Zɔ̂ŋ Maa-ŋuŋ 1
1
Vúlu-laa-wooi
1È pîlaŋ vúlu-laa-wooi ma, nyíi kɛ̀ naa é kúla gɔ́ɔ pîlanii, nyíi kwa mɛni, kwa gáa a kúŋɛi-gao, kwa m̀aa kpɛ́ɛ, kwa lɛɣɛ m̀a a kúyee. 2Vúlu-laa è lɛ̀ kûa, kú gáa. Kwa m̀aa-sere-faa kɛ̀, kú ŋwɔlɔ-wɔlɔ fulu-laai mɛni ƃó kâa, nyíi kɛ̀ Nàŋ-nuui pɔ́ naa, ǹyaŋ è ǹɛ kûai, 3nyíi kwa gáa, kwa mɛ̀nii, kwa m̀ôi kâa máŋ a gɛɛ kwa kâa-ni kú kɛ́ zu tɔnɔɔ. Ǹyaŋ kwa Nàŋ-nuui da Ǹóŋ Zîsɛ Kôrai-ni kúkaa zu tɔnɔɔ. 4Kwa mɛni-ŋai ŋí pɔ̃yɛɛ̂i a gɛɛ kúlii-nɛɛi láa é fɛ́ɛ.
Ɣâla ƃa gwaa-ponoɔi
5Ŋorɛ̂-wooi ká ŋí kú mɛ̀ni é kúla ǹá, ǹyaŋ kwa m̀ôi a gɛɛ Ɣâla ƃa gwaa-ponoɔi. Kpini kélee da fé gbonoi. 6A kɛ̀ kwa mò a gɛɛ kwa dîa-ni kúlii káa tɔnɔ, kɛ́lɛ, kúkɛ sia kpinii, gɛ̀ ní kwa lɛ́ɛ kɛ̂i, kútûa-pere fé a tɔ̃yâ-pere. 7Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa. 8À kɛ̀ kwa mò a gɛɛ sɔnyɔ̂ŋ fé kûa, gɛ̀ ní kwa kúkpîŋ pɛlɛ̂i, dɔ̃yâi fé kúkponôi. 9À kɛ̀ kwa kúsɔnyɔ̂ŋ-ŋai ƃo, gɛ̀ ní deniŋ m̀ôɔi, zɔŋ lɛ́lɛɛi, ǹyaŋ a pâi kúsɔnyɔ̂ŋ su-mɛni lɛɛ̂i, é ŋɔ́nɔ kúsɔnyɔ̂ŋ kélee wáa kûa. 10À kɛ̀ kwa mo a gɛɛ kúfe niî sɔnyɔ̂ŋ kɛ́ ní, gɛ̀ ní kwa gɛ̂i a lɛɛ-nuu, ǹyaŋ wóoi fé kúkponôi.
Currently Selected:
Zɔ̂ŋ Maa-ŋuŋ 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
