Ri Job 40
40
Cäch'aw ri Dios:
1-2“At ri are ta xawaj
chi xak'at ta tzij puwi',
ri c'o ronojel u cuinem,
¿la c'ä catac'aba' awib
che c'ulelanic?”
Cäch'aw ri Job:
3-4Ri Job xubij:
“¿Jas ta ri c'ulelanic quinban in,
ri man c'o ta jubik' nu banic?
Are' utz na chwe chi man quinch'aw taj.
5In ch'awinak chi jumul xukuje' camul,
man c'o ta chi c'u jas quintiko.”
Ri Dios cutijtobej chi jumul ri Job
6Ri Ajawaxel cuch'abej chi jumul ri Job chupam ri nimalaj quiakik'.
7Ri Ajawaxel xubij:
“Chac'utu' ri a chuk'ab chnuwäch
camic, chatzelej c'u qui wäch
we c'otoj tak chi'aj ri' chwe:
8¿La catzucuj nu k'alajisaxic
chi man in ta suc'
xukuje' chi in ajchak'mac,
rech catk'alajin at
chi man c'o ta a mac?
9¿La xa pa u sibalaj at co
jacha' ri in?
¿La cakulja ri a ch'abal,
jacha' ri wech in?
10Chacojo a chuk'ab re nimalil
xukuje' re nim u banic,
cha ch'uku' awib ruc' juluwem
xukuje' jolk'inic.
11Chebawila'
conojel ri caquiban tak nimal:
chatzokopij ri awoyowal
paquiwi' chebamach'irisaj c'ut.
12Je, chebakasaj pa ulew
ruc' ri qui ca'yexic awumal,
chebaxak'alej ri banal tak etzelal
jawije' ri e c'o wi.
13Chebamuku' conojel chupam ri ulew,
chebatz'apij
chupam ri qui co'c ri cäminakib.
14Kas in c'ut quinyo'w na a k'ij
chi are' ri a cuinem xyo'w
ri ch'äcanic chawe.
15 # 40.15 Ri Behemot are' jun jilijic awaj. Cachomaxic chi cajunamataj jubik' ruc' ri hipopotamo ri c'o pa Aprica camic. We awaj ri' cak'onk'otic jacha' jun ak sibalaj c'u c'o na ri u nimal. Jujun quepajan jumuch' (80) quintal. Quebeytaj chupam ri ja' chquipam tak ri nimak tak nima'. Sibalaj e c'a'n. Chawila' ri jilijic Behemot,
nu q'uiyisam junam awuc': cutij k'ayes
jacha' ri wacax;
16chawila' chi
sibalaj co ri e uwo rachak,
sibalaj c'o q'ui u chuk'ab
tak ri riboch'il.
17Ri u je' co jacha' ri chacalte',
ri e riboch'il
tak ri e rakan e t'ur tak.
18Ri e u bakil
e jacha' ri tutu re k'an ch'ich',
e jacha' ri bolobak tak räx ch'ich'.
19Nu chac wa'
ri utzalaj u banic nu banom;
xuwi ri in,
ri winakirisal rech,
quincuin che u kasaxic.
20Chupam tak ri juyub
ri quebetz'en tak wi
ri juyubal tak awaj,
quec'am wi ulok ri k'ayes rech cutijo.
21Cak'oyi' chquixe' tak ri chjab,
cuc'u' rib chquixo'l tak ri aj
ri e c'o pa tak ri ja'.
22Ri chjab quemujisanic,
sutim rij cumal tak sak lemob
ri e c'o chuxcut ri alaj nima'.
23We caq'uiy ri nima'
man cuxe'j ta rib;
pune' copan ri nima' c'ä pa u tza'm
man c'o ta jas cubij u c'u'x.
24¿Jachin ta ri ticarel
c'u chapo quebuc'otij ta c'ut
ri e u bak'wäch,
o cuxim ta ri u tza'm ruc' jun colob?”
Currently Selected:
Ri Job 40: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.
