OMAPSALOME 90
90
Okuhakalapo kwovanhu
Ounongoimbilo laEtan Omuesrahi.
1Omwene, Oove u li po ehondameno letu
okudja koludalo noludalo.
2Manga ino shita eemhunda
nomanga ino holola po ounyuni,
Ove Kalunga kaalushe oko wa li,
noto ka kala alushe fiyo alushe.
3Ove to shunifa omunhu mondwi yedu,
ndele to ti: “Alukeni, oludi lovanhu nye.”
4Osheshi omido eyovi, kwoove oda fa
efiku longhela, eshi la pita po,
nongaashi olufo loufiku lomunangeli.
5Ove to va kungulula po, ove li ngaashi eemhofi;
ongula ve li ngaashi omwiidi tau twiyuka;
6ou tau penduka omutalala, ndele tau tutuma,
nomokutokelwa kwao tau lembalala,
ndele tau kukuta ngaho.
7Osheshi fye ohatu nyonaunwa po kehandu loye,
nohatu vakulwa po kokuudonya kwoye.
8Owii wetu u kaleka ofika koshipala shoye,
noiholekwa yetweelela
oto i holola ya yela koshipala shoye.
9Osheshi omafiku etu aeshe otaa piti po ketikuko loye;
omido detu ohatu di xulifa po ngaashi ehefo.
10Okukala po kwetu kombada yedu
oku fike pomido omilongo heyali,
ngeenge okuhapu, shapu omilongo hetatu,
nouwa wako: oudjuu auke netutuko;
osheshi oko otaku pitilile po diva,
fye ohatu vilola po.
11Ndelenee elipipo te lipulapula
neenghono dehandu loye,
e lipulaapule nonyengo yoye,
opo a kale te ku tila?
12Tu longa okuvala omafiku etu,
fye tu pewe omutima wa nongopala.
13Omwene, aluka vali! Wa hala u kale ko
fiyo onaini mbela?
Ningila ovapiya voye olukeno.
14Pita ongula, u tu palule nouwanghenda woye,
fye tu shiive okukuwilila
nokuhafa momafiku etu aeshe.
15Hovela oku tu hafifa omafiku e fike pwaa
we tu nyematifa,
nomido di fike pwaadi twa li noudjuu.
16Okulonga kwoye, efa ku monike kovapiya voye,
noshingetumbalo shoye okoludalo lavo.
17Efilonghenda lOmwene Kalunga ketu
nali kale kombada yetu!
Noilonga yomake etu i punika,
heeno, oilonga yomake etu i nangeka noupuna.
Currently Selected:
OMAPSALOME 90: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
