1 Cr 3
3
Eb c'ajol David
(2 S 3.2-5; 5.13-16; 1 Cr 14.3-7)
1A eb c'ajol David max alji bay Hebrón: a jun babel a ton Amnón, is yune' xal Ahinoam aj Jezreel. Axa jun yet is cab, a ton Daniel, is yune' xal Abigail aj Carmel. 2Axa jun yet is yox, a ton Absalón, is yune' Maaca, a ton xal is cutz'in Talmai, is reyal Gesur. Axa jun yet is can, a ton Adonías is yune' xal Haguit. 3Axa jun yet is so', a ton Sefatías is yune' xal Abital. Axa jun yet is wak, a ton Itream yune' xal Egla, a ton junxa is yistzil cham David tu'. 4A bay Hebrón max yak' cham David reyal yin ukeb abil, yetok wakeb xajaw. A bay tu' max alji eb wakwan c'ajol cham ti'. Lajwi yak'on reyal bay tu', max yak'on pax 33 abil reyal bay Jerusalén. 5Axca ti' is bi eb c'ajol max alji bay Jerusalén tu': Simea, Sobab, Natán c'al Salomón. A eb canwan ti', yune' xal Betsabé, is cutz'in Amiel. 6Ayto balonwanxa is c'ajol cham David: a ton Ibhar, Elisama, Elifelet, 7Noga, Nefeg, Jafía, 8Elisama, Eliada, c'al Elifelet. 9A masanil juntzan ti', is c'ajolc'al cham rey David eb. A ix Tamar yanab c'apax eb. Ayto juntzanxa eb is c'ajol cham yetok juntzanxa eb xal ix yet is cab yistzil c'am chi binaj xol eb ti'.
Eb reyal Judá
10-14Axa eb yinatil Salomón yin txolilal: a ton Roboam, Abías, Asa, Josafat, Joram, Ocozías, Joás, Amasías, Azarías, Jotam, Acaz, Ezequías, Manasés, Amón, Josías.
15A is babel c'ajol Josías, a ton Johanán, yet is cab Joacim, yet is yox Sedequías, axa yet is can, a ton Salum.
16A eb rey maxto oc yintak Joacim: a ton Jeconías is c'ajol c'al Sedequías.
17A Jeconías max ilaytok preso, a is babel c'ajol a ton Salatiel, 18cax chi tit Malquiram, Pedaías, Senazar, Jecamías, Hosama c'al Medabías.
19Axa eb is c'ajol Pedaías tu', a ton Zorobabel c'al Simei. Axa eb is c'ajol Zorobabel: a ton Mesulam, c'al Hananías yetok c'apax Selomit is yanab eb tu'. 20Ay c'apax owanxa is c'ajol: a ton Hasuba, Ohel, Berequías, Hasadías c'al Jusab-hesed.
21Axa eb is yinatil Hananías tu': a ton Pelatías c'al Jesaías. A eb is c'ajol Refaías: a ton Arnán, Abdías c'al Secanías.
22Axa eb yinatil Secanías tu', a ton Semaías is c'ajol. Axa eb is c'ajol Semaías: a ton Hatús, Igal, Barías, Nearías c'al Safat, wakwan eb yin masanil.
23Axa eb is c'ajol Nearías oxwan bey eb: a ton Elioenai, Ezequías c'al Azricam.
24Axa eb is c'ajol Elioenai ukwan bey eb: a ton Hodavías, Eliasib, Pelaías, Acub, Johanán, Dalaías c'al Anani.
Currently Selected:
1 Cr 3: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989
