Hch 11

'Laqataĝanaĝac ñe'me Pedro jo'ne yanema joga'me p'etaqadaiquipi di'me Jerusalén

1Jogaa'me namaĝa's nataq'aen jogaa'me laqaya'olqa jo'ne ueteda'a di'me Judea domachitedapega da'me 'naqataĝanaĝac queda'me nach'e ena'ama joga'me ja judiopi yacoteguet da'me napaĝaguenataĝanaĝac jo'ne chiyoĝogue ñe'me Dios. 2Qalaĝaja ca'li Pedro 'viyelaĝague di'me Jerusalén, qo'enapega ca'li gaa'me p'etaqadayaqa jo'ne naquetedaje'me' da'me judiopi lepe'e. 3Yachimaĝadeta joñe'me:

—¿Toqoch'e auejapichiyalo joga'me jo'ne ja judiopi, nataq'aen aneuanaĝa'u joga'me?

4Chane'eja Pedro yachiyoĝotetelegue ga'me 'uaechiñe ga'me 'uo joca'li da'me 'yaĝatema, enaac:

5—Jayem joue'ta di'me noic jo'ne Jope, qama'le mane'e ca'li cha'li ñetametac qama'le 'uo da'me yauanaĝanaĝac: ena'am ga'me ualoĝo t'adaic ga'me jauana jo'ne qoyecoñe't ga'me laliaqa da'me najejeñe chiyoĝogue di'me piyem chayovida'a yovita di'me joue'ta. 6Jec'atenaĝana qaedi jauana ga'me jo'ne uetaye, qama'le jauanalo ga'me yodapecache yejidipi jo'ne cuatro naa'me lapia'te, ga'me yejidipi jo'ne chaqayaqa let'al, ga'me naqaledelegue jena'me aleua, choqoga'me uayo'tape. 7Qama'le jomachiya ga'me nejamaĝa, jo'ne jayem enapega: «Oñijeguem, Pedro; aualataĝan qama'le aueque'e.» 8Ja'ateguet: «Aja'y, Jaliaĝanec, qa'a qaya'te ua'a ta'le jalic ga'me ja no'en uotaĝa paĝachigui.» 9Chane'eja ga'me lejamaĝa di'me piyem yitaĝa jayem dojapegue', enaac: «Ga'me jo'ne Dios en yoqovita, ena'te auenapega ja no'en.» 10Dojo' tres da'me 'viyelaĝalegue, yem qama'le yema yitaĝa 'viyelaĝaje'ma di'me piyem. 11“Qanach'ega ua'a da'me, tres ga'me namaĝa's chiyoqoda'a di'me Cesarea jayem netetedaque yovideta ga'me 'nachaqa' jo'ne jouaqataue. 12Joñe'me Dios Lepaqal jayem yamaĝalegue queda'me jequeguelo jogaa'me, da'me ja joqoleguet. Nataq'aen nach'e ena'am jayem quetegue naajo' seis qadaqaya'olqa. Ena'uaque qo'mi jenoĝonaĝague ga'me 'lemec ñe'me jiyaĝaua, 13jo'ne qo'mi 'yaĝatema da'me eeta ca'li 'uo ga'me yauana jo'ne piyem le'ec 'me ue'ta di'me 'lachaqa', da'me nechatelegue qama'le yanem da'me 'laqatac ca'li: «Auamaĝalo qomle gaa'me adamaĝa's di'me noic jo'ne Jope qaedi e'n naequena ga'me Simón jo'ne nach'e ena'am qoyateton da'me Pedro; 14ñe'me am 'yaĝatem qomle da'me eeta da'me qaedi adec'alegue, am nataq'aen ena'uaque ga'me mach'e ac'oqo'tepi.» 15Chane'eja ca'li ja'aqataĝatac, qama'le nac ñe'me Dios Lepaqal da'me ta'ñgueta yema ga'me jiyaĝadipi, ena'am da'me eeta ca'li yemta qo'mi qota'ñgueta. 16“Chane'eja ñetouena da'me jo'ne 'laqatac ca'li ñe'me Jaliaĝanec: «Eja da'me Juan dachilaĝanataĝañgui ga'me noĝop, qalaĝaja ami qamqa'me ami qonachilaĝaneque joñe'me Dios Lepaqal 'me ja 'nalegue.» 17Chane'eja, qom Dios nach'e ena'am yanema jogaa'me nach'e naq'aeta da'me qo'mi yanema jo'ne joote jep'iyaqa ñe'me Jaliaĝanec Jesucristo, ¿jach'e jogamaĝa jayem ta'le ñauaneguet ñe'me Dios?”

18Ca'li domachita da'me dojo' jogaa'me laqaya'olqa jo'ne ueteda'a di'me Jerusalén, qama'le 'nemaĝadiñe nataq'aen 'nonaĝachidegue joñe'me Dios, enapega't:

—¡Chane'eja nach'e ena'ama ga'me ja judiopi queda'me Dios ya'uo ledaqa't qaedi 'niyelaĝadetot joñe'me nataq'aen yaqanate't ta'le yacoteguet da'me 'loyaĝa'j jo'ne ja 'naidena'a!

Joga'me p'etaqadaiquipi jo'ne Antioquía laje'pi

19Ca'li yoĝo'yi da'me leleuaĝa di'me Esteban qama'le yataqata qoyecaa'tape joga'me p'etaqadaiquipi, chiyaqayi da'me dojo' uo'oe gaa'me yapiyetegue di'me Fenicia, Chipre nataq'aen Antioquía. Nach'edi ueda'a da'me t'aqataĝatapema joga'me judiopi da'me 'naqataĝanaĝac jo'ne onaĝaic, qalaĝaja ja naq'aeta ga'me 'yeteque jogaa'me jiyaĝa'u laqaya'. 20Taqaeue'ta, uo'oe gaa'me p'etaqadayaqa Chipre laje' nataq'aen Cirene yovideta di'me noic jo'ne Antioquía qama'le nach'e ena'ama t'aqataĝatapema ga'me jo'ne ja judiopi, yapaĝaguetapeque daa'me onaĝayaqa 'me 'yaĝatetedac ñe'me Jesús, mach'e Jaliaĝanec. 21Joda'me lañoqotaĝanaĝac ñe'me Jaliaĝanec uetauelo jogaa'me, qama'le naq'aeta da'me qayoĝode' gaa'me jo'ne yaĝadegue ga'me toye's lepe'eco qama'le p'iida'a ñe'me Jaliaĝanec.

22Joga'me p'etaqadaiquipi jo'ne maliaĝa ueteda'a di'me Jerusalén, ca'li yayatetedelegue da'me dojo' nep'iquinataĝanaĝac, qama'le yamaĝategue di'me Antioquía ñe'me Bernabé. 23Ca'li yovita, Bernabé yauana da'me lichoĝodenataĝanaĝac ñe'me Dios jo'ne uetauelo jogaa'me, qama'le jalcote da'me lamaic ñe'me. Noqoteteneque jogaa'me queda'me yataqachiñe yachimaĝachichidiñe naa'me lai'li da'me quetegue ñe'me Jaliaĝanec. 24Qa'a ñe'me Bernabé yataqachiñe onaĝaicaloec ca'li, nejaqachigui ñe'me Dios Lepaqal nataq'aen da'me lepe'e. Qama'le naq'aeta da'me jalcote ga'me jiyaĝadipi quetegue ñe'me Jaliaĝanec.

25Yem da'me dojo', Bernabé dajoyi di'me Tarso, qaedi yelaque ñe'me Saulo, 26qama'le ca'li yauana, yauega di'me Antioquía. Nach'edi ueda'a da'me uetauelo joga'me p'etaqadaiquipi, nalo'taguet onolec uo'e, yapaĝague'tape ga'me jiyaĝadipi. Nach'edi Antioquía ua'a da'me 'uaechiñe qoyenaqateneque «Cristo laje'» jogaa'me jo'ne quetegue ñe'me Cristo.

27Jaa'me jaajo' noloqo'ote, uo'oe gaa'me Dios 'laqataĝanaĝanaqa jo'ne chiyoqoda'ña di'me Jerusalén da'me yec'adeta di'me Antioquía. 28Qama'le 'uo ga'me lenaĝat Ágabo, nechachiñe ca'li, nataq'aen da'me yojaĝanaĝan ñe'me Dios Lepaqal, 'yaĝatetac da'me 'uo qomle ga'me noqouaĝa yema jena'me aleua, nach'eda yepaque'tegue ca'li gaa'me noloqo'ote da'me lejaliaĝa ñe'me Claudio. 29Chane'eja joga'me p'etaqadaiquipi 'me neteda'ña di'me Antioquía 'uo da'me lelnataĝa'j da'me yamaĝalo da'me lecochaĝa'j jogaa'me laqaya'olqa 'me neda'ña di'me Judea, jogaa'me mach'e yayate'n ga'me yaqanate't ta'le yadegue. 30Naq'aeta da'me yauote, qama'le qoyen yelodelegue ñe'me Bernabé nataq'aen Saulo yamaĝalo jaga'me lajaqaje' joga'me 'yaĝaicachidipi jo'ne neda'ña di'me Judea.

Currently Selected:

Hch 11: TSN

Highlight

Copy