Sal 32
32
Re' reey David xupahqaaj kuyb'al ru mahk, eh xkuyarik wo' ru mahk
1Atoob' reh awach i kuyuuj, i sachooj chik chi jumpech
chu'nchel ru mahk,
2Atoob' reh awach i ma' xta k'isinoq i yiib' wach na'ojb'al i rub'an.
Eh ma' xta k'isinoq ru mahk neenkan ruum i QaJaaw Dios.
3Eh noq ma' nupahqaaj ta naq kuyb'al numahk i hin,
xama' nukuy ta naq chik taqe nuti'jolal ruum i ruti'kiil nuk'ux chu'nchel q'iij.
4Ruum chi q'iij chi aq'ab' naq nayeew chi nunaah aq'ab' reh i rub'anariik weh i ti' k'axik,
nik' wach noq inchiqik i uhtz'ub' ruum i rutz'a'iil i q'iij,
xa je' chik re' i nuti'jolal noq inwik'raaj.
5Eh noq xnupahqaaj kuyb'al numahk,
chu'nchel i numahk xnuq'or aweh.
Eh xchalik panuk'ux chi xnupahqaaj kuyb'al numahk aweh.
Re' hat QaJaaw Dios xakuy wo' numahk.
6Ruum aj re', nik' ti' wilkeeb' taqe korik wach kik'ux,
i ruk'ul chi re' hat naa kaat kiq'o'reem kuuk',
chi je' re' atoob' ta xa je' chik ink'u'loq runimaal elel ha'
chikinaah taqe ti' k'axik ma' xta naa kuuchjiik ruum.
7Re' hat naa ako'liniik weh,
naa kiin ako'leem chuwach i yohb'aal.
Eh naa nuk'erem nuchii', ruum naaweliik korik
ruuk' i ko'lemb'al wiib' naa aye'em weh.
8Re' QaJaaw Dios je' wili i ruq'or: Re' hin k'ahchi' kaat wilom,
eh neenuk'uhtaaj aweh taqe i ruk'ul chi naa a'nam,
naa nukojom ana'ojb'al, eh nee nuk'uhtaaj aweh i b'eeh naa ak'amam.
9Eh mo'-oq je' akab' ixoq kawáyu,
mo'-oq je' akab' imaas kawáyu.
Re' taqe re', ma' ki-ib'irinik taj,
konkojarik b'ak'b'al ree kiju' ko ruuk' i re'
kimek'arik kora'j nee kichalik re', inki.
10Re' yiib' wach kina'ojb'al
naa ruchaliik i ti' k'axik chikinaah.
Eh re' taqe i ruuk' i QaJaaw kiye'em i kik'ux
xiik' naah i ruk'axb'al i ruyeew chikinaah.
11Re' taq i hat i tib'anik taq reh i rub'ehel,
eh korik taq wach ana'ojb'al, suuqb'oq taq ak'ux
ruuk' i QaJaaw Dios cha tz'uyej taq wach.
Currently Selected:
Sal 32: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
