ᐂᒨᓯᐅᑉ ᐊᒡᓚᖏᑦ 1
1
1 #
ᐊᑕᓃᑦ ᐂᑉᐸᖏᑦ 15:1-7; ᑯᕉᓂᑲ ᐂᑉᐸᖏᑦ 26:1-23;
ᐊᑕᓃᑦ ᐂᑉᐸᖏᑦ 14:23-29. ᐅᑯᐊ ᐂᒧᓯᐅᑉ ᐅᖃᐅᓯᖏᑦ, ᓰᐱᓕᕆᔨᐅᖃᑕᐅᓚᐅᖅᑑᑉ ᑎᑯᐊᒥ, ᑕᑯᓚᐅᖅᑕᖏᑦ ᐃᓴᕆᐊᓕᒥᐅᑉ ᐱᓪᓗᒋᑦ, ᐅᓮᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᔨᕈᐳᐊᒻ ᐅᓪᓗᖏᓐᓂ ᔪᐊᓯᐅᑉ ᐃᕐᖕᓂᖓ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥᐅᓄᑦ, ᐊᕐᕌᒎᒃ ᒪᕐᕉᒃ ᓯᕗᓂᖓᒍᑦ ᓄᓇ ᓴᔪᒃᐱᓪᓚᓚᐅᖅᑎᓐᓇᒍ. 2#ᔪᐃᓕ 3:16.ᐅᖃᖅᐳᕐᓗ,
“ᐊᑕᓂᖅ ᓂᐱᖅᑯᖅᑐᓪᓗᓂ ᓂᓪᓕᐊᕗᖅ ᓮᐅᓂᒥᑦ,
ᓂᐱᕐᔪᐊᖓᓗ ᑐᓴᖅᓴᐅᕗᑦ ᔨᕉᓴᓕᒥᑦ;
ᓰᐱᓕᕆᔩᑦ ᐊᒡᓛᑦ ᓂᕿᒃᓴᖁᑎᖏᑦ ᑐᖁᓕᑎᑕᐅᕗᑦ,
ᖃᖅᑲᐅᓪᓗ ᑳᕐᒥᐅᑉ ᖄᖓ ᑐᖁᓕᓕᖅᓗᓂ.”
ᒎᑎᐅᑉ ᐃᖅᑲᖅᑐᐃᓂᖓ ᐃᓴᕆᐊᓕᒥᐅᑦ ᓯᓚᖅᑲᑎᖏᓐᓄᑦ
ᓯᕆᐊ
3 #
ᐂᓮᐊᓯ 17:1-3; ᔨᕆᒤᐊ 49:23-27; ᓴᑲᕅᐊ 9:1. ᐊᑕᓂᖅ ᐃᒫᒃ ᐅᖃᖅᐳᖅ: “ᐱᖓᓱᑦ ᑕᒫᓯᑰᓯᐅᑉ ᐊᔪᖅᑐᓕᓂᖏᑦ ᐱᓪᓗᒋᑦ, ᓯᑕᒪᖓᓪᓕ ᓱᒋᐊᖅᑕᐅᓂᒃᓴᖓ ᐲᕐᖕᓂᐊᓐᖏᓚᕋ, ᒋᓕᐊᑎᒥᐅᓂᒃ ᑐᓪᓕᕋᖅᓯᒪᓂᖏᑦ ᐱᓪᓗᒋᑦ, ᑐᓪᓕᕅᑦᔪᑎᓄᑦ ᓴᕕᕋᔭᓕᖕᓄᑦ. 4ᐃᑯᐊᓪᓚᒃᑎᓐᓂᐊᖅᐸᕋ ᕼᐊᔧᐅᓕᐅᑉ ᐃᒡᓗᖓ, ᐊᖓᔪᖅᑳᕐᔪᐊᑉ ᐱᓐ-ᕼᐊᑖᑎᐅᑉ ᕿᒫᕕᖓ ᑕᒪᑐᒧᖓ ᓄᖑᑕᐅᓂᐊᖅᐳᖅ. 5ᑕᒫᓯᑰᓯᐅᓪᓗ ᐃᑎᖅᑕᕐᕕᖓᑕ ᓴᕕᕋᔭᖓ ᓱᕋᒃᑎᕐᖕᓂᐊᖅᐸᕋ, ᓄᓇᖃᖅᑐᓪᓗ ᐂᕙᓐ ᓇᖅᓴᖓᓂ ᓄᖑᑎᓐᓂᐊᖅᐸᒃᑲ, ᑍᓐᓇᓗ ᑎᒍᒥᐊᖅᑐᖅ ᐊᖓᔪᖅᑳᕐᔪᐊᑉ ᑎᒃᑯᐊᖅᓯᑦᔪᑎᖓᓂᒃ ᐱᑦ-ᐄᑕᓂᒥ; ᓯᕆᐊᓪᓗ ᐃᓄᖏᑦ ᑎᒍᔭᐅᓂᐊᖅᐳᑦ ᑭᕆᒧᑦ ᐊᐅᓪᓚᕈᑦᔭᐅᓗᑎᒃ,” ᐊᑕᓂᖅ ᐅᖃᖅᐳᖅ.
ᐱᓕᔅᑎᐊ
6 #
ᐂᓮᐊᓯ 14:29-31; ᔨᕆᒤᐊ 47:1-7; ᐃᓯᑭᐊᓕ 25:15-17; ᔪᐃᓕ 3:4-8; ᔨᐸᓁᐊ 2:4-7; ᓴᑲᕅᐊ 9:5-7. ᐊᑕᓂᖅ ᐃᒫᒃ ᐅᖃᖅᐳᖅ: “ᒑᓴᐅᑉ ᐊᔪᖅᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ ᓱᒋᐊᖅᑕᐅᓂᒃᓴᖓ ᐲᕐᖕᓂᐊᓐᖏᓚᕋ, ᐃᓄᖕᓂᒃ ᐊᐅᓪᓚᕈᑦᔨᓚᐅᕐᖕᓂᖏᓐᓂᒃ ᐃᓘᓐᓇᖏᓐᓂᒃ ᑎᒍᔭᐅᑎᑦᓯᓪᓗᑎᒃ ᐂᑎᓪᓗᒋᓪᓗ ᐄᑐᒥᒧᑦ. 7ᒑᓴᐅᓪᓗ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᖅᐸᕋ, ᕿᒫᕕᖏᓪᓗ ᑕᒪᑐᒧᖓ ᓄᖑᑕᐅᓂᐊᖅᐳᑦ. 8ᓄᓇᖃᖅᑐᓪᓗ ᐋᔅᑖᑦᒥ ᓄᖑᑎᓐᓂᐊᖅᐸᒃᑲ, ᐊᖓᔪᖅᑳᕐᔪᐊᓪᓗ ᑎᒃᑯᐊᖅᓯᑦᔪᑎᖓᓂᒃ ᑎᒍᒥᐊᖅᑐᖅ ᐊᓯᑭᓗᓂᒥ; ᐊᒡᒐᒃᑲᓗ ᓵᑎᓐᓂᐊᖅᐸᒃᑲ ᐃᑯᕋᓂᒧᑦ, ᐱᓕᔅᑍᓂᒥᐅᓪᓗ ᐊᒥᐊᒃᑯᖏᑦ ᓄᖑᓐᓂᐊᖅᐳᑦ,” ᐊᑕᓂᖅ ᒎᑎ ᐅᖃᖅᐳᖅ.
ᑍᕋ
9 #
ᐂᓮᐊᓯ 23:1-18; ᐃᓯᑭᐊᓕ 26:1—28:19; ᔪᐃᓕ 3:4-8; ᓴᑲᕅᐊ 9:1-4; ᒫᑎᐅᓯ 11:21,22; ᓘᑲᓯ 10:13,14. ᐊᑕᓂᖅ ᐅᖃᖅᐳᖅ, “ᐱᖓᓱᓄᑦ ᑍᕆᐅᑉ ᐊᔪᖅᑐᓕᓂᖏᓐᓄᑦ, ᓯᑕᒪᖓᓪᓗᑦ ᓱᒋᐊᖅᑕᐅᓂᒃᓴᖓ ᐲᕐᖕᓂᐊᓐᖏᓚᕋ, ᑎᒍᔭᐅᓯᒪᔪᓕᒫᓂᒃ ᐄᑐᒥᒧᐊᖅᑎᑦᓯᓚᐅᕐᖕᒪᑕ, ᐃᖅᑲᐅᒪᓚᐅᖏᒻᒪᑕ ᐊᖏᖃᑎᒌᖕᓂᕆᓚᐅᖅᑕᒥᖕᓂᒃ ᐃᓚᒌᑦᓯᐊᕈᒪᓂᕐᖕᒥᒃ. 10ᑍᕆᐅᓪᓗ ᐃᒡᓗᕐᔪᐊᖓᑕ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᖅᐸᕋ, ᑕᒪᑐᒧᖓ ᕿᒫᕕᖏᑦ ᐊᓯᕈᖅᑕᐅᖁᓪᓗᒋᑦ.”
ᐄᑐᒥ
11 #
ᐂᓮᐊᓯ 34:5-17; 63:1-6; ᔨᕆᒤᐊ 49:7-22; ᐃᓯᑭᐊᓕ 25:12-14; 35:1-15; ᐅᐸᑍᐊ 1:1-14; ᒪᓚᑬ 1:2-5. ᐊᑕᓂᖅ ᐃᒫᒃ ᐅᖃᖅᐳᖅ, “ᐄᑐᒥᐅᑉ ᐊᔪᖅᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᖅᑕᐅᓂᒃᓴᖓ ᐲᕐᖕᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᖕᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᖕᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᖕᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᖅᐹ ᐃᓱᖃᖏᑦᑐᒧᑦ. 12ᑏᒪᓐ ᐃᑯᐊᓪᓚᒃᑎᓐᓂᐊᖅᐸᕋ, ᑕᒪᑐᒧᖓᓗ ᐳᔾᕋᒥᐅᑦ ᕿᒫᕕᖏᑦ ᓄᖑᑕᐅᓂᐊᖅᐳᑦ.”
ᐋᒪᓐ
13 #
ᔨᕆᒤᐊ 49:1-6; ᐃᓯᑭᐊᓕ 21:28-32; 25:1-7; ᔨᐸᓁᐊ 2:8-11. ᐊᑕᓂᖅ ᐅᖃᖅᐳᖅ, “ᐊᒧᓁᒥᐅᑦ ᐊᔪᖅᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓪᓗ ᓱᒋᐊᖅᑕᐅᓂᒃᓴᖓ ᐲᕐᖕᓂᐊᓐᖏᓚᕋ, ᐊᕐᖕᓇᓂᒃ ᕿᑐᕐᖓᒃᓴᓕᖕᓂᒃ ᐱᓚᒃᓯᓚᐅᕐᖕᒪᑕ ᐊᖕᒪᖅᓗᒋᑦ ᒋᓕᐊᑎᒥ, ᓄᓇᖁᑎᑎᒃ ᐊᖏᒡᓕᒋᐊᕈᒪᓪᓗᒍ. 14ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᖅᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᖅᑕᐅᓂᐊᖅᐳᑦ, ᐃᓄᖏᓪᓗ ᕾᒐᓛᕐᖕᓂᐊᖅᐳᑦ ᓂᐱᕐᔪᐊᖃᖅᓗᑎᒃ ᐅᓇᑕᕆᐊᖅᑐᑎᑐᑦ, ᓱᓗᒃᓱᕐᔪᐊᖅᑐᑎᑐᓪᓗ ᐊᓄᕌᖅᑎᓪᓗᒍ ᐅᓚᔪᔨᕋᖅᑐᑎᑐᑦ. 15ᐊᖓᔪᖅᑳᕐᔪᐊᖓᓗ ᑎᒍᔭᐅᔪᒫᖅᐳᖅ ᐊᐅᓪᓚᕈᑦᔭᐅᓗᓂ, ᐊᖓᔪᖅᑳᖁᑎᖏᓪᓗ ᐊᑕᐅᑦᓯᒃᑯᑦ,” ᐊᑕᓂᖅ ᐅᖃᖅᐳᖅ.
Currently Selected:
ᐂᒨᓯᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
