OMAPSALOME 21
21
Epandulo molwefindano
Epsalme laDavid, la pewa enyakwa lolwiimbo.
1Omwene, ohamba otai hafele eenghono doye,
nehafo la tya ngahelipi
tai hafele ekwafo loye!
2Omahalelo omutima woye Ove we i pa,
naashi omilungu dayo da indila,
ino shi i shilika. Sela
3Ove wa shakena nayo
u nomanangeko noupuna ouwa,
nowe i dika oshishani shoshingoldo komutwe wayo.
4Oyo ye ku indila okukalamwenyo;
Ove nowe i pa omido dihapu, itadi xulu po fiyo alushe.
5Molwekwafo loye etumbalo layo la ninga linene;
owe i tula eenghonopangelo noshinge.
6Fiyo alushe owe i tula po
i ninge enangeko noupuna,
nowe i hafifa nenyaku linene koshipala shoye.
7Osheshi ohamba oi li po
hai lineekele Omwene,
nomolwefilonghenda laau wOkombadambada
yo itai ka tengauka.
8Eke loye itali kalele okuhanga
ovatondi voye aveshe,
nolulyo loye tali ka kwata
aveshe ava tave ku tondo.
9Mokuholoka kwoye oto va ningi divadiva
va fa ediko la hanya;
mekeshuko laye
Omwene te va pona po hamudilu,
nomundilo tau ke va lungwinifa po.
10Oiimati yavo Ove to i kombolola po kombada yedu
noludalo lavo omovana vovanhu.
11Ngeenge tave ku dutile owii,
ndele tave ku ningi oukululufi,
itave shi dulu.
12Osheshi Ove to va te po, va ye onhapo,
ndele to shoneke oipala yavo noikuti.
13Omwene, yambuka po meenghono doye,
opo nafye ohatu ku imbile
nokufimaneka ouladinghono woye.
Currently Selected:
OMAPSALOME 21: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
Free Reading Plans and Devotionals related to OMAPSALOME 21
Reading With the People of God - #6 LOVE
Psalms
Daily Reading Plan With Christian Mael (February)
