1 Cr 4
4
Juntzanxa makquiltakil eb Judá
1A eb yinatil Judá: a ton Fares, Hezrón, Carmi, Hur c'al Sobal. 2A Sobal, a' ay is c'ajol Reaía; a Reaía, a' ay is c'ajol Jahat, axa Jahat, a' ay is c'ajol Ahumai c'al Lahad. A jun makan eb ti' zoratita c'al eb.
3-4Axa eb c'ajol Etam: a ton Jezreel, Isma, Idbas. Ay c'apax jun is yanab eb chi yik Haze-lelponi. A Penuel, a ton is yichmam eb aj Gedor, c'al Ezer, a ton is yichmam eb aj Husa. A ton juntzan eb ti' is yinatil Hur is babel yune' xal Efrata is yichmam eb aj Belén.
5Axa Asur, is yichmam eb aj Tecoa, cawan is yistzil cham: a ton xal Hela, c'al xal Naara. 6A xal Naara tu', a' ay is yune' Ahusam, Hefer, Temeni c'al Ahastari. A ton eb ti' is yinatil xal Naara. 7Axa eb yune' xal Hela: a ton Zeret, Jesoar c'al Etnán.
8A Cos, a' ay is c'ajol Anub c'al Sobeba, is yichmam c'apax eb is yinatil Aharhel, is c'ajol Harum.
9A Jabes, yelxac'al mimanbil yintak eb yuẍtak. A is txutx max ak'on yik Jabes, yujtol max yala': Yin wal yailal max yun yalji jun wune' ti', ẍi xal. 10A Jabes tu' max oc yin ayilal bay co Diosal ayon israel on ti', max yaloni: Chin tewi ayach Mamin, tol chak' a watx'c'ulalil wiban, chi wochej tol miman in tx'otx', chi wochej c'apax tol ayach oc wetok yin in a colon el bay yatakilal, yet watx' c'am chi wetnej in c'ul, ẍi yin is txaj. Max yak'on Dios masanil tzet yetal max k'an bay.
11A Quelub is yuẍtak Súa, a' ay is c'ajol Mehir; axa Mehir, a' ay is c'ajol Estón. 12Axa Estón, a' ay is c'ajol Bet-rafa, Paseah, c'al Tehina. A Tehina ti' max tz'unon aj jun conob Nahas. A ton eb ti' cajyom bay Reca.
13Axa eb is c'ajol Cenaz: a ton Otoniel, c'al Seraías. Axa eb is c'ajol Otoniel: a ton Hatat, 14c'al Meonotai. A Meonotai, a' ay is c'ajol Ofra. Axa Seraías tu', a' ay is c'ajol Joab, a ton is yichmam eb cajyom bay jobeal Carisin. Caytu' yoc bi jun lugar tu', yujtol a eb anima cajyom bay tu', chi watx'nej eb juntzan tzetak yetal watx' yili.
15Axa eb c'ajol Caleb, is c'ajol Jefone: a ton Iru, Ela c'al Naam. Axa Ela a' ay is c'ajol Cenaz.
16Axa eb is c'ajol Jahaleel: a ton Zif, Sifa, Tirías c'al Asareel. 17-18Axa eb c'ajol Esdras: a ton Jeter, Mered, Efer, c'al yetok Jalón. A Mered tu' max nupay yetok Bitia, is cutz'in cham reyal Egipto. Axa eb yuninal: a ton María, Samai yetok Isba, a ton is yichmam eb aj Estemoa. Ac'ala' Mered tu', ay junxa yistzil, aj Judá xal. A ton eb is c'ajol yetok xal, Jered is yichmam eb aj Gedor, c'al Heber is yichmam eb aj Soco, yetok c'apax Jecutiel is yichmam eb aj Zanoa.
19A xal yistzil Hodías yanab Naham, a yuninal eb: a ton is mam Keila garmita, c'al is mam Estemoa maacateo.
20Eb is c'ajol Simón: a ton Amnón, Rina, Ben-hanán c'al Tilón. Axa eb yinatil Isi: a ton Zohet c'al yetok Benzohet.
21Axa eb yinatil Sela, is c'ajol Judá; a ton Er is mam Leca, c'al Laada, a' ay is c'ajol Maresa, is yichmam eb chi mulnaj yin watx'nej lino bay Bet-asbea, 22c'al Joacim, yetok eb cajyom bay Cozeba, c'al Joás c'al Saraf. A eb ti' max ec'lej eb yin yajawilal bay Moab. Lajwi tu' max meltzoj eb bay Belén, atac'ala' yalon eb ajtz'ib yet payxa. 23A juntzan eb tu' tz'aklom eb. A tu' max cajay ec' eb bay Netaim, c'al bay Gedera, max ak'wi serbil eb bay cham rey.
Eb yinatil Simeón
24A eb c'ajol Simeón: a ton Nemuel, Jamín, Jarib, Zera c'al Saúl. 25-26A eb yinatil Saúl tu' yin txolilal: a ton Salum, Mibsam, Misma, Hamuel, Zacur c'al Simei. 27A Simei, ay waklajonwan is c'ajol yetok wakwan is cutz'in. Axa pax eb yuẍtak xin, man wal xiwilok is yuninal eb, yuj tu' xan maj wal aj can bisil eb axca is yinatil Judá. 28Max cajay ec' eb bay juntzan lugar ti': Beerseba, Molada, Hazar-sual, 29Bilha, Ezem, Tolad, 30Betuel, Horma, Siclag, 31Bet-marcabot, Hazar-susim, Bet-birai, c'al Saaraim. A ton juntzan ti' is conobal eb masantac'al yet max oc David yin reyal. 32Ayto c'apax oyebxa is conob eb: a ton Etam, Aín, Rimón, Toquén c'al Asán, 33yetokc'al masanil is yaldeail juntzan conoblak tu' masantac'al bay Baalat. A ton bay juntzan lugar tu' cajan eb, a ton is listail yinatil eb ti'.
34-38A juntzan ok binaj ti', a ton eb ichmamej yayji bay junjun makan: Mesobab, Jamlec, Josías, is c'ajol Amasías, Joel, Jehú is c'ajol Josibías, is yitxiquin Seraías; a Seraías ti' is c'ajol Asiel, yetok c'apax Elioenai, Jaacoba, Jesohaía, Asaías, Adiel, Jesimiel, Benaía, c'al Ziza. A Ziza ti', is c'ajol Sifi yitxiquin Alón. A ton ti' c'ajol Jedaías, yitxiquin Simri; a Simri ti' c'ajol Semaías. A is yinatil eb, caw wal max aj can bisil, 39xan max apni oc eb sayon ec' yac'un is calnel bay chon octok bay Gedor, bay yetc'ulal yayubc'ual jun jobe. 40A bay tu' max ilchaj yax ac'un yuj eb, caw wal watx', xiwil an. Caw wal miman jun tx'otx' tu', junc'ulalxac'al yayji ec' eb, c'am tzet max on eb. A bay tu' max ec' cajan eb yinatil Cam yet yalantok. 41Axa pax yul is tiempoal cham rey Ezequías bay Judá xin, max jayoc juntzan mayal jak' binaj ti', max yak'on lajwok eb eb anima cajan bay tu', yetokc'al is campamento eb, c'al is na eb, max lajwi masanil. Axa eb tu' max cancan cajan bay tu', yujtol ay ac'un yet is jobbejal no' eb. 42Yetok c'apaxok, ay junxa 500 eb winak yinatil Simeón max toj cajay bay siquilal tx'otx' yul yet Seir. A eb is c'ajol Isi a ton Pelatías, Nearías, Refaías, c'al Uziel ayoc yajawilalok eb. 43A eb tu' max ak'on lajwok eb amalecita ayto can ec' bay tu'. Ataxc'al yet tu' max cajay ec' eb bay tu' masantac'al tinani'.
Currently Selected:
1 Cr 4: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
