Ri Job 42
42
Cäch'aw ri Job:
1-2Ri Job xubij:
“In weta'm chi
ronojel cacuin la che u banic
man c'o ta c'u jun jasach
ri ma ta cacuin la che u banic.
3¿In jachichinok in
chi chqueblaj ta nu c'u'x
che ri cacuin la che u banic
je c'u u c'utic wa'
ri man wetamanic taj?
In cätajin quebentzijoj
jastak ri man e weta'm taj,
jastak ri sibalaj e mayibal
ri man quincuin ta che qui ch'obic.
4Lal xbij la chwe:
‘Chattatabenok,
quinwaj c'ut catintzijobej;
chebatzelej qui wäch
tak we c'otoj tak chi'aj ri' chwe.’
5In wetamam wäch la xa'
rumal ri u ta'ic tzijol la,
are c'u ri camic quinwil la
cuc' ri kas e nu bak'wäch.
6Rumal ri' quintzelej wib
chwij nu q'uexom nu c'u'x,
in t'uyul chupam puc'uc' ulew
xukuje' chaj.”
Ri Dios cuk'inomarisaj chi jumul ri Job
7Aretak e bitajinak chic we jastak ri' che ri Job rumal ri Ajawaxel, xukuje' xubij che ri Elipaz: “Sibalaj in oyowarinak awuc' xukuje' cuc' ri quieb awachil, rumal rech chi man xquibij taj ri kastzij chwij, jacha' ri xuban ri Job pataninel wech.
8Chebic'ama' wukub ama'ib tak wacax xukuje' wukub ama'ib tak chij jix c'u che rilic ri Job ri pataninel wech, chebichi'j c'ut jacha' che tabal tok'ob ri quechajirisaxic che i q'uexwäch. Ri Job ri pataninel wech cabochi'n na piwi', quinc'amowaj c'u na ri u bochi'nic man c'o ta c'u jun c'ax quinban na chiwe, pune' c'u takal chiwe rumal rech chi man xibij taj ri kastzij chwij, jacha' ri xuban ri Job ri pataninel wech.”
9Ri Elipaz, ri Bildad xukuje' ri Zopar xebec xequibana' c'ut ri takanic ri xuya' ri Ajawaxel chque, ri Ajawaxel xuc'amowaj ri u bochi'nic ri Job.
10Ri Job aretak u banom chic bochi'nic paquiwi' ri e rachil, ri Dios xutzelej ri u k'inomal ri c'o can nabe, xucamulij c'ut u ya'ic che ri c'o can ruc' nabe.
11Xebopan c'u ne conojel ri rachalal, ri e rana'b xukuje' tak ri e rachil, xukuje' conojel ri e etamaninak u wäch ojer, xerachilaj c'u conojel wa' che u banic jun nimak'ij cho ri rachoch. Xquik'alajisaj c'u chuwäch chi c'ax xquina' ri xuc'ulmaj xquicu'bisala' c'u u c'u'x che ronojel ri c'axc'ol ri xutak ulok ri Ajawaxel puwi', conojel c'ut chquijujunal xquiya' jutak bik' puak che xukuje' jujun mulk'ab re k'an puak.
12Ri Dios xutewichi'j na ri Job pa ri q'uisbal tak u junab chquiwäch ri nabe tak u junab. Xec'oji' c'u na cajlajuj mil (14,000) ri u chij, wakib mil (6,000) camey, jun mil (1,000) c'ulaj tak wacax ri quechacunic xukuje' jun mil (1,000) ati'tab tak bur.
13Xukuje' xec'oji' cajlajuj u c'ojol xukuje' oxib u mia'l.
14Jemim xucoj che u bi' ri nabeal, che ri ucab, Sesiy che c'u ri urox, Keren-apuc.
15Man e c'o ta pa ronojel ri uwächulew ixokib ri sibalaj ta e je'lic e jacha' ri u mia'l ri Job. Ri qui tat xebuban chque chi quebux echbenelab chque tak ri u k'inomal cachil tak ri qui xibal.
16-17Aretak c'ulmatajinak chi wa', ri Job xc'asi'c' chi na jun sient ruc' cawinak (140) junab, sibalaj c'u nim winak chic aretak xcämic, xeril na' ri e u c'ojol ri ri' tak u mam, ri e u xiquin tak u mam xukuje' ri calc'ual ri e xiquin tak u mam.
Currently Selected:
Ri Job 42: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.
