SAKARIA 3
3
Emoniko lomuyambi omukulunhu komuxunganeki
1Opo ye okwa ulikila nge omupristeli omukulunhu Josua, e li ofika koshipala shomweengeli wOmwene naSatana a kala ofika kolulyo laye, e mu hokololife. 2Opo omweengeli wOmwene okwa lombwela Satana ndele ta ti: “Omwene ne ku hanyene, Satana. Heeno Omwene, ou a hoolola Jerusalem ne ku hanyene! Ou ke fi oshidimakuni sha nakulwa momundilo?” 3Ndele Josua okwa li a djala oikutu ya nyata, ye e li ofika koshipala shomweengeli. 4Opo omweengeli okwa lombwela ava va li ofika puye, ndele ta ti: “Mu duleni oikutu yaye ya nyata.” Ye okwa tya kuye: “Tala, omatimba oye ame onde e ku kufila po, ndele ame ohandi ku dike oikutu yoshivilo.” 5Opo ame nda tya: Mu dikeni embale li yela komutwe waye. Ndele vo ove mu dika embale li yela komutwe waye nove mu dika oikutu. Ndele omweengeli wOmwene a li po ofika. 6Ndele omweengeli wOmwene okwa lombwela Josua nokudiinina shili ndele ta ti: 7Omwene womatanga ovakwaita osho ta ti: “Ove ngeenge to ende nondjila yange ndele to diinine onghedimhango yange, opo nee ove to ka pangela eumbo lange, nosho yo okukelela omaluumbo ange, ndele ame ohandi ke ku itavelela okukala mokati kaava hava kala ofika apa. 8Pwilikina, Josua, omupristeli omukulunhu, ove noovakweni ava hava kala omutumba koshipala shoye. Heeno, ovo omadidilikokumwifa. Ndele tala, omupiya wange, Oshitutumine, ame ohandi ke mu eta po. 9Ndele tala, emanya nde li tula koshipala shaJosua, oli na oukololo vaheyali. Tala, handi ka nyolela mo mulo eshangelo, Omwene womatanga ovakwaita ta ti, ndele Ame ohandi ka dima po omatimba oshilongo eshi mefiku limwe alike. 10Mefiku tuu olo nye otamu ka shiivafana momudile womuviinyu nowomukwiyu.”
Currently Selected:
SAKARIA 3: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
