OMAPSALOME 99
99
Oiwana aishe nai linyongamene kOmwene, Ohamba iyapuki
1Omwene Oye Ohamba, oiwana yoilongo ohai kakama.
Olukalwapangelo laye oli li kombada yovakerubi;
edu nali tengauke.
2Omwene, Oye omunene muSion,
a tumbala unene kombada yoiwana aishe.
3Nava fimaneke edina laye eli linene, litilifa,
Oye Omuyapuki,
4nokuhambelela epangelo lohamba,
Ove u hole oshili.
Ove wa pangela po omhangela ya yuka
ya pama nawa.
Oshili nouyuki Oove we u ikifa muJakob.
5Tumbalekeni Omwene, Kalunga ketu,
lidengeni poshi peemhadi daye,
Oye Omuyapuki.
6Moses naAron va kala mokati kovapristeli vaye,
naSamuel mokati kaava va ifana edina laye.
Vo ova kuwila Omwene naye okwe va uda.
7Oye e va popifa moshilemongudi;
vo ova diinina omahepaululo aye,
noipango ei Ye e va pele.
8Akutu Omwene, Kalunga ketu, Ove we va uda,
Ove wa kala kuvo omudimipo
naKalunga te va kwatele onghone molwoilonga yavo ii.
9Hambeleleni Omwene, Kalunga ketu.
Linyongameneni pomhunda yaye iyapuki.
Osheshi Omwene, Kalunga ketu,
Oye Omuyapuki.
Currently Selected:
OMAPSALOME 99: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
