ᒫᑯᓯᐅᑉ ᐊᒡᓚᖏᑦ 9
9
1ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐃᓚᖏᑦ ᑐᖁᓂᐊᓐᖏᓚᑦ ᒎᑎᐅᑉ ᐊᑕᓂᐅᕕᖓᓂᒃ ᐱᔪᓐᓇᕐᖕᓂᖃᕐᓗᓂ ᑎᑭᓚᐅᖏᓐᓂᖓᓂ.”
ᔩᓱᓯᐅᑉ ᐊᓯᑦᔨᖅᑕᐅᓪᓗᓂ ᐃᓂᖁᓇᖅᑎᑕᐅᓂᖓ
ᒫᑎᐅᓯ 17:1-13; ᓘᑲᓯ 9:28-36
2 #
2 ᐲᑦᑐᕉᓯ 1:17,18. ᐅᓪᓗᐃᑦ ᐱᖓᓲᔪᖅᑐᑦ ᑭᖑᓂᖓᒍᑦ ᔩᓱᓯᐅᑉ ᐲᑦᑐᕉᓯ ᔧᒥᓯᓗ ᔪᐊᓇᓯᓗ, ᐃᓚᒋᓪᓗᒋᑦ ᖃᖅᑲᒧᑦ ᐳᖅᑐᔪᒧᑦ ᒪᔪᕋᖅᐳᑦ ᑖᒃᑯᑑᓪᓗᑎᒃ; ᑕᑯᓐᓈᖅᑎᓪᓗᒋᑦ ᔩᓱᓯᐅᑉ ᑕᐅᑦᑐᐊ ᐊᓯᑦᔨᖅᑕᐅᕗᖅ, 3ᐊᓐᓄᕌᖏᑦ ᖃᑯᖅᓯᕕᒃᔪᐊᕐᓗᑎᒃ ᖃᐅᒪᓕᖅᐳᑦ, ᖃᑯᕐᖕᓂᖅᐸᐅᓕᕐᓗᑎᒃ ᑕᒫᓂ ᓄᓇᒥ ᖃᑯᖅᓯᑎᑕᐅᔪᓐᓇᖅᑐᓂᑦ. 4ᑖᒃᑯᓄᖓ ᓴᖅᑭᑦᑐᖃᖅᐳᖅ ᐃᓔᑦᔭᒥᒃ ᒨᓯᓯᒥᒡᓗ; ᐅᖃᖃᑎᖃᓕᕐᓗᑎᒃ ᔩᓱᓯᒥᒃ. 5ᐲᑦᑐᕉᓯ ᔩᓱᓯᒧᑦ ᐅᖃᖅᐳᖅ, “ᕌᐰ, ᑕᒫᓃᖏᓐᓇᕈᒥᓇᖅᓯᖕᒪᑦ; ᓯᓂᒃᑕᕐᕕᓕᐅᕈᒪᓕᖅᐳᒍᑦ ᐱᖓᓱᓂᒃ, ᐃᓕᖕᓄᑦ ᐊᑕᐅᓯᕐᖕᒥᒃ, ᒨᓯᓯᒧᓪᓗ ᐊᑕᐅᓯᕐᖕᒥᒃ, ᐃᓔᑦᔭᒧᓪᓗ ᐊᑕᐅᓯᕐᖕᒥᒃ.” 6ᐲᑦᑐᕉᓯ ᖃᓄᖅ ᐅᖃᕆᐊᒃᓴᖅ ᓇᓗᓕᓚᐅᕋᒥ, ᐃᓚᒋᔭᖏᓪᓗ ᑲᑉᐱᐊᓱᓗᐊᕋᒥᒃ.
7 #
ᒫᑎᐅᓯ 3:17; ᒫᑯᓯ 1:11; ᓘᑲᓯ 3:22. ᓄᕗᔭᒧᑦ ᑕᕐᕆᑎᑕᐅᕗᑦ, ᑕᕝᕙᓐᖓᓪᓗ ᓄᕗᔭᒥᑦ ᓂᓪᓕᖅᑐᖃᖅᐳᖅ, “ᑖᓐᓇ ᑕᕝᕙ ᐃᕐᖕᓂᕋ ᓇᒡᓕᒋᒻᒪᕆᒃᑕᕋ; ᑖᓐᓇ ᓈᓚᒃᓯᐅᒃ.” 8ᐃᓕᓐᓂᐊᖅᑎᑦ ᐊᕙᒻᒧᑦ ᑕᑯᓴᕋᒥᒃ ᑭᓇᒥᒃᓘᓐᓃᑦ ᑕᑯᓐᖏᓚᑦ ᔩᓱᓯ ᑭᓯᒥ ᑕᑯᕚᑦ.
9ᖃᖅᑲᒥᑦ ᐊᖅᑲᖅᑎᓕᕐᓗᑎᒃ, ᔩᓱᓯᐅᑉ ᐃᓂᖅᑎᖅᐰᑦ ᑭᓇᒧᓪᓘᓐᓃᑦ ᐅᖃᖁᓇᒋᑦ ᑕᑯᖅᑲᐅᔭᒥᖕᓂᒃ, ᐃᓅᑉ ᐃᕐᖕᓂᖓ ᑐᖁᖓᔪᓂᑦ ᒪᑭᓚᐅᖏᓐᓂᖓᓂ.
10ᑕᒪᓐᓇ ᓈᓚᓚᐅᖅᐹᑦ ᐊᓯᒥᖕᓄᑦ ᐅᖃᐅᓯᕆᓚᐅᕐᖕᓇᒍ, ᐃᒻᒥᒍᓪᓕ ᐊᐱᖅᓲᑎᖃᓕᖅᐳᑦ ᖃᓄᖅ ᑐᑭᖃᕐᖕᒪᖔᑦ ᑐᖁᖓᔪᓂᑦ ᒪᑭᓐᓂᖅ. 11#ᒪᓚᑬ 4:5; ᒫᑎᐅᓯ 11:14.ᑕᑉᕙ ᐊᐱᕆᕚᑦ, “ᓱᖕᒪᑦ ᐱᖁᔭᓂᒃ ᐃᓕᓮᔩᑦ ᐅᖃᖃᑦᑕᖅᐸᑦ ᐃᓔᑦᔭ ᓯᕗᓪᓕᐅᓗᓂ ᑎᑭᑦᓴᕆᐊᖃᕐᖕᓂᕋᕐᓗᒍ?”
12ᔩᓱᓯᐅᑉ ᐅᖃᐅᑎᕔᑦ, “ᐄᓛᒃ ᐃᓔᑦᔭ ᓯᕗᓪᓕᐅᓪᓗᓂ ᑎᑭᑦᓴᕇᓚᐅᖅᐳᖅ ᐃᓘᓐᓇᖏᓐᓂᒃ ᐊᑐᐃᓐᓇᕈᐃᓪᓗᓂ; ᖃᓄᕐᓕ ᐊᒡᓔᑦ ᐅᖃᖅᐸᑦ ᐃᓅᑉ ᐃᕐᖕᓂᖓᓂᒃ, ᐅᓄᖅᑐᓄᑦ ᐋᓐᓂᐊᑎᑕᐅᔪᒫᕐᖕᓂᖓᓂᒃ ᓇᕐᕈᒋᔭᐅᔪᒫᕐᖕᓂᖓᓂᒡᓗ? 13ᐅᖃᐅᑎᕙᑦᓯᓕ ᑖᓐᓇ ᐃᓔᑦᔭ ᑎᑭᓚᐅᖅᐳᖅ, ᐃᓄᖕᓄᓪᓗ ᐃᓱᒪᖅᓲᑕᐅᓪᓗᓂ ᐱᓂᐊᕐᕕᐅᓯᒪᕗᖅ, ᑍᒫᒃ ᐊᒡᓚᖕᓂ ᑎᑎᕋᐅᓯᐅᓯᒪᖕᒪᑦ ᐱᓂᐊᕐᖕᓂᒃᓴᖓ.”
ᔩᓱᓯᐅᑉ ᓄᑲᑉᐱᐊᒥᒃ ᐋᖅᑭᒃᓯᓂᖓ ᐊᓂᕐᖕᓂᕐᓗᖕᒧᑦ ᐃᑎᖅᑕᐅᓯᒪᔪᒥᒃ
ᒫᑎᐅᓯ 17:14-21; ᓘᑲᓯ 9:37-43a
14ᐃᓕᓐᓂᐊᖅᑎᓄᑦ ᑎᑭᐅᑎᒐᒥᒃ, ᑕᑯᕗᑦ ᐃᓄᒐᓴᒡᔪᐊᓂᒃ ᐊᕙᑖᓃᑦᑐᓂᒃ, ᐱᖁᔭᓂᒡᓗ ᐃᓕᓮᔩᑦ ᐅᖃᖃᑎᖃᖅᐳᑦ ᑖᒃᑯᓂᖓ. 15ᐃᓄᐃᑦ ᔩᓱᓯᒥᒃ ᑕᑯᒐᒥᒃ ᖁᐊᖅᓵᖅᐳᑦ, ᑐᐊᕕᕐᓗᑎᒃ ᔩᓱᓯᒧᐊᖅᐳᑦ ᑐᓐᖓᓱᒃᑎᓪᓗᒍ. 16ᐃᓕᓐᓂᐊᖅᑎᓂ ᐊᐱᕆᕔᑦ, “ᓱᓇᒥᖑᑯᐊ ᐂᕙᖃᑎᒋᓪᓗᓯᐅᒃ ᐅᖃᖃᑎᒋᔭᓰ?”
17ᐊᖑᑦ ᑕᒫᓐᖓᑦ ᐃᓄᐃᑦ ᐊᑯᕐᖓᓂᑦ ᓂᓪᓕᖅᐳᖅ, “ᐊᔪᕆᖅᑐᐃᔩ, ᐃᕐᖕᓂᕋ ᑕᒪᐅᓐᖓᐅᑎᖅᑲᐅᕙᕋ ᐃᓕᖕᓄᐊᖁᓪᓗᒍ, ᐊᓂᕐᖕᓂᕐᓗᖕᒧᑦ ᓇᔪᖅᑕᐅᖃᑦᑕᕐᖕᒪᑦ ᐅᖃᕈᓐᓇᖅᑎᑦᓯᖏᑦᑐᒥᒃ. 18ᐊᓂᕐᖕᓂᕐᓗᖕᒧᑦ ᐱᓇᓱᐊᖅᑕᐅᓕᑐᐊᕋᒥ ᓄᓇᒧᑦ ᐅᕐᕈᑎᑕᐅᖃᑦᑕᕐᖕᒪᑦ, ᖃᓂᕐᖕᒥᒍᓪᓗ ᖃᐳᐊᓕᕐᓗᓂ, ᑭᒍᑎᖏᑦ ᑐᓴᖅᓴᐅᓕᖃᑦᑕᖅᐳᑦ, ᑎᒥᖓᓗ ᓱᑲᖓᔪᐊᓘᓕᖃᑦᑕᕐᖕᒪᑦ. ᑕᕝᕙ ᐃᓕᓐᓂᐊᖅᑎᑎᑦ ᐅᖃᐅᑎᖃᐅᕙᒃᑲ ᑖᑦᓱᒥᖓ ᐊᓂᕐᖕᓂᕐᓗᖕᒥᒃ ᐊᓂᑎᑦᓯᖁᓪᓗᒋᑦ, ᑭᓯᐊᓂᓕ ᐊᓂᑎᑦᓯᔪᓐᓇᓐᖏᓚᑦ.”
19ᑕᑉᕙ ᐅᖃᐅᑎᕔᑦ, “ᐃᓅᖃᑎᒌᖑᔪᓯ ᐅᒃᐱᕐᖕᓂᖃᖏᓚᓯ, ᖃᓄᖅ ᓯᕕᑐᑎᒋᔪᒥᒃ ᓇᔪᕆᐊᖃᖅᐸᑦᓰ? ᖃᓄᕐᓗ ᓯᕕᑐᑎᒋᔪᒥᒃ ᕿᓄᐃᓵᕈᑎᒋᔭᕆᐊᖃᖅᐸᑦᓰ? ᓄᑲᑉᐱᐊᖅ#9:19 ᑐᕈᓯᖅ ᕾᑎᓚᐅᖅᓯᐅᒃ.” 20ᑕᕝᕙ ᓄᑲᑉᐱᐊᖅ ᑖᑦᓱᒧᓐᖓᐅᑎᕚᑦ.
ᐊᓂᕐᖕᓂᕐᓘᑉ ᔩᓱᓯ ᑕᑯᑐᐊᕋᒥᐅᒃ, ᓄᑲᑉᐱᐊᖅ ᖀᖅᓱᖅᑎᓕᖅᐹ, ᓄᓇᒧᑦ ᐅᕐᕈᕗᖅ ᒪᓂᖅᑲᒥ ᐊᒃᓴᑳᖃᑦᑕᓕᕐᓗᓂ, ᖃᓂᕐᖕᒥᒍᓪᓗ ᖃᐳᐊᓕᖅᐳᖅ. 21ᔩᓱᓯᐅᑉ ᓄᑲᑉᐱᐊᑉ ᐊᑖᑕᖓ ᐊᐱᕆᕚ, “ᖃᓄᕐᖑᓇ ᐊᑯᓂᐅᑎᒋᔪᖅ ᑍᒤᑦᑑᓕᖅᑐᖅ?”
ᐊᑖᑕᖓᑕ ᑭᐅᕚ, “ᓄᑕᕋᐅᓂᕐᖕᒥᓂᑦ ᑍᒤᓕᑦᑕᐅᑎᓕᒃ. 22ᐅᓄᖅᑐᐃᓱᕐᓗᓂ ᐊᓂᕐᖕᓂᕐᓘᑉ ᑐᖁᓐᓇᓱᐊᖃᑦᑕᖅᓯᒪᔭᖓ ᐃᑯᒪᒧᑦ ᐃᒫᓄᓪᓗ; ᖃᓄᑐᐃᓐᓇᖅ ᐱᔪᓐᓇᕈᕕᑦ, ᓂᑲᒋᓗᑕ ᐃᑲᔪᓚᐅᖅᑎᒍᑦ.”
23ᔩᓱᓯᐅᑉ ᐅᖃᐅᑎᕚ, “ᐃᕝᕕᖔᖅ ᐱᔪᓐᓇᕈᕕᑦ! ᓱᓇᑐᐃᓇᕐᖕᓂᒃ ᐊᔪᕐᖕᓇᖅᑐᖃᓐᖏᓚᖅ ᐅᒃᐱᕈᕕᑦ.”
24ᑕᕝᕔᓐᓇᕐᓕ ᓄᑲᑉᐱᐊᑉ ᐊᑖᑕᖓ ᓂᓪᓕᕐᓗᓂ ᐅᖃᖅᐳᖅ, “ᐅᒃᐱᖅᐳᖓ; ᐅᒃᐱᖏᓐᓂᓐᓂᑦ ᐃᑲᔪᓐᖓ!”
25ᔩᓱᓯ ᖃᐅᔨᒐᒥ ᐃᓄᒐᓴᒡᔪᐊᑦ ᑐᐊᕕᕐᓗᑎᒃ ᕾᕙᓪᓕᐊᓕᕐᖕᒪᑕ, ᐊᓂᕐᖕᓂᕐᓗᒃ ᐃᓂᖅᑎᖅᐹ, ᐅᖃᐅᑎᓪᓗᒍ, “ᐊᓂᕐᖕᓂᕐᓘᒃ ᑐᓵᖏᑦᑐᑎᑦ ᐅᖃᕈᓐᓇᖏᑦᑐᑎᓪᓗ, ᐱᖁᕙᒋᑦ, ᑕᕝᕙᓐᖓᑦ ᓄᑲᑉᐱᐊᒥᑦ ᐊᓂᒋᑦ, ᑕᕝᕗᖓᓗ ᐃᑎᒃᑲᓐᓂᕐᖕᓂᐊᕈᓐᓃᕐᓗᑎᑦ.”
26ᐊᓂᕐᖕᓂᕐᓗᒃ ᓂᓪᓕᐊᓕᖅᐳᖅ, ᓄᑲᑉᐱᐊᖅ ᖀᖅᓱᖅᑎᓚᐅᕐᓗᒍ, ᑕᕝᕙᓐᖓᑦ ᐊᓂᕗᖅ, ᓄᑲᑉᐱᐊᖅ ᑐᖁᖓᔫᔮᓕᖅᐳᖅ; ᑕᒪᕐᖕᒥᒡᓗ ᐅᖃᓕᖅᐳᑦ, “ᑐᖁᕗᖅ.” 27ᔩᓱᓯᐅᓪᓕ ᓄᑲᑉᐱᐊᖅ ᐊᒡᒐᖏᑎᒍᑦ ᑎᒍᕚ ᐃᑲᔪᕐᓗᒍ ᒪᑭᑎᑉᐹ, ᓂᑯᕕᓪᓗᓂ.
28ᐃᒡᓗᒧᑦ ᐃᑎᖅᓯᒪᓕᕐᖕᒪᑦ, ᐃᓕᓐᓂᐊᖅᑎᖏᑕ ᐃᓄᑑᖃᑎᒋᓪᓗᒍ ᐊᐱᕆᕚᑦ, “ᓱᖕᒪᑦ ᐊᓂᑎᑦᓱᓐᓇᓐᖏᓚᕗᑦ?”
29ᔩᓱᓯᐅᑉ ᐅᖃᐅᑎᕔᑦ, “ᑍᒤᑦᑐᑦ ᐊᓂᕐᖕᓂᕐᓗᐃᑦ ᑐᒃᓯᐊᕐᖕᓂᕐᖕᒧᑦ#9:29 ᐃᓚᖏᑦ ᐅᖃᖅᓯᒪᔪᑦ “ᓂᕆᑦᑍᓕᓂᕐᖕᒧᓪᓗ” ᑭᓯᐊᓂ ᐊᓂᑎᑕᐅᔪᓐᓇᖅᐳᑦ.”
ᔩᓱᓯᐅᑉ ᑐᖁᓂᒃᓴᒥᓂᒃ ᐅᖃᐅᓯᖃᒃᑲᓐᓂᕐᖕᓂᖓ
ᒫᑎᐅᓯ 17:22-23; ᓘᑲᓯ 9:43b-45
30ᔩᓱᓯ ᐃᓕᓐᓂᐊᖅᑎᖏᓪᓗ ᑕᕝᕙᓐᖓᑦ ᐊᐅᓪᓚᕋᒥᒃ ᒐᓕᓕᐊ ᐊᖅᑯᓵᖅᐹᑦ. ᔩᓱᓯ ᓇᓪᓕᐊᓐᓂᒡᓘᓐᓃᑦ ᖃᐅᔨᒪᖁᔨᓐᖏᓚᖅ ᓇᓃᓐᓂᕐᖕᒥᓂᒃ; 31ᐃᓕᓐᓂᐊᖅᑎᓂ ᐊᔪᕆᖅᑐᖅᐰᑦ, ᐅᖃᐅᑎᓪᓗᒋᑦ, “ᐃᓅᑉ ᐃᕐᖕᓂᖓ ᐱᔭᐅᑎᑕᐅᔪᒫᖅᐳᖅ ᐃᓄᖕᓄᑦ, ᑖᒃᑯᐊ ᑐᖁᑦᓱᒫᖅᐹᑦ; ᑐᖁᖓᓚᐅᕐᓗᓂ, ᐅᓪᓗᐃᑦ ᐱᖓᓱᑦ ᐊᓂᒍᖅᐸᑕ ᒪᑭᑦᓱᒫᕆᕗᖅ.”
32ᐃᓕᓐᓂᐊᖅᑎᖏᓪᓕ ᑐᑭᓯᓐᖏᓚᑦ ᐅᖃᐅᓯᕆᔭᖏᓐᓂᒃ, ᐊᐱᕆᔭᕆᐊᒃᓴᕐᓗ ᔩᓱᓯᒥᒃ ᐃᓕᕋᓱᒃᓗᑎᒃ.
ᑭᓇ ᐊᖏᓂᖅᐸᐅᕙ?
ᒫᑎᐅᓯ 18:1-5; ᓘᑲᓯ 9:46-48
33ᑲᐲᕐᓂᐊᒧᑦ ᑎᑭᑉᐳᑦ; ᐃᒡᓗᒧᑦ ᐃᑎᖅᓯᒪᓕᕋᒥᒃ ᔩᓱᓯᐅᑉ ᐃᓕᓐᓂᐊᖅᑎᓂ ᐊᐱᕆᕔᑦ, “ᖃᓄᖅ ᐅᖃᖃᑎᒌᖅᑲᐅᕕᓰ ᑕᒪᐅᓐᖓᓕᖅᑎᓪᓗᑕ?”
34 #
ᓘᑲᓯ 22:24. ᐃᓕᓐᓂᐊᖅᑎᖏᓪᓕ ᑭᐅᔪᓐᓇᓐᖏᓚᑦ; ᑕᒫᓂ ᐊᖅᑯᑎᒥᖕᓂ ᐱᓱᒃᓗᑎᒃ ᐅᖃᖃᑎᒌᖅᑲᐅᒐᒥᒃ ᓇᓪᓕᑎᒃ ᐊᖏᓂᖅᐸᐅᖕᒪᖔᑦ, 35#ᒫᑎᐅᓯ 20:26,27; 23:11; ᒫᑯᓯ 10:43,44; ᓘᑲᓯ 22:26.ᔩᓱᓯ ᐃᖏᓐᓇᒥ ᐃᓕᓐᓂᐊᖅᑎᓂ 12 ᕾᖁᕔᑦ; ᐅᖃᐅᑎᓪᓗᒋᑦ, “ᓇᓪᓕᐊᑦ ᓯᕗᓪᓕᖅᐸᐅᔪᒪᔪᖅ, ᑖᓐᓇ ᐃᒻᒥᓂᒃ ᑭᖑᓪᓕᖅᐸᐅᑎᑦᑐᒃᓴᐅᕗᖅ, ᑕᒤᓐᓄᓪᓗ ᐱᔨᒋᔭᐅᓗᓂ.” 36ᓱᕈᓯᑯᓗᖕᒥᒃ ᑎᒍᓯᕗᖅ, ᐃᓕᓐᓂᐊᖅᑎᖏᑕ ᓵᖓᓄᐊᖅᑎᑉᐹ; ᐃᕿᓪᓗᓂᐅᒃ ᐅᖃᐅᑎᕔᑦ, 37#ᒫᑎᐅᓯ 10:40; ᓘᑲᓯ 10:16; ᔪᐊᓇᓯ 13:20.“ᓇᓪᓕᐊᑦ ᑍᒤᑦᑐᒥᒃ ᓱᕈᓯᑯᓗᖕᒥᒃ ᑐᓐᖓᓱᒃᑎᑦᓯᔪᖅ ᐊᑎᓐᓂ ᑖᓐᓇ ᐅᕙᓐᓂᒃ ᑐᓐᖓᓱᒃᑎᑦᓯᕗᖅ; ᐅᕙᓐᓂᒡᓗ ᑐᓐᖓᓱᒃᑎᑦᓯᔪᖅ, ᐅᕙᓐᓂᑐᐊᖅ ᑐᓐᖓᓱᒃᑎᑦᓯᓐᖏᓚᖅ ᑎᓕᔨᓐᓂᒡᓕ ᑐᓐᖓᓱᒃᑎᑦᓯᒋᕗᖅ.”
ᓇᓪᓕᐊᑦ ᐅᕙᑦᑎᓐᓂᒃ ᐊᑭᕋᖅᑐᖏᑦᑐᖅ ᐃᓚᒋᕙᕗᑦ
ᓘᑲᓯ 9:49-50
38ᔪᐊᓇᓯᐅᑉ ᐅᖃᐅᑎᕚ, “ᐊᔪᕆᖅᑐᐃᔩ, ᐊᖑᒻᒥᒃ ᑕᑯᓚᐅᖅᐳᒍᑦ ᐊᓂᕐᖕᓂᕐᓗᖕᓂᒃ ᐊᓂᑎᑦᓯᖃᑦᑕᖅᑐᒥᒃ ᐊᑎᕐᖕᓂᒃ, ᐃᓂᖅᑎᓚᐅᖅᐸᕗᓪᓕ ᓄᖅᑲᖁᓪᓗᒍ, ᐅᕙᑦᑎᓐᓄᑦ ᐃᓚᒋᔭᐅᖏᒻᒪᑦ.”
39ᔩᓱᓯ ᐅᖃᖅᐳᖅ, “ᑖᓐᓇ ᓄᖅᑲᖅᑎᑕᒃᓴᕆᓐᖏᓚᓯ; ᓇᓪᓕᐊᑦ ᑲᒪᓇᖅᑐᓕᓂᕐᖕᒥᒃ ᐱᓇᓱᐊᖅᑐᖅ ᐊᑎᓐᓂᒃ ᐊᑐᕐᓗᓂ, ᐅᕙᓐᓂᒃ ᐱᐅᖏᑦᑐᒥᒃ ᑭᖑᓂᖓᒍᑦ ᐅᖃᐅᓯᖃᓕᖅᐸᖏᒻᒪᑦ. 40#ᒫᑎᐅᓯ 12:30; ᓘᑲᓯ 11:23.ᐅᕙᑦᑎᓐᓂᒃ ᐊᑭᕋᖅᑐᖏᑦᑑᑉ ᐃᓚᒋᕚᑎᒍᑦ. 41#ᒫᑎᐅᓯ 10:42.ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᓐᓄᑦ ᐃᒥᖅᑎᑕᐅᒍᑦᓯ ᙭ᔅᑑᓯᐅᑉ ᐊᑎᖓᓂᒃ ᐱᒍᑦᔨᓂᑦᓯᓐᓄᑦ, ᑖᓐᓇ ᐃᒥᖅᑎᑦᓯᔪᖅ ᐊᓯᐅᔨᓂᐊᖏᒻᒪᕆᒃᐳᖅ ᐊᑭᓕᖅᑕᐅᓂᒃᓴᒥᓂᒃ.”
ᐊᔪᖅᑐᓕᓂᕐᖕᒧᑦ ᐱᔪᒥᓵᖅᑕᐅᓂᖅ
ᒫᑎᐅᓯ 18:6-9; ᓘᑲᓯ 17:1-2
42“ᓇᓪᓕᐊᑦ ᓄᑕᕋᑯᓗᐃᑦ ᐃᓚᖓᓐᓂᒃ ᐅᕙᓐᓄᑦ ᐅᒃᐱᖅᑐᒥᒃ ᐊᔪᖅᑐᓕᑎᑦᓯᔪᖅ, ᑖᓐᓇ ᐊᑲᐅᓂᖅᓴᐅᒐᔭᖅᐳᖅ ᓂᐊᖂᔭᒃᓴᓂᒃ ᓯᖃᓪᓕᑎᑦᓯᑦᔪᑎᐅᑉ ᐅᔭᕌᓗᒃᖓᓂᒃ ᖁᖓᓯᖓᒍᑦ ᕿᓚᒃᓯᕕᐅᓗᓂ ᐃᒪᕕᖕᒧᑦ ᐃᒋᑕᐅᒃᐸᑦ. 43#ᒫᑎᐅᓯ 5:30.ᐊᒡᒐᒃᐱᑦ ᐊᔪᖅᑐᓕᑎᑉᐸᑎᑦ, ᓇᑲᒃᑭᑦ; ᐃᓕᖕᓄᑦ ᐊᑲᐅᓂᖅᓴᐅᒐᔭᕐᖕᒪᑦ ᐃᓅᓯᕐᖕᒧᑦ ᐃᑎᕐᓗᑎᑦ ᐃᒡᓗᐊᓂᒃ ᐊᒡᒐᖃᖏᓪᓗᑎᑦ, ᐃᒡᓗᒃᑐᑦ ᐊᒡᒐᖃᕐᓗᑎᑦ ᐃᒋᑕᐅᒐᔭᕐᖕᓂᕐᖕᓂᑦ ᓵᑖᓇᓯᖃᕐᕕᖕᒧᑦ, ᐃᑯᒪᕐᔪᐊᕐᖕᒧᑦ ᖃᒥᓱᐃᑦᑐᒧᑦ. [ 44ᑕᕝᕙᓂ ᖁᒡᓗᒋᐊᖅ ᑖᒃᑯᓂᖓ ᓂᕆᔪᖅ ᑐᖁᓂᐊᓐᖏᓚᖅ, ᐃᑯᒪᓗ ᐆᑎᑦᓯᔪᖅ ᖃᒥᓐᓂᐊᕋᓂ.]#9:44 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ. ᑕᑯᓗᒍ ᒫᑯᓯ 9:48 45ᐃᑎᒐᒃᐱᓪᓗ ᐊᔪᖅᑐᓕᑎᑉᐸᑎᑦ, ᓇᑲᒃᑭᑦ; ᐃᓕᖕᓄᑦ ᐊᑲᐅᓂᖅᓴᐅᒐᔭᕐᖕᒪᑦ ᐃᓅᓯᕐᖕᒧᑦ ᐃᑎᕐᓗᑎᑦ ᐃᒡᓗᐊᓂᒃ ᐃᑎᒐᖃᖏᓪᓗᑎᑦ ᐃᒡᓗᒃᑐᑦ ᐃᑎᒐᖃᕋᓗᐊᕈᕕᑦ ᐃᒋᑕᐅᒐᔭᕐᖕᓂᕐᖕᓂᑦ ᓵᑖᓇᓯᖃᕐᕕᖕᒧᑦ. [ 46ᑕᕝᕙᓂ ᖁᒡᓗᒋᐊᖅ ᑖᒃᑯᓂᖓ ᓂᕆᔪᖅ ᑐᖁᓂᐊᓐᖏᓚᖅ, ᐃᑯᒪᓗ ᐆᑎᑦᓯᔪᖅ ᖃᒥᓐᓂᐊᕋᓂ.]#9:46 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ. ᑕᑯᓗᒍ ᒫᑯᓯ 9:48 47#ᒫᑎᐅᓯ 5:29.ᐃᔨᕕᑦ ᐊᔪᖅᑐᓕᑎᑉᐸᑎᑦ, ᑖᓐᓇ ᐲᕈᒃ; ᐃᓕᖕᓄᑦ ᐊᑲᐅᓂᖅᓴᐅᒐᔭᕐᖕᒪᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᕕᑦ ᐃᔨᑐᐊᖃᕐᓗᑎᑦ ᐃᒡᓗᒃᑐᑦ ᐃᔨᖃᕐᓗᑎᑦ ᐃᒋᑕᐅᒐᔭᕐᖕᓂᕐᖕᓂᑦ ᓵᑖᓇᓯᖃᕐᕕᖕᒧᑦ. 48#ᐂᓮᐊᓯ 66:24.ᑕᕝᕙᓂ ᖁᒡᓗᒋᐊᖅ ᑖᒃᑯᓂᖓ ᓂᕆᔪᖅ ᑐᖁᓂᐊᓐᖏᓚᖅ, ᐃᑯᒪᓗ ᐆᑎᑦᓯᔪᖅ ᖃᒥᓐᓂᐊᕋᓂ.
49“ᑕᒪᕐᖕᒥᒃ ᓴᓗᒻᒪᖅᓴᖅᑕᐅᓂᐊᖅᐳᑦ ᐃᑯᒪᒧᑦ. ᑐᓂᕐᕈᑎᒃᓴᐅᑉ ᓴᓗᒻᒪᖅᓴᖅᑕᐅᕙᖕᓂᖓᑐᑦ ᑕᕆᐅᕐᖕᒧᑦ.
50 #
ᒫᑎᐅᓯ 5:13; ᓘᑲᓯ 14:34,35. “ᑕᕆᐅᖅ ᐱᐅᕗᖅ: ᑭᓯᐊᓂᓕ ᑕᕆᐅᖑᔪᓃᖅᐸᑦ, ᖃᓄᕐᓕ ᑕᕆᐅᓐᒍᖅᑎᑕᐅᒃᑲᓐᓂᕋᔭᖅᐹ? ᑕᕆᐅᓕᒃᑎᑦᑐᑦ ᐱᖃᓐᓇᕇᒋᑦᓯ ᐃᓕᑦᓯᓐᓄᑦ, ᓮᒪᓇᖅᑐᒥᒡᓗ ᐃᓅᓗᓯ ᐃᓕᑦᓯᓐᓄᑦ ᐊᑐᓂᑦ.”
Currently Selected:
ᒫᑯᓯᐅᑉ ᐊᒡᓚᖏᑦ 9: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
