Azaya 18
18
Ɣâla a pâi Itiopia kula maa kɛ̂i
1Itiopia ya-lee-ŋai pôlu pere, lɔii kpûa da káa naa koôŋ-sãa támaa koôŋ tìŋ a kɛ́ tɛ̂i naa. 2Ǹɔii-kpûai ŋí su-ƃela dí nûa tɛ̀ɛ a díŋɛi-gao-ŋa díkɛ ƃò ya ŋá-keleŋ su nyíi kɛ̀ a gbɛtɛ́ɛ a sɛŋ da kɛ́ɛ yɛ̂ɛ bɔɔ-saŋ-ŋa díkɛ ƃò Ǹâai Ya-leei ŋá díkɛ yèŋ. Ka lí pôlu kálɔii su, kéla kɔ́ɔ ma félaa-ŋa! Ka lí pôlu a ŋ̀orɛ̂-wooi ŋí kálɔii-ŋuŋ wála-walai su-ƃelai pɔ́ naa nyíi ŋ̀á-kɔlɛ̂i a ya-lêe-ŋai. Ǹaa-ƃela yée-laa mu-seɛɛ, díkɔlɔ kɛ́ ƃò dîa nɛ̃ɛ-nɛ̃ɛ, ŋ̀éniɛi gwaa kélee ma-ƃelai da yâo dîa.
3Káai a ŋ̀éniɛi su-ƃelai kélee ka káwoli tɔ́ɔ ḿâ a gɛɛ ká ŋáƃenâi káa ǹyéei tôŋ su, ká tɔ́ɔ tɔ̀ŋ! Ka ŋáturui wóo mɛ́ni ká káwoli tɔ́ɔ ma a ǹɛ́lɛɛ. 4Yâwɛɛ è m̀o ḿâ ǹyɛɛi, “Ŋa pâi lɛɛ̂i ḿbɔ-taa ŋá ŋ́ɛi pîlaŋ ǹɔii mâ ḿɛi saa yɛ̂ɛ fólo ŋɔzizi ƃé tɛ̂i a fólo-ŋa, ŋ́gɛ ƃò yɛ̂ɛ lúu a kɛ̀ pûi a sí-sãa ƃá kula tãi. 5Ǹûai ŋí díkaa yɛ̂ɛ kpɔmɔ ƃâ nyii a pɔlɔ gɛ́ kpɔ̂lui. Kɛ́lɛ dí lɛ́ɛ pâi kpɔlûi, ŋa pâi dí su tée-têei. 6Díkɔ-kuluƃa wála-wala-ŋai kélee da pâi saâi dípoma táa-tâa banaŋ ma. Dípoma a pâi kɛ̂i a ŋɔni-ŋa da fɛnɛ-sãa kɔ́nɔ̃ŋ.”
7Tãi a pâi pâi, ǹɔii-ŋuŋ wála-walai ŋí ŋ̀a-kɔlɛɛi a ya-lêe-ŋai, zu-ƃela yée-laa mu-seɛɛ, díkɔlɔ kɛ́ ƃò dîa nɛ̃ɛ-nɛ̃ɛ, nûa díkɛ yào dîa ŋ̀éniɛi gwaa kéleei, da pâi pâi a sama-sã̂a Ŋ̀wála-wâla kélee Yâwɛɛ pɔ́. Da pâi pâi a dísama-sãai bɔ́ Zãiyɔŋ Yeei ma ƃɛ́i nûa da vɛ̀li naai.
Currently Selected:
Azaya 18: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
