OMAPSALOME 20
20
Ohamba tai halelwa ekwafo lOmwene
Epsalme laDavid, la pewa enyakwa lolwiimbo.
1Omwene ne ku ude mefiku loudjuu,
edina laKalunga kaJakob nali ku amene!
2Oye ne ku tumine ekwafo
li dje mouyapuki waye,
nepameko loye nali ku dilile muSion.
3Na dimbulukwe eendjayambo doye adishe,
na tale nohokwe omaxwikiloyambo oye. Sela
4Oye ne ku pe eshi omutima woye wa hala,
nomauko aeshe ne a wanife.
5Opo nee twa hala okukalukila efindano,
nomedina laKalunga ketu
omo hatu dungadungifa omapandela etu;
Omwene na shakenife omaindilo oye aeshe.
6Paamha ondi shi shii,
Omwene ota xupifa omuvaekwa waye,
ndele te mu udu meulu laye liyapuki
omafindano manene eke laye lokolulyo.
7Oku na ovo have lineekele omatemba oita
navamwe eenghambe;
ndelenee fye hatu hepaulula
edina lOmwene Kalunga ketu.
8Vo kave na apa tava kwatelele,
ndele tava natwa po,
ndelenee fye otu li ofika, itatu tengauka vali.
9Omwene, yandja efindano kohamba!
Tu uda, ngeenge hatu ifana.
Currently Selected:
OMAPSALOME 20: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
