Zɔ̂ŋ Maa-ŋuŋ Tuɛ mɛni ƃóɔɔ
Tuɛ mɛni ƃóɔɔ
Zɔ̂ŋ è ŋɔkɔlɔi maa-ŋuŋ pɔ̃̀yɛ mɛni-ŋuŋ feerɛ ma. Maa-ŋuŋ ƃa é nûa líi kúla dí kɔ́ a gbanaŋɔɔ da Ɣâla ni díkɛ ƃò kɛ-gîe pôlu-laa lɛ́lɛɛ su Ɣâla ǹóŋ Zîsɛ Kôrai sarâi. Véerɛi, Zɔ̂ŋ è gɔlɔi ŋí pɔ̃̀yɛ a gɛ́ɛ é nûa lia-woo ƃó a gɛɛ dífe kànaŋ lɛ́ɛ ɣala-woo ƃó-ƃela dîa nyíi a gɛ̀ núu é ǹíi maa fáleŋ da Ɣâla dífa ŋɔ́nɔ kɛ̀ kɛ-naa lɛ́lɛɛ sui. Ŋɔsɛŋ lɛ́ɛi pîlaŋɔɔi nûa da-ŋa dílaa-lai ma nyíi a ǹɛ a gɛ́ɛ núu a pîlaŋ ŋ̀éniɛi ŋí su mɛni-ŋai pôlu a kɛ́ a mɛni nyɔ́mɔɔ kɛ́-nuu. Da-ŋa díkɛ m̀ôi a gɛ́ɛ Ɣâla ǹóŋ Zîsɛ fé kɛ́ ní kpîŋ a núu-kpune. Ǹɛ́ɛ ɣala-woo ƃó-ƃelai ŋí dí kɛ̀ m̀ôi máŋ a gɛɛ ŋuŋ ma ƃo su-kulâi ƃa núu kɛ́ɛ vé kpâaŋ ní fúlu-laa mɛni ma ŋ̀éniɛi ŋí su. Dí kɛ̀ m̀ôi máŋ ǹûai dîa a gɛɛ lɔ̀-pɔ̂rɔŋ kɛ́i pere sîi nyɔ́mɔɔ su kpaa máŋ núu kɛ́ɛ wɛli kɛ́-maa fé ǹyêei m̀arâŋ nuu mɛni ma fé a mɛni nyɔ́mɔɔ da núu é gíli ŋá sia ma ŋuŋ ma ƃo mɛni ma.
Zɔ̂ŋ è ǹɛ́ɛ ɣâla-woo ƃó-ƃelai ŋí dísɛŋ lɛ́ pere-ŋai ŋí ƃò, é m̀ɛnii ŋí ŋá lɛ́ kpɔ́ ǹûai dîa a ǹɛ́lɛɛ ǹyɛɛ dîa, Zîsɛ Kôrai káa a núu-kpune kpîŋ-kpîŋ. È m̀o dîa a gbanaŋɔɔ a gɛ́ɛ ǹúui a làa a Zîsɛ maa mɛni é Ɣâla wɛ́lii, fɛ̂ɛ maa nuui é kɛ́ a m̀arâai wɛ́li nuu máŋ.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1-4)
Kwaa ponoɔɔ da kpíni (1:5--2:29)
Ɣâla ǹônii da Dɛ̂ƃele ǹônii (3:1-24)
Tɔ̃yâ da pɔara mâa (4:1-6)
Wɛli kɛ́-maa ŋɔtíi (4:7-21)
Laa-la ŋɔyee tɛ̂ɛ mai (5:1-21)
Currently Selected:
Zɔ̂ŋ Maa-ŋuŋ Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia