OMAPSALOME 29
29
Omwene ta holola eenghono daye momangungumo
Epsalme laDavid.
1Ovana ovamati vaKalunga nye,
eteleni Omwene efimano neenghono!
2Eteleni Omwene efimano ledina laye!
Linyongameneni Omwene
momudjalowapalo muyapuki.
3Ondaka yOmwene oi li kombada yomeva;
Kalunga kefimano ota pwalakata;
Omwene e li kombada yomeva manene.
4Ondaka yOmwene tai ende neenghono;
ondaka yOmwene i yadi oshingepangelo.
5Ondaka yOmwene otai teyaula omiti domisederi;
heeno, Omwene ta teyaula
omisederi domuLibanon;
6Ye ote di nhukifa ngaashi okatana,
Libanon naSirjon ngaashi okanimwena komhuulu.
7Ondaka yOmwene tai tatula omalaka omundilo.
8Ondaka yOmwene otai kakamifa ombuwa;
Omwene ta kakamifa ombuwa yaKades.
9Ondaka yOmwene otai helulifa eemenye
ndele tai yaumukifa omifitu;
ndelenee motembeli yaye, ashishe tashi ti: “Vadivadi!”
10Omwene okwa li omutumba kombada yeyelumeva;
heeno; Omwene ha kala omutumba kolukalwapangelo,
ngaashi ohamba fiyo alushe.
11Omwene ota ka yandja eenghono koshiwana shaye;
oshiwana shaye Omwene te ke shi punika nombili.
Currently Selected:
OMAPSALOME 29: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
