1 Crón 27
27
1Chi ik' chi ik' ek'o e 24,000 aj-labal ri kinaban-ki' richin nikiben oyowal. Rije' y ri e aj-raqen pa kiwi' ri aj pa kachoch, e aj-raqen pa kiwi' ri aj-labal, y ri ye'ilin richin ri rey ek'o chuxe' kitzij re e kablajuj aj-raqen re': 2-3Ri nabey ik': Ja ri Jasobeam ruk'ajol ri Zabdiel, rijatzul kan ri Fares. 4Ri ruka'n ik': Ja ri Dodai ri ahohíta. 5Ri rox ik': Ja ri Benaías ruk'ajol ri nimalej sacerdote Joiadá. 6Rija' jun chike ri e juwineq lajuj ri man jun xibinri'il chikiwech, y ri ruk'ajol Amizabad chuqa' jun aj-raqen. 7Ri rukaj ik': Ja ri Asael rach'alal ri Joab. Y ri xk'oje' pa ruk'exel rija' ja ri ruk'ajol rubini'an Zebadías. 8Ri ro' ik': Ja ri Samhut ri izraíta. 9Ri ruwaq ik': Ja ri Irá ruk'ajol ri Iqués ri aj-Tecoa. 10Ri ruwuq ik': Ja ri Heles ri paltita, rijatzul kan ri Efraín. 11Ri ruwaqxaq ik': Ja ri Sibecai aj-Husá, rijatzul kan ri Zérah. 12Ri beleje' ik': Ja ri Ebiézer ri aj-Anatot, rijatzul kan ri Benjamín. 13Ri lajuj ik': Ja ri Maharai ri aj-Netofá, rijatzul kan ri Zérah. 14Ri julajuj ik': Ja ri Benaías ri aj-Piratón, rijatzul kan ri Efraín. 15Ri kablajuj ik': Ja ri Heldai ri aj-Netofá, rijatzul kan ri Otoniel.
16Ri e aj-raqen kichin ri tzobaj ri e rijatzul kan ri Israel: Richin ri tzobaj Rubén ja ri Eliézer, ruk'ajol ri Zicrí; richin ri Simeón ja ri Sefatías, ruk'ajol ri Maacá; 17richin ri Leví ja ri Hasabías, ruk'ajol ri Quemuel; richin ri e rijatzul kan ri Aarón ja ri Sadoc; 18richin ri Judá ja ri Elihú, rach'alal ri David; richin ri Isacar ja ri Omrí, ruk'ajol ri Micael; 19richin ri Zabulón ja ri Ismaías, ruk'ajol ri Abdías; richin ri Neftalí ja ri Jerimot, ruk'ajol ri Azriel; 20richin ri Efraín ja ri Oseas, ruk'ajol ri Azazías; richin ri jun nik'aj tzobaj Manasés ja ri Joel, ruk'ajol ri Pedaías; 21richin ri nik'aj chik tzobaj Manasés ri ek'o pa Galaad ja ri Idó, ruk'ajol ri Zacarías; richin ri Benjamín ja ri Jaasiel, ruk'ajol ri Abner; 22richin ri Dan ja ri Azarel, ruk'ajol ri Jeroham. Ja re' ri e aj-raqen kichin ri e tzobaj ri Israel.
23Toq ri David xerajlaj ri winaqi' israelita, man xerajlaj ta ri man jani k'o juwineq kijuna', roma ri Jehová rusujun chike ri kite-kitata' chi kan yeruwinaqirisaj ri israelita achi'el ri kajlabal ri ch'umila' ri ek'o chikaj. 24Ri Joab ral ri Seruiá xutikeriba' k'a kajlaxik ri achi'a', jak'a man xuk'is ta rubanik, roma ri Jehová Dios xyakatej royowal chirij ri tinamit Israel. Roma ri' xuya-pe jun nimalej rutojbalil-mak, y roma ri' man xq'alajin ta ri kajlabal chupan ri wuj richin ri e rubanobal ri rey David.
25Ri Azmávet ruk'ajol ri Adiel, ja rija' ri nichajin ri rubeyomel ri rey. Ri Jonatán ruk'ajol ri Ozías, ja rija' ri nichajin ri yakonabel ri ek'o pa taq juyu', pa taq tinamit, pa taq ko'ol tinamit y pa taq k'ojelibel ri e tz'apen chi tz'aq.
26Ri k'o pa kiwi' ri samajela' ri yeqasan ulew ja ri Ezrí ruk'ajol ri Quelub. 27Ri k'o pa kiwi' ri yetiko'n uva ja ri Simí aj-Ramat. Ri Zabdí aj-Sefam, ja rija' ri k'o pa kiwi' ri yeyakon ri ruya'al uva. 28Ri Baal-hanán aj-Guederá, ja rija' ri nisamej kik'in ri che' olivo y kik'in ri che' wíkix ri ek'o chuwa taq juyu' pa qajbel-q'ij chire ri Israel. Y ri Joás, ja rija' ri nisamej rik'in ri yakonabel richin aceite richin olivo. 29Ja ri Sitrai aj-Sarón ri k'o pa kiwi' ri awej ri yeyuq'ux pa taq'aj Sarón. Y ri Safat ruk'ajol ri Adlai, ja rija' ri k'o pa kiwi' ri awej ri ek'o pa ch'aqa' chik taq'aj. 30Ja ri Obil rijatzul kan ri Ismael ri k'o pa kiwi' ri camello. Ri Jehedías aj-Meronot ri k'o pa kiwi' ri ixoqi' taq bur. 31Ja ri Jaziz riy ri Agar ri k'o pa kiwi' ri karne'l. Konojel k'a re' e rusamajela' ri rey David ri xechajin ri nima'q taq rubeyomel.
32Ri Jonatán, ri ruch'utitata' ri David, rija' jun achin ri janila nowineq kan tijon jebel richin nipixaban. Rija' y ri Jehiel ruk'ajol ri Hacmoní, ja rije' e tijonel kichin ri e ralk'ual ri rey. 33Chuqa' ri Ahitófel y ri Husai ri arquita e ruq'a-raqen ri rey. 34Y chirij ri Ahitófel k'o k'a ri Joiadá ruk'ajol ri Benaías. Y chirij rija' k'o ri Abiatar. Ri Joab aj-raqen pa kiwi' ri aj-labal ri e richin ri rey.
Currently Selected:
1 Crón 27: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.