Marako 8
8
Yecu opito jo tutumia aŋwen
(Nen daŋ Matayo 15.32-39)
1Kare-nono lwak dok ocokere apol, cam daŋ onwoŋo mom. Yecu te lwoŋo baŋe jo mere a lube, te kobbigi ni, 2“Lwak ocona meicel, pien gin orio baŋa odoko nino adek twal, kun mom otye kede cammoro. 3Ka acwaogi paco a kun yigi nono, kec bino bwoyogi i yo; pien jo mogo i akinagi oya i kan aboco.” 4Jo mere a lube te dok iye ni, “Kara dano twero pito jo-ni kede ogati nino a kun kan tim?” 5Openyogi ni, “Ogati tye baŋwu adi?” Ote gamo ni, “Abiro.” 6Ociko lwak ni bed piny, omako ogati abiro; ka doŋopwoo, onyinyilo, omio baŋ jo a lube wek oket i nyim jo, gin daŋ oketo i nyim lwak. 7Onwoŋo daŋ otye kede rece anok atitino; okwao iye winyo, te ciko ni daŋ ket i nyim lwak. 8Gin ocamo, oyeŋ; ote coko ŋid cam ame oloogi, opoŋ oromo dwoŋ abiro. 9Wel jo ocamo oromo bala tutumia aŋwen. 10Ocikogi; te donyo i yee oyotoyot karacel kede jo mere a lube, te wot i lobo me Dalmanuta.
Oparicayo okwao anyut
(Nen daŋ Matayo 16.1-4; Luka 12.54-56)
11 #
Mat. 12.38; Luk. 11.16 Oparicayo obino, ote cako pyem kede Yecu a kun oyenyo i baŋe anyut ame oya i polo, pi bite. 12#Mat. 12.39; Luk. 11.29Omio en ocur atek i cunye kun kobo ni, “Piŋo lwagi jo me kare-ni yenyo anyut? Ateni akobbiwu ni, mom obino miyo anyuttoro baŋ lwagi jo me kare-ni.” 13Owekogi, te donyo i yee me ŋolo nam, te pello loka tuŋ ca.
Tobi Oparicayo kede mea Kerode
(Nen daŋ Matayo 16.5-12)
14Onwoŋo wigi owil oko i tero ogati, rik otye kede ogati acel keken baŋgi i yee. 15#Luk. 12.1Okwenyorogi atek kun kobo ni, “Myero inen ni igwokere wunu i tobi Oparicayo kede i tobi a Kerode.” 16Gin openyere kengi kengi, okobo ni, “Pe otye kede ogati.” 17Ka Yecu oŋeo, te penyogi ni, “Piŋo ipenyere wunu ni mano, ogatiwu pe tye? Mom ru iniaŋ wunu? Mom imako wunu aber? Cunywu pwod nwaŋ? 18#Jer. 5.21; Ejek. 12.2; Mar. 4.12ltye wunu kede waŋwu, mom ineno wunu? Itye wunu kede yitwu, mom iwinyo wunu ce? 19I kare a cen anyinyilo ogati abic ca pi jo tutumia abic, rik icoko wunu opoŋ aditti adi?” Ote gamo ni, “Apar wie aryo. 20Kede ogati abiro ca pi jo tutumia aŋwen, rik icoko wun opoŋ dwoŋ adi?” Ote gamo ni, “Abiro.” 21Openyogi ni, “Mom ru iniaŋ wunu?”
Yecu ocano atowaŋ i Betecaida
22Gin te bino i Betecaida, jo mogo te kelo baŋ Yecu dano ame waŋe oto, obako doggi baŋe ni en gudi. 23En te mako ciŋ atowaŋ, otere teŋe i ŋet paco, te cako ŋulo lao i waŋ lo-nu, te keto ciŋe i kome, te penye ni, “Ineno ginnoro ya?” 24Lo-nu te tiŋo waŋe malo, te kobo ni, “Aneno jo, ento onen acalo yen kun owot.” 25Yecu dok te keto ciŋe i waŋ lo-nono; doŋ te neno oko atek, waŋe te dok kakare, doŋ te neno jami ducu acil. 26Yecu te cwaye paco tuŋe kun cike ni, “Kur ikob i ŋattoro iyi paco.”
Kop ame Petero otuco i kom Yecu
(Nen daŋ Matayo 16.13-20; Luka 9.18-21)
27Yecu kede jo mere a lube owoto i akina myere i ŋet Kaicaria Pilipi. Ame otye iyo, en openyogi ni, “Kara lwak kobo ni an ŋa?” 28#Mar. 6.14-15; Luk. 9.7-8Ote kobbe ni, “Lakana Abatija; jo mogo kobo ni, Elia, jo ocele ni ŋat acel i akina odwarpiny.” 29#Lak. 6.68-69Te dok penyogi ni, “Kara wun kono, ikobo wunu ni an ŋa?” Petero te gamo ni, “Yin i Kricito ta.” 30Ka doŋ te cikogi ni kur otit kop i kome-nono baŋ dano moro.
Yecu otito pi to mere
(Nen daŋ Matayo 16.21-28; Luka 9.22-27)
31Yecu te cako pwonyogi ni, Wot a dano myero kany can apol, dok odoŋe kede olamdog kede opwony-cik myero kwere, neke, ento a doŋ nino adek okato, myero cere oko. 32Okobo kop man kannaler, omio Petero otere teŋe, te ero juke. 33Ento en olokere oneno jo mere a lube, te juko Petero kun kobo ni, “Dok i ŋea, yin Catan! Pien yin mom ilubo tam Obaŋa, ento ilubo mea dano.”
34 #
Mat. 10.38; Luk. 14.27 Ocwano lwak baŋe, karacel kede jo mere a lube, te kobbigi ni, “Ka dano moro mito luba, myero koŋ oge kwerre kene, tiŋ yataria mere, luba. 35#Mat. 10.39; Luk. 17.33; Lak. 12.25Pien dano ame mito laro kwo mere, bino rwenyo kwo mere arwenya, ento dano ame rwenyo kwo mere pira kede pi amut aber, bino laro. 36Kara konyo dano kede ŋo ka ocamo lobo luŋ kun kwo mere omao oko? 37Dano twero miyo ŋo pi dwoggo kwo mere? 38Dano ame lewic bino make pira kede pi koppa, i kare man me cot kede me bal, Wot a dano daŋ lewic bino make i kome i kare a en bino dwogo kede kwogo a Pappere kede me omalaika acil.”
Currently Selected:
Marako 8: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
