ᔪᐃᓕᐅᑉ ᐊᒡᓚᖏᑦ 2
2
ᐱᒡᓕᖅᑕᐅᔮᖅᑐᑦ ᓇᓗᓁᒃᑯᑕᐅᓂᖏᑦ ᐊᑕᓂᐅᑉ ᐅᓪᓗᖓᓄᑦ
1ᑎᑦᑐᓚᐅᑏᑦ ᓂᓪᓕᖅᑎᓯᒋᑦ ᓮᐅᓂᒥ, ᐊᑕᓂᐅᑉ ᖃᖅᑲᖓᓂ ᐃᑦᔪᕐᖕᓁᑦᑐᒥ,
ᓄᓇᓕᓕᒫᓪᓗ ᓴᔪᒡᓕᑦ, ᐊᑕᓂᐅᑉ ᐅᓪᓗᖓ ᑎᑭᓕᕐᖕᒪᑦ, ᖃᓂᑦᑑᓕᖅᓗᓂ.
2ᐅᓪᓗᖅ ᑖᖅᓯᔪᒫᕐᖕᒪᑦ ᑲᑉᐱᐊᓇᖅᓗᓂᓗ, ᐅᓪᓗᖅ ᑖᖅᓯᔪᒫᕐᖕᒪᑦ ᓄᕗᔭᓗᓂᓗ.
ᐱᒡᓕᖅᑕᐅᔮᖅᑐᑦ ᐅᓄᖅᑐᕐᔪᐊᑦ ᑖᖅᓯᑎᑦᓯᔪᒫᖅᐳᑦ ᖃᖅᑲᒥᒃ, ᐊᔪᖏᑦᑐᕐᔪᐊᑦ ᐱᔪᓐᓇᖅᑐᕐᔪᐊᓪᓗ ᐊᑭᕅᑦ ᑎᑭᑦᓱᒫᖅᐳᑦ,
ᑍᒫᒃ ᐱᔪᖃᓚᐅᖅᓯᒪᓐᖏᓚᖅ ᑍᒤᑦᑐᖃᓚᐅᖅᓯᒪᓂᐊᕋᓂᓗ ᒪᑐᒪ ᑭᖑᓂᐊᒍᑦ.
3ᐃᑯᒪᒧᑦ ᓄᖑᑕᐅᕗᑦ ᓯᕗᓂᐊᓃᑦᑐᑦ ᑭᖑᓂᐊᓃᑦᑐᓪᓗ ᐃᑯᐊᓚᕗᑦ;
ᓄᓇᓗ ᓯᕗᓂᐊᓃᑦᑐᖅ ᐱᕈᖅᓰᕕᒃ ᐄᑕᓂᒥᐅᖑᔮᖅᑐᖅ,
ᑭᖑᓂᐊᓂᓗ ᓄᓇ ᐃᓄᖃᔪᐃᑦᑐᑐᑦ ᑍᒤᓕᖅᐳᖅ,
ᑭᓇᓘᓐᓃᑦ ᕿᒫᔪᓐᓇᕐᖕᓂᐊᓐᖏᓚᖅ.
4 #
ᑕᑯᑎ 9:7-9. ᕿᒻᒥᕐᔪᐊᑎᑐᑦ ᑕᑯᒃᓴᐅᕗᑦ, ᕿᒻᒥᕐᔪᐊᑎᑐᑦ ᐅᓇᑕᖅᑐᖅᓯᐅᑎᑐᑦ ᓱᑲᑦᑑᑎᒋᕗᑦ.
5ᐅᓇᑕᐅᑎᑐᑦ ᐊᒃᓴᓗᐊᓕᒃᑎᑐᑦ ᑍᒫᒃ ᓂᐱᖅᑯᖅᑐᑎᒋᕗᑦ,
ᒥᓯᒃᑕᖅᐳᑦ ᖃᖅᑲᐅᑉ ᖄᖏᑎᒍᑦ; ᐃᕕᒃᑎᑐᑦ ᐃᑯᒪᔪᑐᑦ ᓂᓪᓕᐊᕗᑦ,
ᓯᐊᒻᒪᒃᐳᑦ ᐅᓇᑕᖅᑐᒃᓴᕐᔪᐊᑎᑐᑦ ᐅᓇᑕᕆᐊᖅᑐᖅᑐᑎᑐᑦ.
6ᐃᓄᐃᑦ ᓯᕗᓂᐊᓃᑦᑐᑦ ᓴᔪᒃᐳᑦ ᑲᑉᐱᐊᓱᖕᓂᕐᖕᒧᑦ,
ᑮᓇᖏᓪᓗ ᐊᐅᖏᕈᑎᕗᑦ.
7ᐅᓪᓚᒃᐳᑦ ᐊᔪᖏᑦᑐᕐᔪᐊᑎᑐᑦ ᐅᓇᑕᖅᑎᑎᑐᑦ,
ᐊᑭᓐᓇᒃᑯᑦ ᒪᔪᕋᖅᐳᑦ ᐊᖑᑎᑎᑐᑦ ᐅᓇᑕᕆᐊᖅᑐᖅᑐᑎᑐᑦ;
ᐱᓱᒃᐳᑦ ᑐᑭᓕᐊᖅᓗᑎᒃ ᓴᖑᐃᕋᑎᒡᓗ.
8ᐃᒻᒥᖕᓄᑦ ᐱᖑᔭᐅᑎᓐᖏᓚᑦ, ᐱᓱᒃᐳᑦ ᐃᒻᒥᖕᓂᒃ ᐊᑐᕆᐊᓕᑎᒃ ᐊᑐᖅᓗᒍ,
ᐅᓇᑕᐅᑎᓄᑦ ᐱᒋᐊᖅᑕᐅᒐᓗᐊᕈᑎᒃ ᓄᖅᑲᖅᑎᑕᐅᓂᐊᓐᖏᓚᑦ.
9ᑐᐊᕕᖅᓗᑎᒃ ᐃᒡᓗᒐᓴᖕᓄᐊᖅᐳᑦ, ᐊᕙᓗᕐᔪᐊᒃᑯᑦ ᐅᓪᓚᒃᐳᑦ;
ᒪᔪᕋᖅᐳᓪᓗ ᐃᒡᓗᓄᑦ, ᐃᒐᓛᑎᒍᑦ ᐃᑎᖅᐳᑦ ᑎᒡᓕᒃᑎᑐᑦ.
10 #
ᑕᑯᑎ 8:12. ᓄᓇᕐᔪᐊᕐᓗ ᓴᔪᒃᑎᑉᐹᑦ, ᕿᓔᓪᓗ ᓴᔪᒃᐳᑦ;
ᓯᕿᓂᕐᓗ ᑕᖅᑭᕐᓗ ᑖᖅᓯᕘᒃ, ᐅᓪᓗᕆᐊᓪᓗ ᖃᐅᒪᔫᓐᓃᖅᐳᑦ.
11 #
ᑕᑯᑎ 6:17. ᐊᑕᓂᐅᑉ ᓂᐱᒥᓄᑦ ᐅᓇᑕᖅᑐᒃᓴᖁᑎᓂ ᐊᐅᓚᑉᐰᑦ,
ᐅᓇᑕᖅᑐᒃᓴᖁᑎᖏᑦ ᐅᓄᖅᑐᕐᔪᐊᖑᕗᑦ;
ᓂᐱᖓᓂᒃ ᓈᓚᒃᑐᖅ ᓲᖑᔪᕐᔪᐊᖑᕗᖅ.
ᐊᑕᓂᐅᑉ ᐅᓪᓗᖓ ᑲᑉᐱᐊᓇᖅᐳᖅ;
ᑭᓇᓖ ᑕᒪᑐᒥᖓ ᐊᓂᒍᐃᔪᓐᓇᖅᐹ?
ᖃᕿᐊᓕᖁᔨᓂᖅ
12ᐊᑕᓂᖅ ᐅᖃᖅᐳᖅ, “ᒫᓐᓇ ᑍᒤᒻᒪᑦ, ᐃᓗᖏᖅᑐᖅᓗᓯ ᐅᕙᓐᓄᑦ ᐅᑎᓕᕆᑦᓯ,
ᓂᕆᑦᑍᓕᓗᓯ, ᕿᐊᓗᓯ, ᕿᒃᓵᒡᓗᓯᓗ.”
13ᐆᒻᒪᑎᓯ ᐊᓕᒃᓯᒋᑦ, ᐊᓐᓄᕌᓯ ᐱᓇᒋᑦ;
ᐊᑕᓂᕐᖕᒧᑦ ᒎᑎᑦᓯᓐᓄᑦ ᐅᑎᓕᕆᑦᓯ,
ᑖᓐᓇ ᐱᑦᓯᐊᕐᖕᓂᖃᕐᖕᒪᑦ ᓂᑲᒍᓱᒡᓗᓂᓗ,
ᓂᓐᖓᒃᓴᕅᖏᑦᑐᖅ ᓇᓪᓕᒍᓱᒃᑐᕐᔪᐊᖑᓂᕐᖕᒥᓄᓪᓗ ᓱᒋᐊᖅᓯᔪᒪᓐᖏᓚᖅ.
14ᐃᒻᒪᖄᓕ ᐃᓱᒪᓂ ᐊᓯᑦᔨᕐᖕᓂᐊᖅᐹ ᓮᒻᒪᖅᑎᓪᓗᓯᓗ,
ᓂᐊᖂᔭᒃᓴᒥᒃ ᕔᓂᒥᒡᓗ ᑐᓂᕐᕈᓯᕈᑎᒃᓴᖃᓕᖅᓗᓯ ᐊᑕᓂᕐᖕᒧᑦ ᒎᑎᑦᓯᓐᓄᑦ.
15ᑎᑦᑐᓚᐅᑎᓯ ᓂᓪᓕᖅᑎᓯᒋᑦ ᓮᐅᓂᒥ,
ᓂᕆᑦᑍᓕᖁᔨᒋᑦᓯ, ᐃᓄᐃᓪᓗ ᑲᑎᖁᓗᒋᑦ.
16ᐃᓄᐃᑦ ᑲᑎᖁᓯᒋᑦ, ᐃᑦᔪᕐᖕᓁᓕᑎᓪᓗᒋᓪᓗ;
ᐃᓄᑐᖃᐅᔪᑦ, ᓱᕈᓰᓪᓗ ᐊᒫᒪᒃᑎᑕᐅᔪᓪᓗ;
ᓄᓕᐊᓂᕋᑖᖅᑐᑦ ᐅᐃᓂᕋᑖᖅᑐᓪᓗ ᐊᖏᕐᕋᒥᖕᓂᒃ ᕿᒤᓕᖅᓕᑦ ᑲᑎᖃᑕᐅᖕᒥᓗᑎᒃ.
17ᑐᓂᕐᕈᓯᖅᑎᑦᓯᔩᑦ ᐱᔨᑦᓯᖅᐸᒃᑐᑦ ᑭᒡᒐᖅᑐᖅᓗᑎᒃ ᐊᑕᓂᕐᖕᒥᒃ,
ᕿᐊᓕᖅᓕᑦ ᑐᒃᓯᐊᕐᕕᒡᔪᐊᑉ ᑐᖅᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ;
ᐅᖃᖅᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ;
ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᖅᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ
ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”
ᒎᑎᐅᑉ ᐅᑎᖅᑎᑦᓯᓂᖓ ᓄᓇᒥᒃ ᐱᕈᖅᑐᖃᑦᓯᐊᓕᖅᑎᓪᓗᒍ
18ᑕᕝᕙ ᐊᑕᓂᐅᑉ ᓯᕐᖕᓈᕐᖕᓂᐊᖅᐹ ᓄᓇᖁᑎᓂ,
ᐃᓄᖁᑎᓂᓗ ᐃᓚᑦᓱᒋᓕᕐᖕᓂᐊᖅᐰᑦ.
19ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᖅᐰᑦ ᐅᖃᐅᑎᓗᒋᓪᓗ,
“ᑕᑯᒋᑦ, ᑐᓂᓯᕕᒋᓂᐊᖅᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ
ᐸᐅᕐᖎᓪᓗ ᐅᖅᓱᖏᓐᓂᒃ, ᓈᒻᒪᒃᓯᓂᐊᖅᐳᓯ
ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᖅᐳᓯ.
20ᐅᓇᑕᖅᑐᒃᓮᑦ ᐅᓐᓄᐊᑉ ᓇᓛᓂᑦ ᐱᔪᑦ ᐅᖓᓯᒋᔭᑦᓯᓐᓄᑦ ᐊᐅᓪᓚᖅᑎᑦᓱᒫᖅᐸᒃᑲ,
ᓯᖏᓪᓗᒋᑦ ᐃᓄᖃᔪᐃᑦᑐᒧᑦ ᓯᐅᕅᓐᓇᕐᖕᒧᑦ,
ᓯᕗᓪᓖᑦ ᐃᒪᕐᔪᐊᕐᖕᒧᑦ ᓯᕿᓂᐅᑉ ᓄᐃᕕᐊᓄᑦ ᐂᑎᓐᓂᐊᖅᐸᒃᑲ,
ᑭᖑᓪᓖᑦ ᐃᒪᕐᔪᐊᕐᖕᒧᑦ ᓯᕿᓂᐅᑉ ᓂᐱᕕᐊᓄᑦ ᐂᑎᓪᓗᒋᑦ.
ᑕᕝᕙᓂᓗ ᐃᒍᓇᕈᒫᖅᐳᑦ ᑎᐹᕿᓗᑎᒃ
ᐱᐅᖏᑦᑐᐊᓗᖕᒥᒃ ᐃᓕᑦᓯᓐᓄᑦ ᐱᓂᐊᓚᐅᕐᖕᓂᖏᑦ ᐱᓪᓗᒋᑦ.
21ᓄᓈ ᑲᑉᐱᐊᓱᖕᓂᐊᕐᖕᓇᒃ ᖁᕕᐊᓱᓕᕆᑦ ᓯᕆᓗᑎᓪᓗ,
ᐊᑕᓂᖅ ᐱᓂᐊᕐᖕᓂᖃᕐᖕᒪᑦ ᑲᒪᓇᖅᑐᓂᒃ!
22ᓯᕘᕋᓂᐊᕋᓯ ᐆᒪᔪᐃᑦ ᓄᔪᐊᖅᑐᑦ
ᐱᕈᖅᑐᐃᑦ ᓇᑎᕐᖕᓇᒦᑦᑐᑦ ᑐᖑᔪᖅᓯᓕᕐᖕᒪᑕ;
ᓇᐹᖅᑐᓪᓗ ᐸᐅᕐᖓᖅᑖᓕᕐᖕᒪᑕ,
ᓇᐹᖅᑐᐃᑦ ᐱᒋᓕᒃᓮᑦ ᕔᓂᒃᓮᓪᓗ ᐸᐅᕐᖓᖏᑦ ᐱᕈᑦᓯᐊᓕᕐᖕᒪᑕ.
23ᖁᕕᐊᓱᒋᑦᓯ, ᓮᐅᓂᐅᑉ ᕿᑐᕐᖓᖏᑦ,
ᖁᕕᐊᓱᒋᑦᓯ ᐊᑕᓂᖅ ᒎᑎᓯ ᐃᓕᑦᓯᓐᓄᑦ ᐱᓂᐊᖅᓯᒪᓂᖓ ᐱᑦᔪᑎᒋᓗᒍ,
ᓯᓚᓗᒡᕕᐅᑎᒻᒪᓯ ᓯᕗᓪᓕᖅᓯᐅᒻᒥᒃ ᓱᖁᓯᔪᐃᑦᑑᓂᕐᖕᒥᓄᑦ,
ᓯᓚᓗᒡᕕᐅᑎᓕᕐᖕᒪᓯ ᓯᕗᓪᓕᖅᓯᐅᒻᒥᒃ ᑭᖑᓪᓕᖅᓯᐅᒻᒥᒡᓗ
ᓲᕐᓗ ᑍᑦᓱᒪᓂᑐᑦ.
24ᓂᐊᑰᔭᒃᓮᑦ ᐃᕖᔭᖅᑕᐅᕕᖏᑦ ᑕᑕᓐᓂᐊᖅᐳᑦ ᓂᐊᖂᔭᒃᓴᓂᒃ,
ᐴᒃᓮᑦ ᕔᓂᒧᑦ ᐸᐅᕐᖎᓪᓗ ᐅᖅᓱᖏᓐᓄᑦ ᑕᑕᑦᓱᒫᖅᐳᖅ ᖄᒥᓪᓗᑎᒃ.
25ᐅᑎᖅᑎᑦᓯᕕᒋᓂᐊᖅᐸᑦᓯ ᐊᕐᕌᒍᓂᒃ ᐊᓯᐅᔨᓚᐅᖅᑕᑦᓯᓐᓂᒃ
ᐱᒡᓕᖅᑕᐅᔮᖅᑐᑦ ᐅᓄᖅᑐᕐᔪᐊᑦ ᓂᕆᓚᐅᖅᑕᖏᓐᓂᒃ,
ᐱᒡᓕᖅᑕᐅᔮᖅᑐᑦ ᐹᕐᖑᖅᑐᑦ, ᓄᖒᑦᓯᔪᓪᓗ, ᑕᒧᐊᔪᓪᓗ
ᑎᓕᓚᐅᕋᒃᑭᑦ ᐅᓇᑕᖅᑐᒃᓴᕐᔪᐊᑎᑐᑦ ᐊᑯᓐᓇᑦᓯᓐᓄᑦ.
26ᐊᒥᒐᖏᑦᑐᒥᒃ ᓂᕆᔪᒫᖅᐳᓯ ᐊᕿᐊᑦᑐᖅᓗᓯᓗ,
ᓂᖅᑐᕈᒫᖅᐸᓯ ᐊᑕᓂᐅᑉ ᒎᑎᐅᑉ ᐊᑎᖓ.
ᑲᒪᓇᖅᑐᓂᒃ ᐱᓂᐊᖅᓯᒪᓂᖓ ᐃᓕᑦᓯᓐᓄᑦ ᐱᓪᓗᒍ,
ᐃᓄᖁᑎᒃᑲ ᑲᓐᖑᓱᒃᑎᑕᐅᓚᐅᖅᓯᒪᓂᐊᕈᓐᓁᖅᐳᑦ.
27ᖃᐅᔨᔪᒫᖅᐳᓯᓗ ᐃᓴᕆᐊᓕᒥᐅᑦ ᐊᑯᓐᓂᖓᓃᓐᓇᒪ:
ᐅᕙᖓ ᐊᑕᓂᐅᕗᖓ ᒎᑎᓯ ᐊᓯᓐᓂᒃ ᐱᑕᖃᓐᖏᓚᖅ.
ᐃᓄᖁᑎᒃᑲ ᖃᖓᓕᒫᖅ ᑲᓐᖑᓱᒃᑎᑕᐅᓚᐅᖅᓯᒪᓂᐊᕈᓐᓁᖅᐳᑦ.”
ᐊᑕᓂᐅᑉ ᐅᓪᓗᖓ
28“ᓇᓪᓕᐅᑎᔪᒫᖅᐳᖅ ᒪᑐᒪ ᑭᖑᕐᖓᒍᑦ ᐊᓂᕐᖕᓂᕋ ᑯᕕᔪᒫᕋᒃᑯ ᐃᓄᓕᒫᓄᑦ;
ᐃᕐᖕᓂᓯ ᐸᓂᓯᓗ ᐅᖃᐅᓯᖃᖃᑦᑕᕈᒫᖅᐳᑦ ᐅᖃᐅᓯᐅᖁᔭᓐᓂᒃ,
ᐃᓄᑐᖃᓯ ᓯᓐᓇᒃᑑᒪᖃᑦᑕᕈᒫᖅᐳᑦ,
ᐃᓅᓱᒃᑐᓯᓗ ᑕᑯᑎᑦᔪᑎᓂᒃ ᑕᑯᖃᑦᑕᕈᒫᖅᐳᑦ.
29ᑭᒡᒐᓐᓄᓪᓗ ᐊᖑᑎᓄᑦ ᐊᕐᖕᓇᓄᓪᓗ ᐊᓂᕐᖕᓂᕋ ᑯᕕᔪᒫᖅᐸᕋ,
ᐅᓪᓗᓂ ᑍᒃᑯᓇᓂ.
30ᑲᒪᓇᖅᑐᓂᒃ ᓇᓗᓇᖅᑐᓂᒡᓗ ᑕᑯᒃᓴᐅᑎᑦᓯᔪᒫᖅᐳᖓ ᕿᓚᖕᒥ ᓄᓇᒥᓗ,
ᐊᐅᖕᒥᒃ ᐃᑯᒪᒥᒃ ᐃᓯᖅᓗᒡᔪᐊᒥᒡᓗ.
31 #
ᒫᑎᐅᓯ 24:29; ᒫᑯᓯ 13:24,25; ᓘᑲᓯ 21:25; ᑕᑯᑎ 6:12,13. ᓯᕿᓂᕐᓗ ᑖᖅᓯᔪᒫᖅᐳᖅ,
ᑕᖅᑭᕐᓗ ᐊᐅᒃᑎᑐᑦ ᐊᐅᐸᖅᓯᓗᓂ,
ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᖅᑐᕐᔪᐊᖅ ᓇᓪᓕᐅᑎᖅᑳᖅᑎᓐᓇᒍ.
32 #
ᐋᐴᓯᑕᓖᑦ 2:17-21. #
ᕉᒪᒥᐅᓄᑦ 10:13. ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᖅᑐᖅ ᐱᐅᓕᔭᐅᓛᖅᐳᖅ.
ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᖅᐳᖅ.
ᐊᑕᓂᖅ ᐅᖃᓚᐅᕐᖕᒪᑦ, ᑍᒤᑦᓱᒫᖅᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ
ᐊᑕᓂᐅᑉ ᕾᖁᔭᖏᓐᓂ.”
Currently Selected:
ᔪᐃᓕᐅᑉ ᐊᒡᓚᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
