Ri Job 27
27
Cäch'aw ri Job:
1-2Ri Job xubij:
“¡Quinban na
ri chi'nic ri kas cäban na,
quincha' pa ri u bi' ri Dios;
xukuje' pa ri u bi'
ri c'o ronojel u cuinem,
ri cuk'il rib
che u banic suq'uilal chwe,
quinunojisaj c'u che c'ayil,
3joropa' k'ij cuya' nu chuk'ab
che wuxlabic,
4mawi jubik' quinbij ta na banoj tzij
mawi quebenbij ta tzij
ri xak ta e u cawäch!
5Joropa' k'ij quinc'asi'c,
quintakej na u bixic
chi man c'o ta nu mac;
¡man quinc'amowaj taj
chi ri ix c'o ta jasche quinitzujuj!
6Man quinwesaj ta wib
chupam chi in tz'akat pa ronojel,
man c'o ta c'u jun etzelal nu banom.
7¡Chi ronojel ri cuk'alajisaj rib
chi u banom u c'ulel chwe
chutaklebej ri u c'aslemal
ri banal etzelal
xukuje' ri rech ri man suc' taj!
8¿Jas lo ri eyebal c'uxaj ri careyej
ri man caniman ta che ri Dios
aretak chesax ri u c'aslemal
rumal ri Dios?
9Aretak c'o pa tak ri e u q'ueyowal,
ri Dios man quebutatabej taj
ri u bochi'nic.
10We winak ri'
man curik ta ri u quicotemal
ruc' ri c'o ronojel u cuinem,
mawi c'o jok'otaj cak'ijilan ta che.
11Quenc'utu'
ri nimalaj u cuinem ri Dios chiwäch,
ri e u chomanic
tak ri c'o ronojel u cuinem.
12We iwonojel ix iwilom chic,
¿jas c'u che quebibij
jech'alaj tak jastak?”
Cäch'aw ri Zopar:
13Ri Zopar xubij:
“Are c'äjisabal wächaj wa'
ri cuya' na ri Dios,
ri c'o ronojel u cuinem,
chque ri winak ri abaj canima'
xukuje' e banal tak etzelal:
14Pune' sibalaj e q'ui ri qui c'ojol,
quecäm na chupam ri ch'o'j
o rumal rech chi man caquirik ta chic
ri caquitijo.
15Ri quec'asi' canok,
quecämisax na
rumal cämisanelalaj yabil,
man c'u cok'ex ta na qui wäch
cumal ri qui malca'nib.
16Ri itzel winak pune' ta ne
quebumulij sak puak jacha' ulew,
e c'o ta c'u jumulaj ratz'iak,
17jun winak ri tz'akat
pa ronojel quecojow tak na
we atz'iak ri'
jun c'u winak ri tz'akat
pa ronojel cäsachow na
we sak puak ri'.
18Ri rachoch ri itzel winak
man co taj,
jacha' jun u soc chicop ri c'o u xic',
jacha' ri u cäbal jun chajil tico'n.
19Q'uisbal mul cäk'oyi na k'inom,
aretak cac'astajic,
man c'o ta chi jas c'o ruc'.
20Pa k'ij copan ri xibriquil ruc',
ri quiakik' jäb
are cac'amow bic chak'ab.
21Ri quiakik'
ruc' cakulja aj elebal k'ij
cabokow na bic pa ri rachoch;
22man ruc' ta tok'obisan wächaj
cäpe na puwi',
pune' cutzucuj u to'ic rib.
23Ri quiakik' cuterenej pa rakan
ruc' cakulja xukuje' xulk'abic.”
Currently Selected:
Ri Job 27: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.
