Zac 4

Max tx'oxlay yil Zacarías jun batxlub candil

1Cax max meltzojtek cham ángel maxax k'anjab wetok tu xin, max xibten el in wayan axcaxac'al yel lenaj is wayan junok tol chi wayi. Max k'anlen ayin axca ti': 2¿Tzet yetal chela'? ẍi ayin. Max walon bay: Chi wil jun batxlub candil naba oro, yetok jun netal aceite ayajtok yiban. A yin jun batxlub tu' ayoc ukeb candil. Junjunc'al candil tu' ay is tuboal chi ion bey aceite. 3Junej ay cab te olivo yetok jun batxlub candil tu', jun ayoc bay is watx', c'al junxa bay is q'uexan, quin chi bay.

4Max in k'anlen c'apax bay axca ti': Mamin, ¿tzet wal chi yal elapnok jun ti'? quin chi bay. 5Max yalon Cham ayin: ¿Tom man ojtakok tzet chi yal elapnok? ẍi ayin. Max waloni: C'amak Mamin, quin chi bay.*fn*

6Max yalonc'al cham ángel axca ti' ayin: A ton jun k'anej ti' chi yal Jehová Cham Yajaw yin Masanil bay Zorobabel. Manak yuj eb soldado, tamwal yuj ipejal, palta a yuj Wespíritu ok je' oj. 7A yatakilal watx'ji templo, caxc'al axca junok miman witz, palta a a satak ach Zorobabel, ok c'aycan ajok. Ach wal caw ok aoc ch'en lajub ch'en tol miman yayji ocok, yak'ban chi el yaw masanil eb conob axca ti': ¡Tx'okxa watx'il yili! ¡Ayokab watx'c'ulal Dios yiban! ẍixac'al eb, ẍi Jehová, ẍi cham ángel.

8Max lajwi tu', a Jehová max alon wal jun k'anej axca ti': 9A Zorobabel max aon ay yich jun templo ti', ac'ala' a' ok lajon c'apaxok. Catatu', ok nachaj el yuj in conob, tol ayin Jehová Yajaw in yin Masanil max ach in chektok. 10A juntzan eb tol c'am yelapnok yul sat yet max el yich tu', axa yet ok yilon oc eb tol lanan yaon oc Zorobabel plomo yin ch'en lajub ch'en, ok tzaloj aj eb, ẍi Cham.

Max lajwi juntzan ti', maxtoc'al yal cham ángel axca ti': A ukeb candil ti', a ton chi tx'oxontek is bak' sat Jehová, tol chi yil bay masanil sat tx'otx', ẍi.

11Max in k'anlen pax bay: ¿Tzet chi yal elapnok cab te olivo, tol junjunc'al bay junjun is tz'eyil jun batxlub candil tu'? quin chi bay. 12Max in k'anlen c'apaxok: ¿Tzet chi yal elapnok cab is k'ab te olivo tol junej yayji yetok cab tubo naba oro bay chi aytok aceite? quin chi. 13Max tak'wi cham ángel ayin axca ti': ¿Tom man ojtakok tzet chi yal elapnok? ẍi ayin. Max walon bay: Man wojtakok Mamin, quin chi.

14Max yalon ayin: A ton cab ti' chi tx'oxontek eb cawan sic'bil elok, a ton eb chi ak'wi serbil bay Jehová, Cham Yajaw yin Masanil tx'otx' tx'otx', ẍi cham ángel.

Currently Selected:

Zac 4: ATBYK89

Highlight

Copy