ᔨᕆᒤᐊᐅᑉ ᐅᒡᒍᐊᕐᖕᓂᖏᑦ 4
4
ᔨᕉᓴᓕᐅᑉ ᐊᓯᕈᖅᑕᐅᓂᖓᑕ ᑭᖑᓂᖓᓂ
1ᒎᓘᑉ ᐱᔪᒥᓇᕐᖕᓂᕆᓚᐅᖅᑕᖓ ᐱᔪᒥᓇᕈᓐᓃᖅᓯᒪᕗᖅ,
ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᖅᐳᑦ.
2ᓮᐅᓂᐅᑉ ᐃᓅᓱᒃᑐᖁᑎᖏᑦ ᒎᓗᑎᑐᑦ ᐊᓐᓂᕐᖕᓇᖅᑎᒋᓚᐅᖅᑐᑦ,
ᐃᓗᓕᖁᑎᑎᑐᑦ ᒪᕐᕋᒥᑦ ᓴᓇᓯᒪᔪᑎᑐᑦ ᐃᓱᒪᓇᖅᓯᕗᑦ.
3ᐊᒪᕉᒐᓗᐊᓪᓕ ᑲᒪᑦᓯᐊᖅᐸᒃᐳᑦ ᕿᑐᕐᖓᒥᖕᓂᒃ,
ᐃᓄᖁᑎᒃᑲᓕ ᑎᖕᒥᐊᕐᔪᐊᑎᑐᑦ ᕿᑐᕐᖓᒥᖕᓂᒃ ᑲᒪᑦᓯᐊᕈᓐᓃᖅᑐᑎᑐᑦ ᑍᒤᑦᑑᓕᖅᐳᑦ.
4ᓄᑕᕋᓛᑦ ᐅᖃᖏᑦ ᕿᓚᖕᒥᖕᓄᑦ ᓂᐱᓐᖓᓕᖅᐳᑦ ᐃᒥᕈᖕᓂᕐᖕᒧᑦ,
ᕿᑐᕐᖓᖏᑦ ᑐᒃᓯᕋᕋᓗᐊᖅᐳᑦ ᓂᕿᒃᓴᒥᒃ ᑐᓂᔭᐅᓇᑎᒡᓗ.
5ᐃᓄᐃᑦ ᓂᕿᑦᓯᐊᕙᖕᓂᒃ ᓂᕆᕙᓚᐅᖅᑐᑦ ᐱᖅᓕᕋᖅᓗᑎᒃ ᓇᓂᑐᐃᓐᓈᓕᖅᐳᑦ,
ᐊᔪᖅᓴᖏᑦᑐᕐᔪᐊᓂᓗ ᐱᕈᖅᓴᓚᐅᖅᑐᑦ ᐊᒃᑕᑯᕐᖕᓂᐊᖅᑎᑐᐃᓐᓇᐅᓕᖅᐳᑦ ᓂᕆᔭᒃᓴᖅᓯᐅᖅᓗᑎᒃ.
6 #
ᒨᓯᓯ ᓯᕗᓪᓖᑦ 19:24. ᐃᓄᖁᑎᒪ ᓱᒋᐊᖅᑕᐅᓂᖓᑦ ᐊᖏᓂᖅᓴᐅᓯᒪᕗᖅ ᓱᑑᒪᒥᐅᑦ ᓱᒋᐊᖅᑕᐅᓂᖓᓂᑦ,
ᐊᓯᕈᖅᑕᐅᓇᖅᑐᒧᑦ ᑕᕝᕔᓐᓇᖅ ᑎᑭᑕᐅᓚᐅᕐᖕᒪᑕ.
7ᐊᖓᔪᖅᑳᕐᔪᐊᑉ ᐸᓂᖏᑦ ᐊᖑᒻᒧᑦ ᐊᒃᑐᖅᑕᐅᓚᐅᖅᓯᒪᖏᓐᓂᕐᖕᒧᑦ ᐊᐳᑎᑐᑦ ᓴᓗᒪᑎᒋᓚᐅᖅᐳᑦ,
ᑎᒥᖏᑦ ᐋᖅᑭᑦᓯᐊᖅᓯᒪᓪᓗᑎᒃ ᑕᐅᑦᑐᑦᓯᐊᕆᒡᓗᑎᒡᓗ.
8ᖃᐅᔨᒪᔭᐅᖏᑦᑐᑎᑐᓪᓕ ᐊᖅᑯᑎᒥᐅᑕᑐᐃᓐᓇᐅᓕᖅᐳᑦ,
ᑮᓇᖏᓪᓗ ᕿᕐᖕᓂᖅᑕᐅᓂᖅᓴᐅᓕᖅᐳᑦ ᐸᐅᕐᖕᒥᑦ, ᐅᕕᓂᖏᓪᓗ ᕿᔪᖕᒥᑦ
ᐸᓪᓕᕐᖕᒥᑦ ᐸᓂᕐᖕᓂᖅᓴᐅᓕᖅᐳᑦ ᐃᒧᓪᓗᖏᓪᓗ ᓴᐅᓂᖏᓐᓄᑦ ᑎᑭᑉᐳᑦ.
9ᐅᓇᑕᖅᑐᓂ ᑐᖁᔪᑦ ᐱᐅᓂᖅᓴᐅᕗᑦ ᑭᖑᓂᖓᓂ ᑐᖁᔪᕕᓂᕐᖕᓂᑦ ᐱᖅᓕᖅᓗᑎᒃ
ᓱᒃᑬᑦᑐᒥᒃ ᑐᖁᕙᓪᓕᐊᔪᓂᑦ ᓂᕿᒃᓴᖃᖏᓐᓂᕐᖕᒥᓄᑦ.
10 #
ᒨᓯᓯ ᑕᓪᓕᒪᖏᑦ 28:57; ᐃᓯᑭᐊᓕ 5:10. ᐊᓯᕈᖅᑕᐅᓇᖅᑐᑦ ᐃᓄᖁᑎᓐᓄᑦ ᑎᑭᓚᐅᖅᑐᑦ ᑲᑉᐱᐊᓇᖅᑐᕐᔪᐊᖑᓯᒪᓂᖓᓄᑦ
ᐊᓈᓇᐅᔪᑦ ᕿᑐᕐᖓᒥᖕᓂᒃ ᓇᒡᓕᒍᓱᒃᑑᒐᓗᐊᑦ ᕿᑐᕐᖓᑎᒃ ᐆᔪᓕᐅᖅᐸᒡᓗᒋᑦ ᓂᕿᒋᓕᓚᐅᖅᐰᑦ.
11ᐊᑕᓂᐅᑉ ᓂᓐᖓᕕᒡᔪᐊᕐᖕᓂᓂ ᓴᖅᑭᑎᒻᒪᒍ,
ᓮᐅᓂ ᐃᑯᐊᓪᓚᒃᑕᐅᕗᖅ ᓄᖑᓪᓗᓂ.
12ᐃᓄᐃᑦ ᓇᓂᑐᐃᓐᓇᖅ ᐊᖓᔪᖅᑳᕐᔪᐊᓪᓗ ᐅᓇᖕᒥᓱᒃᐸᓚᐅᓐᖏᓚᑦ
ᔨᕉᓴᓕᒥᐅᑦ ᐃᑎᖅᑕᕐᕕᖓᒍᑦ ᐃᑎᕈᓐᓇᖅᑐᖃᕋᔭᕐᖕᒪᖔᑦ.
13ᑍᒤᑦᓱᓐᓁᓚᐅᖅᐳᕐᓕ, ᒎᑎᐅᑉ ᐱᔪᖃᓛᖅᑐᒥᒃ ᐅᖃᖅᑎᖏᑦ, ᑐᓂᕐᕈᓯᖅᑎᑦᓯᔨᖁᑎᖏᓪᓗ ᒎᑎᒧᑦ
ᐊᔪᖅᑐᓕᓚᐅᕐᖕᒪᑕ ᑐᖁᑕᐅᑎᑦᑎᓯᒪᓂᕐᖕᒥᖕᓄᑦ ᐸᓯᔭᒃᓴᐅᖏᑦᑐᓂᒃ.
14ᔨᕉᓴᓕᒥᐅᑦ ᓯᕗᓕᖅᑎᖏᑦ ᐊᖅᑯᑎᑎᒎᖃᑦᑕᖅᐳᑦ ᑕᐅᑐᖏᑦᑐᑎᑐᑦ,
ᐊᐅᖕᒥᑦ ᐊᓐᓄᕌᖏᑦ ᐃᑦᓴᒃᓯᒪᖕᒪᑕ ᓇᕐᕈᓇᖅᓯᓪᓗᑎᒃ ᓇᓪᓕᐊᓐᓄᓪᓘᓐᓃᑦ ᐊᒃᑐᕈᒥᓇᕆᔭᐅᓐᖏᓚᑦ.
15ᐃᓄᖕᓄᑦ ᐅᖃᐅᑦᔭᐅᖃᑦᑕᓕᖅᐳᑦ, “ᑕᒫᓃᒐᓯ! ᓴᓗᒤᑦᑑᒐᑦᓯ!
ᐊᒃᑐᐃᑦᑍᓕᒋᑦᓯ ᐅᕙᑦᑎᓐᓂᒃ!” ᑐᓐᖓᓱᖏᓐᓇᒥᒃ ᓇᓂᓕᒫᖅ
ᐃᓅᖃᑎᒌᒡᔪᐊᓄᑦ ᐂᕙᒃᓗᑎᒃ ᐃᓂᒃᓴᖅᓯᐅᓕᖅᐳᑦ.
16ᐊᑕᓂᐅᑉ ᑲᒪᒋᔪᓐᓃᕐᖕᒪᒋᑦ ᓯᐊᒻᒪᖅᑎᑉᐰᑦ ᓇᒧᑐᐃᓐᓇᖅ,
ᑐᓂᕐᕈᓯᖅᑎᑦᓯᔩᑦ ᐊᖓᔪᖅᑳᓪᓗ ᐅᐱᒋᔪᓐᓃᖅᐰᑦ.
17ᐃᑲᔪᖅᑎᒃᓴᖅᓯᐅᓚᐅᖅᐳᒍᑦ ᓴᐱᓕᑐᐃᓐᓇᖅᓗᑕ ᓱᓇᖃᖏᑦᑐᒧᑦ ᓱᓇᐅᕝᕙ,
ᐃᓅᖃᑎᒌᒡᔪᐊᓂᓪᓗ ᐃᑲᔪᖅᓯᖅᑕᐅᓂᐊᕋᓱᒋᓪᓗᑕ ᐅᑕᖅᑭᓚᐅᖅᐳᒍᑦ ᑖᒃᑯᐊᓕ ᐱᐅᓕᓯᔪᓐᓇᓚᐅᓐᖏᓚᑦ.
18ᐊᑭᕋᑦᑎᓐᓄᑦ ᓇᒧᓐᖓᕐᖕᓂᕗᑦ ᖃᐅᔨᒪᔭᐅᓇᓱᐊᖏᓐᓇᓕᓚᐅᖅᐳᑦ,
ᐊᖅᑯᑎᑎᒍᑦ ᐱᓱᑲᑕᒍᓐᓁᓪᓕᓚᐅᖅᐳᒍᑦ ᐊᒡᓛᑦ,
ᐅᓪᓗᐃᑦ ᓈᓴᖅᑕᐅᓯᒪᓚᐅᖅᐳᑦ ᐃᓱᓕᕝᕕᒃᓴᕗᑦ,
ᐃᓱᓕᕝᕕᒃᓴᕗᑦ ᓇᓪᓕᐅᑎᖕᒪᑦ.
19ᓇᒃᑐᕋᓕᐅᑉ ᐊᐅᖅᓵᕐᖕᓂᖓᓂᑦ ᓱᒃᑲᓂᖅᓴᐅᓪᓗᑎᒃ ᐅᕙᑦᑎᓐᓂᒃ
ᐊᖑᓯᓚᐅᖅᐳᑦ, ᒪᓕᒃᓗᓂᑎᒍᑦ ᐊᖑᓚᐅᖅᐹᑎᒍᑦ ᖃᖅᑲᓂ,
ᐃᓄᖃᔪᐃᑦᑐᒥᓗ ᐅᑕᖅᑭᓪᓗᑕ ᑎᒍᓚᐅᖅᐹᑎᒍᑦ.
20ᐊᑕᓂᐅᑉ ᐅᖅᓱᖅᑎᖅᓯᒪᔭᖓ ᐃᓅᓯᖃᕐᕕᒋᔭᕗᑦ,
ᑎᒍᕚᑦ ᐃᑎᖅᓴᓕᐊᕆᓯᒪᔭᒥᖕᓂ,
ᐅᖃᐅᓯᕆᓚᐅᖅᑕᕗᑦ, “ᑖᑦᓱᒪ ᑕᕐᕋᖓᓂ
ᐃᓅᔪᒫᖅᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”
21ᓯᕆᒋᑦᓯ ᖁᕕᐊᓱᒡᓗᓯ ᐄᑐᒥᐅᑕᐅᔪᓯ,
ᓄᓇᖃᖅᑐᓯ ᐅᔾᒥ,
ᐊᓯᕈᖅᑕᐅᓂᒃᓴᓯ ᓇᓪᓕᐅᑎᓛᕐᖕᒥᖕᒪᑦ;
ᐊᓐᓄᕌᖃᖏᓪᓗᓯ ᑲᓐᖑᓇᖅᑐᒥᒃ ᐊᑐᓕᕈᒫᕆᕗᓯ.
22ᓮᐅᓂ ᐊᔪᖅᑐᓕᓯᒪᓂᕐᖕᒥᓄᑦ ᐊᑭᓂᐊᕐᕕᐅᖕᒪᑦ,
ᐊᑕᓂᐅᑉ ᐊᐅᓪᓚᕈᑦᔭᐅᑎᓯᒤᓐᓇᕐᖕᓂᐊᓐᖏᓛᓯ,
ᐄᑐᒥᐅᑕᐅᔪᓯᓕ ᐊᑕᓂᕐᖕᒧᑦ ᓱᒋᐊᖅᑕᐅᔪᒫᖅᐳᓯ
ᐊᔪᖅᑐᓕᓂᓯ ᓴᖅᑭᑎᑦᓱᒫᖅᐰᑦ.
Currently Selected:
ᔨᕆᒤᐊᐅᑉ ᐅᒡᒍᐊᕐᖕᓂᖏᑦ 4: EAIB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.