperâ gúui ŋí su. 8Ǹuu-namui Yâwɛɛ a pâi saa su-karâi. A pâi gɛ̂i núu da fa ŋɔ́nɔ wɔ̀lɔ. A pâi mɛni-sôli mɛni kélee kperâi ŋ̀éniɛi su. Yâwɛɛ ǹyaa kpîŋ ƃé m̀ɛnii ŋí ƃò a gɛɛ a pâi kɛ̂i.
9M̀aa ɣêlei tí, núu-kpune kélee da pâi m̀ôi dîyɛɛi, “Kúɣâlai ká ŋí. Ǹyaa ƃe kwa wɔ́lɔ m̀aa kpɛ̂nii a gɛɛ é kúŋuŋ ma ƃó. Ǹyaa ƃa Yâwɛɛ nyii kúkili tɔɔ̂i mai. Kwaa lii-nɛ̃ɛ kula, kpɛ́ni fêi, a kúŋuŋ ma ƃó.”
Ɣâla a pâi Môa kula maa kɛ̂i
10Yâwɛɛ a pâi Zãiyɔŋ Yeei maa kɔ̃ɔ̂i, kɛ́lɛ a pâi Môa lɔii su-ƃelai su-karâi, nûa díkɛ sia dímɛi yɛ̂ɛ túluŋ ŋá. 11Da pâi kɛ̂i díyee tɛ̂i ɣelêi yɛ̂ɛ nûa da kɛ̀ waa-yâi kɛ̂i. Kɛ́lɛ dífe pâi kpɔŋ mâa da sɔlɔ ƃôi Yâwɛɛ yêei. A pâi gɛ̂i díyee su é sáa. 12Yâwɛɛ pâi Môa taa-lee-ŋai dísiɣãŋ-ŋai kélee wôloi, é dífũa-fũ̂a.
Currently Selected:
Azaya 25: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
