ᔪᐃᓕᐅᑉ ᐊᒡᓚᖏᑦ 3
3
ᒎᑎᐅᑉ ᐃᓅᖃᑎᒋᒡᔪᐊᑦ ᐃᖅᑲᖅᑐᕈᒫᖅᐰᑦ
1“ᑕᑯᒋᑦᓯ ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ,
ᔨᕉᓴᓕᒥᑦ ᔫᑕᒥᓪᓗ ᐊᓯᐅᔨᔭᐅᓯᒪᔪᑦ ᐅᑎᖅᑎᑦᓱᒫᖅᐸᒃᑲ.
2ᐃᓅᖃᑎᒌᒡᔪᐊᑦ ᐊᓯᖏᑦ ᑲᑎᑎᑦᓱᒫᖅᐸᒃᑲ,
ᔨᕼᐆᓴᐸᐅᓪᓗ ᓇᖅᓴᖓᓄᐊᕈᑎᔪᒫᖅᐸᒃᑲ,
ᑍᑲᓂᓗ ᐃᖅᑲᖅᑐᕈᒫᖅᐸᒃᑲ,
ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐱᓪᓗᒋᑦ,
ᑖᒃᑯᐊ ᐃᓄᖁᑎᓐᓂᒃ ᓯᐊᒻᒪᖅᑎᑦᓯᓚᐅᖅᑐᑦ ᐃᓅᖃᑎᒌᒡᔪᐊᓄᑦ;
ᓄᓇᖁᑎᓐᓂᒡᓗ ᐊᕕᒃᑐᐃᓚᐅᕐᖕᒪᑕ.
3ᐃᓄᖁᑎᓐᓂᒡᓗ ᓇᓚᐅᑦᑖᕈᑎᒃᑯᑦ ᓂᐅᕐᕈᑎᖃᓚᐅᖅᑐᑦ,
ᓄᑲᑉᐱᐊᒥᒡᓗ ᐊᑭᓕᐅᑎᖃᓚᐅᖅᐳᑦ ᐊᕐᖕᓇᒧᑦ ᓄᓕᐊᒐᕐᖕᒧᑦ,
ᓂᕕᐊᖅᓵᒥᒡᓗ ᓂᐅᕐᕈᑎᖃᓚᐅᖅᐳᑦ ᕔᓂᒧᑦ, ᐃᒥᕈᒪᓪᓗᑎᒃ.
4 #
ᐂᓮᐊᓯ 23:1-18; ᐃᓯᑭᐊᓕ 26:1—28:26; ᐂᒨᓯ 1:9,10; ᓴᑲᕅᐊ 9:1-4; ᒫᑎᐅᓯ 11:21,22; ᓘᑲᓯ 10:13,14. #
ᐂᓮᐊᓯ 14:29-31; ᔨᕆᒤᐊ 47:1-7; ᐃᓯᑭᐊᓕ 25:15-17; ᐂᒨᓯ 1:6-8; ᔨᐸᓁᐊ 2:4-7; ᓴᑲᕅᐊ 9:5-7. “ᓱᓇᒦᒃ ᐊᑭᕋᖅᑑᑎᒃᓴᖃᖅᐲᑦ ᐅᕙᓐᓄᑦ? ᑍᕆ, ᓮᑐᓂᓗ ᐱᓕᔅᑎᐊᒥᐅᓪᓗ ᐃᒪᐅᑉ ᓯᓈᓃᑦᑐᑦ ᐅᕙᓐᓄᑦ ᐊᑭᒋᐊᕈᒪᕕᓰ? ᐊᑭᒋᐊᕈᑦᓯ, ᑕᕝᕔᓐᓇᖅ ᑐᐊᕕᖅᓗᖓ ᐊᑭᒋᐊᕐᖕᓂᓯ ᐃᓕᓯᓐᓄᑦ ᐱᑎᓐᓂᐊᖅᐸᕋ. 5ᑎᒍᓯᓚᐅᕋᑦᓯ ᓯᐅᕕᕆᖁᑎᓐᓂᒃ ᒎᓗᖁᑎᓐᓂᒡᓗ, ᐊᐅᓪᓚᕈᑦᔨᓚᐅᕋᑦᓯᓗ ᐱᐅᓂᖅᐹᖁᑎᓐᓂᒃ ᑐᒃᓯᐊᕐᕕᓯᓐᓄᑦ. 6ᔫᑕᐅᑉ ᔨᕉᓴᓕᐅᓪᓗ ᐃᓄᖏᓐᓂᒃ ᓂᐅᕐᕈᑎᖃᓚᐅᕋᑦᓯ ᒍᕇᑭᓄᑦ, ᐊᐅᓪᓚᐅᑎᔪᒪᓪᓗᒋᑦ ᐅᖓᓯᒃᑐᒧᑦ ᓄᓇᖁᑎᖏᑕ ᓯᓚᑖᓄᑦ. 7ᑕᑯᒋᑦ, ᒪᑭᑎᑦᓱᕙᒃᑲ ᓄᓇᓂᑦ ᓂᐅᕐᕈᑎᖃᕐᕕᒋᓚᐅᖅᑕᑦᓯᓐᓂᑦ, ᐱᓂᐊᕐᖕᓂᕆᓚᐅᖅᑕᓯᓗ ᐃᓕᓯᓐᓄᑦ ᐱᑎᓐᓂᐊᖅᐸᕋ. 8ᐃᕐᖕᓂᓯᓗ ᐸᓂᓯᓗ ᓂᐅᕐᕈᑎᒋᔪᒫᖅᐸᒃᑲ, ᔫᑕᐅᑉ ᐃᓄᖏᓐᓄᑦ, ᓂᐅᕐᕈᑎᒋᔪᒫᖅᐰᓪᓗ ᓴᐱᐊᓂᒥᐅᓄᑦ ᐃᓅᖃᑎᒌᒡᔪᐊᓄᑦ ᐅᖓᓯᒃᑐᒦᑦᑐᓄᑦ; ᐊᑕᓂᖅ ᐅᖃᖅᐳᖅ.
9ᐃᓅᖃᑎᒌᒡᔪᐊᑦ ᐅᖃᐅᑎᓯᒋᑦ:
‘ᐸᕐᖕᓁᓕᕆᑦᓯ ᐅᓇᑕᕐᖕᓂᕐᖕᒧᑦ!
ᐊᖑᑏᑦ ᐅᓇᑕᕈᓐᓇᖅᑐᑦ ᐸᕐᖕᓇᖁᓯᒋᒃ,
ᐊᖑᑎᓕᒫᑦ ᐅᓇᑕᖅᑐᒃᓮᑦ ᕾᖁᓯᒋᒃ ᐅᓇᑕᕆᐊᓕᖅᓗᑎᒡᓗ.
10 #
ᐂᓮᐊᓯ 2:4; ᒤᑲ 4:3. ᓴᕕᕋᔧᑦ ᓄᓇᒥᒃ ᒪᒃᐱᖅᑎᕆᑦᔪᑏᑦ ᑲᓱᐊᖅᓗᒋᑦ ᓴᕕᒡᔪᐊᓕᐊᕆᓯᒋᑦ,
ᓇᐹᖅᑑᓪᓗ ᐊᕙᓚᖓᔪᖏᓐᓂᒃ ᓇᑲᑎᕆᑦᔪᑏᑦ ᖃᓗᒋᐊᕈᖅᑎᓯᒋᑦ,
ᓴᓐᖐᑦᑐᑦ ᐅᖃᓕᖅᓕᑦ, “ᐅᓇᑕᖅᑐᒃᓴᐅᕗᖓ.”
11ᑲᑎᓗᓯ ᕾᓕᕆᑦᓯ ᐃᓅᖃᑎᒌᒡᔪᐊᓕᒫᖑᔪᓯ,
ᓇᓂᑐᐃᓐᓈᖅᑐᑦ ᑲᑎᓕᖅᓕᑦ.’”
ᐅᓇᑕᖅᑐᒃᓴᖁᑎᑎᓪᓗ ᑕᐅᓄᖓ ᐅᓇᑕᕆᐊᖁᒃᑭᑦ, ᐊᑕᓃᖅ!
12ᐃᓅᖃᑎᒌᒡᔪᐊᑦ ᐸᕐᖕᓇᓕᖅᓕᑦ ᕾᓗᑎᒡᓗ,
ᔨᕼᐆᓴᐸᐅᑉ ᓇᖅᓴᖓᓄᑦ.
ᑍᑲᓂ ᐃᓅᖃᑎᒋᒡᔪᐊᑦ ᐊᕙᑖᓃᑦᑐᑦ ᐃᖅᑲᖅᑐᕈᒫᐸᒃᑲ.
13 #
ᑕᑯᑎ 14:14-16;
ᑕᑯᑎ 14:19,20; 19:15. ᐱᕈᖅᑐᓂᒃ ᑭᓪᓗᐃᑦᔪᑏᑦ ᑎᒍᓕᖅᓯᒋᒃ,
ᐱᕈᖅᑐᑦ ᐱᕈᕇᕐᖕᒪᑕ ᑲᑎᖅᓱᐃᕕᒃ ᓇᓪᓕᐅᑎᖕᒪᑦ.
ᕾᓗᓯ, ᐱᓇᓱᐊᕆᐊᖅᑐᓕᕆᑦᓯ ᐸᐅᕐᖎᑦ ᐃᑦᑏᔭᖅᓗᒋᑦ,
ᕔᓂᓕᐅᕐᕕᒃ ᑕᑕᒻᒪᑦ ᐃᒻᒥᖅᓱᕐᕕᖏᓪᓗ ᖄᒥᒻᒪᑕ,
ᐃᓅᖃᑎᒌᒡᔪᐊᑦ ᐊᔪᖅᑐᓕᓂᖏᑦ ᐊᖏᓗᐊᕐᖕᒪᑕ.
14ᐃᓄᒋᐊᒡᑐᕐᔪᐊᕌᓗᐃᑦ ᓇᖅᓴᒦᑉᐳᑦ ᐃᖅᑲᖅᑐᖅᑕᐅᕕᖕᒥ.
ᑍᑲᓂ ᐊᑕᓂᐅᑉ ᐅᓪᓗᖓ ᖃᒡᓕᖕᒪᑦ ᓇᖅᓴᒥ ᐃᖅᑲᖅᑐᖅᑕᐅᕕᖕᒥ.
15ᓯᕿᓂᕐᓗ ᑕᖅᑭᕐᓗ ᑖᖅᓯᔪᒫᖅᐴᒃ,
ᐅᓪᓗᕆᐊᓪᓗ ᖃᐅᒪᔪᓐᓁᖅᓗᑎᒃ.
ᒎᑎᐅᑉ ᓮᒻᒪᖅᑎᑦᓯᔪᒫᕐᖕᓂᖓ ᐃᓄᖁᑎᒥᓂᒃ
16 #
ᐂᒨᓯ 1:2. ᐊᑕᓂᖅ ᐃᖅᓯᓵᕆᔪᑎᑐᑦ ᓂᓪᓕᐊᔪᒫᖅᐳᖅ ᓮᐅᓂᒥ,
ᓂᐱᖓᓗ ᑐᓴᖅᓴᐅᔪᒫᖅᐳᖅ ᔨᕉᓴᓕᒥᑦ;
ᕿᓚᒡᓗ ᓄᓇᓗ ᓴᔪᒍᒫᖅᐴᒃ;
ᐊᑕᓂᕐᓕ ᕿᒫᕕᒃᓴᐅᔪᒫᖅᐳᖅ ᐃᓄᖁᑎᒥᓄᑦ,
ᐃᓴᕆᐊᓕᒥᐅᓄᓪᓗ ᑭᖑᕚᖑᖃᑎᒌᓄᑦ ᓴᓐᖏᑦᔪᑕᐅᔪᒫᖅᐳᖅ.
17“ᖃᐅᔨᖁᓪᓗᓯ ᐅᕙᖓ ᐊᑕᓂᐅᒐᒪ ᒎᑎᓯ.
ᐃᓂᖃᖅᐳᖓ ᓮᐅᓂᒥ ᖃᖅᑲᖁᑎᓐᓂ ᐃᑦᔪᕐᖕᓁᑦᑐᒥ.
ᔨᕉᓴᓕᒻ ᐃᑦᔪᕐᖕᓁᑦᑑᔪᒫᖅᐳᖅ
ᓄᓇᖃᖅᑐᑐᖃᐅᖏᑦᑐᑦ ᑎᑭᓪᓗᑎᒃ ᓵᓚᖃᓚᐅᖅᓯᒪᓂᐊᕈᓐᓁᖅᐳᑦ.
18ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᖅᐳᖅ ᖃᖅᑬᑦ ᑰᒐᕈᒫᕐᖕᒪᑕ ᕔᓂᒥᒃ ᓄᑖᒥᒃ,
ᐱᖑᐃᓪᓗ ᑰᓕᕈᒫᖅᐳᑦ ᐃᒻᒧᖕᒥᒃ,
ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᖕᒥᒃ ᑕᑕᑦᓱᒫᖅᐳᑦ;
ᐃᒥᖅ ᐳᐊᓚᕕᒃ ᑰᓕᕈᒫᖅᐳᖅ ᐊᑕᓂᐅᑉ ᐃᒡᓗᖓᓂᑦ
ᓯᑎᒻᒥᐅᑉ ᓇᖅᓴᖓ ᖃᐅᓯᖅᑎᓪᓗᒍ.
19ᐄᑦᔨᑉᑎᓗ ᐃᓄᖃᕈᓐᓁᕈᒫᖅᐳᖅ,
ᐄᑐᒥᓗ ᓱᓇᖃᖏᓪᓗᓂ ᐃᓄᖃᔪᐃᑦᑑᓕᕈᒫᖅᐳᖅ,
ᑲᑉᐱᐊᓱᑦᑎᑦᓯᓚᐅᕐᖕᓂᖏᓐᓄᑦ ᔫᑕᐅᑉ ᐃᓄᖏᓐᓂᒃ,
ᑐᖁᕅᓚᐅᕐᖕᓂᖏᓐᓂᒃ ᐸᓯᔭᒃᓴᐅᖏᑦᑐᓂᒃ ᓄᓇᖏᓐᓂ.
20ᔫᑕ ᐃᓄᕾᓐᓇᐅᔭᕐᖕᓂᐊᖅᐳᖅ ᐃᓱᖃᖏᑦᑐᒧᑦ,
ᔨᕉᓴᓕᓗᑦᑕᐅᖅ ᐃᓄᕾᓐᓇᕐᖕᓂᐊᖅᐳᖅ ᑭᖑᕚᕇᓂᑦ ᑭᖑᕚᕇᓄᑦ.
21ᐊᑭᓂᐊᕈᒫᖅᐸᒃᑲ ᑐᖁᑦᓯᓚᐅᖅᑐᑦ ᐸᓯᔭᒃᓴᐅᔪᓐᓃᓐᓂᐊᓐᖏᓚᓪᓗ,
ᐅᕙᖓ ᐊᑕᓂᐅᒐᒪ ᓮᐅᓂᒥ ᐃᓂᖃᖅᑐᖅ.”
Currently Selected:
ᔪᐃᓕᐅᑉ ᐊᒡᓚᖏᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
