Ri Amos 7
7
Qui c'utwächixic tak ri sac'
1Are wa' ri xuc'ut ri Ajawaxel chnuwäch: Aretak c'äte ri' cuchaplej ulok u tuxinic ri ucab tico'n, ri c'äte cabanic aretak yactajinak chic ri u wäch ri rulew ri ajawinel, xinwil ri Ajawaxel cätajin quebuq'uiyisaj tak ri sac'.
2E are tak c'ut ri e sac' aretak cätajin quequitij ri q'uisbal tak k'ayes, je xinbij wa': “¡Ajawaxel, chesacha' la ka mac! ¿Jas ta ri cubana' ri tinimit la ri Jacob cucoch'o', sibalaj c'u colic?”
3Xuk'il c'u rib ri Ajawaxel che ri u chomam u banic, xubij c'ut: “¡Man quec'ulmataj ta ba' wa'!”
U c'utwächixic ri k'ak'
4Are wa' ri xuc'ut ri Ajawaxel chnuwäch: Xinwilo xutak ulok jacha' ta ne c'äjisabal wächaj jun k'ak' lak'apunel, ri xuq'uis u tzajirisaxic ri nimalaj plo ri cho u pam xukuje' cätajin cuq'uis tzij paquiwi' tak ri juyub.
5In je xinbij wa': “¡K'ilk'ob la Ajawaxel, chbana' la tok'ob! ¿Jas ta ri cubana' ri tinimit la ri Jacob cucoch'o', sibalaj c'u colic?”
6Xuk'il c'u rib ri Ajawaxel che ri u chomam u banic. Xubij c'ut ri Ajawaxel: “¡Mawi ne quec'ulmataj wa'!”
U c'utwächixic ri colomibal
7Ri Ajawaxel xuc'ut xukuje' wa' chnuwäch: C'o ri are' chuxcut jun nim tapia, c'o c'ut jun colomibal pa u k'ab re ajunil.
8Ri Ajawaxel xuc'ot c'ut nu chi': “¿Jas ri cawilo, Amos?”
“Jun u colomibal ajtz'ak”, xincha'.
Ri Ajawaxel xubij c'u chwe: “Ruc' c'ut we u colomibal ajtz'ak ri' quenwila' ri u colomal ri u c'aslemal ri nu tinimit Israel. Man quensacha' ta chi u mac mawi ta chi ne jumul.
9Ri e u k'ijilabal ri Isaac quesachisax na qui wäch, xukuje' ri cak'ijilan wi tak ri Israel queyojyobitaj canok. ¡Quinwalijisaj na ri ch'ich' re ch'o'j che qui cämisaxic tak ri e ralaxic ri Jeroboam!”
Ri Amos cuc'ulelaj ri Amasiy
10Ri Amasiy, cojol tabal tok'ob pa Betel, xutak u bixic che ri Jeroboam, rajawinel ri Israel: “Ri Amos cäbin chquixo'l tak ri winak re Israel, cuban walijisam ib chrij ri ajawinel. Ri tinimit man cuch'ij ta chic chi cutakej tzijonem.
11Cawacat c'u chi je cubij wa': ‘Ri Jeroboam cäk'ok'ex na che ch'ich' re ch'o'j, ronojel c'ut ri tinimit Israel cäc'am na bic pa jun ulew chic.’ ”
12Xuya' c'u takanic ri Amasiy che ri Amos: “¡Chatel bic waral, k'axal tzij! We cawaj chi cach'äc ri cajwataj chawe ruc' ri u k'axexic tzij jät pa Juda;
13mak'axej chi c'ut tzij pa Betel, chi' c'ut cak'ijilan wi ri ajawinel xukuje' rachoch c'ut ri nim u k'ij pa ri ajawinic.”
14 # 7.14 Waral are cubij ri u ch'upic u wäch ri che' sicomor, ri cajunamataj ruc' ri juyubal higo. Chanim camolic aretak chak'chic cac'ayix c'ut jacha' jun u wäch che' ri man pakal ta rajil. Are c'u ri Amos xutzelej u bixic che: “In man in ta k'axal tzij, mawi quintzucuj u banic. Quinch'äc ri quebajwataj chwe rumal qui chajixic chij xukuje' quimolic juyubal tak higo,
15are' c'u ri Ajawaxel xinresaj chquij tak ri chij, xubij c'u chwe: ‘Jät chach'abej ri nu tinimit Israel pa ri nu bi'.’
16Rumal ri' chatatabej ri u tzij ri Ajawaxel. Ri at cabij chwe: ‘C'o maya' u bixic pa u bi' ri Dios chi cuc'ulmaj na ri Israel, mawi c'o jas mabij chi cuc'ulmaj na ri rija'lil ri Isaac.’
17Are' c'u wa' ri cubij ri Ajawaxel: ‘Ri awixokil cuban na junam cuc' ri quech ri nim ch'utin chupam ri tinimit, ri e a c'ojol xukuje' tak ri e a mia'l quejulupix na chi ch'ich' re ch'o'j; ri e awulew quejach na qui wäch pa taklebenic; are c'u ri at catecäm na pa ri culew ri winak ri e k'ijilal tak diosib, e are tak c'ut ri e aj israelib quec'am na bic pa jun ulew chic naj che ri culew.’ ”
Currently Selected:
Ri Amos 7: QUICH1
Highlight
Share
Copy
Want to have your highlights saved across all your devices? Sign up or sign in
Biblia Quiché © Sociedades Bíblicas Unidas, 1995.
