Sal 21
21
Re' rutz'uuyjiik wach i Dios ruum i ko'linik xub'an
1WaJaaw nuDios, re' reey ma' k'isiin ta xsuuqb'ik ruk'ux, ruum xayeew i rajaawriik.
Eh suq ruk'ux ruum chi xako'leej pan kiq'ab' i aj ixowaal.
2Xayeew wo' reh aha' wilik iraaj rub'anariik.
Eh xayeew wo' reh aha' wilik i xupahqaaj aweh parutiij.
3Yohb'aal wach i rutoob'jiik xa a'n
xakoj rukoróna wach naah re' ruuk' i xti manlik oro.
4Xupahqaaj ruk'achariik aweh, najt rooq i ruk'achariik xayeew.
Eh naa wo' aye'em reh i juneliik k'acharik.
5Eh xayeew rajaawriik ruum xako'leej.
Xayeew ruloq'il, eh xayeew runimaal wach.
6Wilkaat ruuk' chutoob'jiik chi juneliik.
Ruum aj re', ma' k'isiin ta nsuuqb'ik ruk'ux.
7Je' re' noq, re' hat reey, ruuk' i QaJaaw Dios ch'iklik ak'ux.
Eh ruum chi naa ruketelaam wach i QaJaaw nim rajaawriik, ma' xta naa ak'ulum.
8Eh re' hat naa aq'atam wach i kajaawriik taqe i ki-ixowanik awach.
Eh naa a'nam keh chu'nchel i ma' ki ajwanik ta awach.
9Je' naa, naa aye'em taqe pan jino'q,
horna qoplik ruq'aq'al ruum aajosq'iil.
Eh ruum aajosq'iil naa taqe aye'em
pa runimaal q'aaq' chi tojb'al kimahk.
10Re' hat reey, naa wo' asacham kiwach i kak'uun kixq'uun,
i kiih kimaam wilkeeb' chinaah i wach ak'al.
11Atoob' ta naq inkaaj kianam aweh,
eh nik' ta naq wach ruyejeb'jiik wach
neenkian i naa kianam aweh,
xama' xta wo' neetikuchej.
12Re' keh naa naq kimolom chi elik.
Xa re' la', xama' naa ta wo' chik kianam elik,
ruum re' hat ruuk' i flecha naa akansam taqe.
13WaJaaw nuDios, cha k'uhtaaj awajaawriik.
Chi je' re', naaqaye'em runimaal awach,
eh naa wo' qatz'uyem awach chu'nchel qak'ux.
Currently Selected:
Sal 21: POK
Highlight
Share
Copy
Want to have your highlights saved across all your devices? Sign up or sign in
Biblia en Poqomchí: Santo Laj Huuj © Sociedad Bíblica de Guatemala 2009.
