HESEKIEL 2
2
Hesekiel ta ifanwa a ninge omuxunganeki
1Ndele Ye okwa lombwela nge: “Kaana komunhu, fikama neemhadi doye, opo handi ku popifa.” 2Ndele Omhepo ye uya mwaame fimbo ta lombwele nge, ndele tai kaleke nge ofika neemhadi dange. Ndele nde mu uda, ta popifa nge. 3Opo nee Ye ta ti kwaame: “Kaana komunhu, Ame ohandi ku tumu kovana vaIsrael, kovapaani va efa nge, ve nondubo naame. Vo nooxe ova efa nge fiyo onena eli. 4Ndele ohandi ku tumu kovana ve noipala idjuu nomitima dikukutu, ndele u noku va lombwela nokutya: Omwene, Omwene ta ti ngaha. 5Ndelenee vo ngeenge tava pwilikine ile itava pwilikine, osheshi vo epata ihali dulika, otava ka shiiva nokutya omuxunganeki a li mokati kavo. 6Ndele ove, kaana komunhu, ino va tila noino tila eendjovo davo, nande eeshosholo nomakiya e li pwoove, nou li mokati keendje. Ino tila eendjovo davo noino haluka oipala yavo, osheshi vo epata ihali dulika. 7Ndelenee ove u noku va udifila eendjovo dange, ngeenge tava udu ile itava udu ko, osheshi ovo ovatangalali. 8Ndelenee pwilikina, kaana komunhu, eshi handi ku lombwele. Ino kala omutangalali ngaashi epata olo ihali dulika li li. Akameka okanya koye, u lye eshi handi shi ku pe.”
9Opo nda mona, tala, eke la ulika nge, ndele tala, mulo mwa li omushangwatonywa. 10Ndele Ye okwe u nyanununa koshipala shange. Ndele o wa li wa shangwa meni nokombada. Nomuwo mwa shangelwa omaimbilokemo, nomahekumuno nomalilaano.
Currently Selected:
HESEKIEL 2: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
