OMAPSALOME 98
98
Omuxupifi wOvaisraeli nOmutokoli wounyuni
Epsalome.
1Imbileni Omwene eimbilo lipe,
osheshi Ye okwa longa oikumwifalonga!
Olulyo laye nokwooko kwaye kuyapuki,
oyo ye mu longela efindano.
2Omwene okwa shiivifa exupifo laye,
moipafi yoiwana yovapaani
omo a holola ouyuki waye.
3Eumbo laIsrael okwe li dimbulukila
ouwanghenda waye noudiinini;
fiyo okeexulo adishe dounyuni
oda mona oshilonga shaKalunga shexupifo.
4Edu alishe, kuwilila Omwene,
hoveleni okunyakukwa,
nye mu shike ouxumbafeta.
5Shikileni Omwene ouxumbafeta,
va shikeni nokwiimba pombadambada.
6Omanghuma neendaka deembeda nye,
tanheleni koshipala shOhamba Omwene.
7Efuta nali popome, naashi tashi ilauka mo,
nongonga yedu, naava va tungila mo.
8Omilonga nadi pandule nomake,
neemhunda adishe kumwe nadi nyakukwe
9koshipala shOmwene, osheshi Ye ote uya okutokola edu.
Ongonga yedu ote ke i tokola mouyuki,
noiwana yoilongo ngaashi ye shi yukila.
Currently Selected:
OMAPSALOME 98: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
