Sal 30
30
Re' reey David xut'iosej ree Dios i rutoob'jiik xb'aan
1WaJaaw nuDios, re' hin tinuloq'ej, ruum re' hat xat ko'linik weh,
eh ma' xayeew ta q'ab' chi xinkikaqse'laaj taqe i ki-ixowanik nuwach.
2WaJaaw nuDios, noq xnupahqaaj aweh
chi naa kiin atoob'eem, xinak'aachrisaj wo' hoq.
3WaJaaw nuDios, re' hat xat ko'linik weh.
Noq ximponik nah kimik.
4Hat taq santo laj aj nimaneel, cha tz'uyej taq wach i QaJaaw Dios.
Chaloq'ej taq, ruum re' reh santo i rub'ihnaal.
5Re' reh, xa junk'aam i ruyeew i rujosq'iil chi qanaah,
eh re' rotob'il chi juneliik i qak'achariik i ruyeew qeh.
Atoob' nee qoh oq'ik chaq'ab',
eh pan wahq'eq ruyeew wo' chik rusuqkiil qak'ux.
6Re' hin noq suq chik wilkiin, je' wili i xnuq'or:
Ma' xta chik i ti' naawilom wach, kinki.
7Xanaah re' Jaaw weht'al wo' naq chi re' hat
ti ye'wik rukowiil nuk'ux.
Eh noq ma' nuyeew ta chik nuk'ux awuuk', ruum i re', xchalik nuyo'jiik.
8WaJaaw nuDios, re' hin tinuq'o'reej,
eh i nupahqaaj otob'il aweh. Je' wili nuq'or:
9¿Chih chik neenutiq wach aweh chi hin chik kamnaq?
¿Chib'ih chik neenutiq wach aweh chi muqulkiin chik panjul?
¿Mi nee chik tiruloq'ej re' i nupoqil?
¿Mi konee ruq'or rib'iral re' chi xa re' wo' hat i korik?
10WaJaaw nuDios, kinab'iraj tii,
chaketelaaj nuwach, eh kinatoob'eej tii.
11Re' hin ma' nukoj ta chik i nuq'eq' so',
ruum re' hat xasutej chi rusuqkiil nuk'ux i ruti'kiil nuk'ux,
xa kinsoninik chik ruum i rusuqkiil nuk'ux.
12Ruum aj re', QaJaaw Dios,
re' hin ma' jaruuj neentz'aplojik i nuuchii'.
Ma' naa ta nukanaam rutz'uuyjiik awach.
Eh juneliik naa nut'iosem awotob'il.
Currently Selected:
Sal 30: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
