ᐃᓗᐊᖅᓮᔩᑦ ᐊᒡᓚᖏᑦ 7
7
ᒋᑎᐅᓂᐅᑉ ᓵᓚᖃᕐᖕᓂᖓ ᒥᑎᐊᓂᒥᐅᓂᒃ
1ᐅᓪᓗᐃᑦ ᐃᓚᖓᓐᓂ ᔨᕈᐸᐅᓪ (ᑖᓐᓇ ᒋᑎᐅᓂ) ᐃᓄᐃᓪᓗ ᓇᔪᖅᑎᓕᒫᖏᑦ ᒪᑭᑉᐳᑦ ᐅᓪᓛᒻᒪᕆᒃᑯᑦ ᑕᖕᒫᖅᓗᑎᒡᓗ ᕼᐊᕉᑎᐅᑉ ᑰᖓᓂ; ᒥᑎᐊᓂᒥᐅᓪᓕ ᑕᖕᒫᖅᓯᒪᓚᐅᖅᐳᑦ ᓇᖅᓴᒥ ᒨᕆᐅᑉ ᐅᖓᑖᓂ.
2ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐃᓄᐃᑦ ᓇᔪᖅᑎᒋᔭᑎᑦ ᐅᓄᓗᐊᕐᖕᒪᑕ ᓵᓚᖃᖅᑎᓐᓂᐊᕈᒃᑭᑦ ᒥᑎᐊᓂᒥᐅᓂᒃ. ᐃᓴᕆᐊᓕᒥᐅᑦ ᐅᕙᓐᓄᑦ ᐃᓱᒪᑐᐃᓐᓇᕆᐊᖃᕐᖕᒪᑕ ᐱᑦᔪᑎᔭᐅᔪᕆᖏᓪᓗᑎᒃ, ᐅᖃᖅᓗᑎᒃ, ‘ᐅᕙᑦᑎᓐᓂᒃ ᓵᓚᖃᓚᐅᖅᐳᒍᑦ.’ 3#ᒨᓯᓯ ᑕᓪᓕᒪᖏᑦ 20:8.ᐃᓄᐃᑦ ᑐᓵᑎᓪᓗᒋᑦ ᐅᖃᐅᑎᒃᑭᑦ, ‘ᓇᓪᓕᐊᑦ ᑲᑉᐱᐊᓱᒃᑯᓂ ᓴᔪᒡᓗᓂᓗ ᑖᓐᓇ ᐊᖏᕐᕋᓕᕐᓕ,’” ᒋᑎᐅᓂᐅᑉ ᐆᒃᑐᕋᓚᐅᖅᐰᑦ; ᑍᒤᒻᒪᑦ 22,000ᐃᓪᓗ ᐅᑎᓚᐅᖅᐳᑦ, 10,000ᐃᑦ ᕿᒪᒃᑕᐅᓪᓗᑎᒃ ᒋᓕᐊᑎᒥ.
4ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᐃᓄᐃᑦ ᓲᓕ ᐅᓄᓗᐊᕐᖕᒪᑕ ᐃᒪᐅᑉ ᓯᓈᓅᖅᑎᒃᑭᑦ ᑕᐅᕙᓂ ᐆᒃᑐᕋᕐᖕᓂᐊᕋᒃᑭᑦ; ᓇᓪᓕᐊᑦ ᐃᓕᖕᓄᑦ ᐅᖃᐅᓯᕆᓕᕈᒃᑯ ᐊᖑᑦ ᐅᓇ ᐃᓕᑦᓯᓐᓄᑦ ᐃᓚᐅᓂᐊᖅᑐᖅ, ᑖᓐᓇ ᐃᓚᐅᔭᕆᐊᖃᕐᖕᓂᐊᖅᐳᖅ; ᓇᓪᓕᐊᓪᓗ ᐅᖃᐅᓯᕆᓕᕈᒃᑯ ᐊᖑᑦ ᐅᓇ ᐃᓕᑦᓯᓐᓄᑦ ᐃᓚᐅᓂᐊᖏᑦᑐᖅ, ᑖᓐᓇ ᐃᓚᐅᔭᕆᐊᖃᕐᖕᓂᐊᓐᖏᓚᖅ.” 5ᒋᑎᐅᓂᐅᑉ ᐃᓄᐃᑦ ᐃᒪᐅᑉ ᓯᓈᓅᕈᑎᕔᑦ ᑕᐅᓄᖓ; ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᓇᓪᓕᐊᑦ ᖃᓂᕐᖕᒥᓄᑦ ᐃᒥᖅᑐᖅ ᕿᒻᒥᑎᑐᑦ, ᑖᓐᓇ ᓇᓗᓁᕈᒃ; ᑍᒫᒃᑕᐅᖅ ᓰᖅᑯᖅᓗᑎᒃ ᐃᒥᖅᑐᑦ ᓇᓗᓁᖅᓗᖏᑦ.” 6ᐊᖑᑎᑦ ᑖᒃᑯᐊ ᐃᒥᖅᑐᑦ ᐊᒡᒐᖕᒥᖕᓄᑦ ᖃᓗᓯᕙᒃᓗᑎᒃ 300ᐅᓚᐅᖅᐳᑦ ᐅᓄᕐᖕᓂᖏᑦ; ᐊᓯᖏᓪᓕ ᐃᓄᐃᑦ ᓰᖅᑯᖅᓗᑎᒃ ᐃᒥᓚᐅᖅᐳᑦ. 7ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐊᖑᑎᓄᑦ 300ᓄᑦ ᖃᓗᓯᓪᓗᑎᒃ ᐃᒥᖅᑐᓄᑦ ᒥᑎᐊᓂᒥᐅᓂᒃ ᓵᓚᖃᖅᑎᓐᓂᐊᖅᐸᒋᑦ; ᐊᓯᖏᓪᓕ ᐊᖏᕐᕋᖅᑎᓕᒃᑭᑦ.” 8ᐃᓄᐃᓪᓗ ᒪᕐᕋᐅᔭᖁᑎᖏᓐᓂᒃ ᑎᑦᑐᓚᐅᑎᖏᓐᓂᒡᓗ ᑕᖁᐊᖏᓐᓂᒡᓗ ᐱᓪᓗᓂ; ᐃᓴᕆᐊᓕᒥᐅᑉ ᐊᒥᐊᒃᑯᖏᑦ ᐊᖏᕋᖅᑎᑉᐰᑦ, 300ᓂᒡᓕ ᐊᖑᑎᓂᒃ ᐱᓯᒪᓕᖅᓗᓂ; ᒥᑎᐊᓂᒥᐅᓪᓕ ᑕᖕᒫᖅᓯᒪᓚᐅᖅᐳᑦ ᓇᖅᓴᒥ ᐊᒃᐸᓯᒃᑐᒥ.
9ᑍᑦᓱᒪᓂ ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᒪᑭᓕᕆᑦ ᐅᓇᑕᕆᐊᖅᓗᑎᓪᓗ ᑕᖕᒫᖅᓯᒪᕕᖏᓐᓄᑦ; ᓵᓚᖃᖅᑎᑦᑕᕇᕋᒃᑭᑦ. 10ᑕᐅᓄᓐᖓᕆᐊᒃᓴᕐᓕ ᑲᑉᐱᐊᓱᒃᑯᕕᑦ, ᑕᖕᒫᖅᓯᒪᕕᖏᓐᓄᐊᓕᕆᑦ ᐱᔩᑦ ᐳᕋ ᐱᖃᑎᒋᓗᒍ. 11ᑐᓴᕐᖕᓂᐊᕋᕕᑦ ᖃᓄᖅ ᐅᖃᐅᓯᖃᓕᕐᖕᒪᖔᑕ, ᓯᕘᕋᔪᓐᓃᕐᖕᓂᐊᖅᐳᑎ ᐅᓇᑕᕆᐊᓕᖅᓗᑎᓪᓗ ᑕᖕᒫᖅᓯᒪᕕᖏᓐᓄᑦ.” ᐊᓱᐃᓛᒃ ᒋᑎᐅᓂ ᐱᔨᓂ ᐳᕋ ᐱᖃᑎᒋᓪᓗᒍ ᑕᐅᓄᓐᖓᖅᐴᒃ ᐅᓇᑕᖅᑐᒃᓮᑦ ᐅᓇᑕᐅᑎᓖᑦ ᑕᖕᒫᖅᓯᒪᔪᑦ ᓯᓚᑖᓐᓄᑦ. 12ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᖕᓇᒥ ᓯᐊᒻᒪᒃᓯᒪᓚᐅᖅᐳᑦ ᓇᖅᓴᒥ ᐱᒡᓕᖅᑕᐅᔮᖅᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᖅᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᖅᑎᑐᑦ ᐅᓄᖅᑐᕐᔪᐊᑎᑐᑦ.
13ᒋᑎᐅᓂᒃᑯᓪᓗ ᑎᑭᐅᑎᒐᒥᒃ, ᑐᓵᓚᐅᖅᐳᖅ ᐊᖑᒻᒥᒃ ᓯᓐᓇᒃᑐᒥᓂᒃ ᐅᓂᒃᑳᖅᑐᒥᒃ ᐱᖃᑎᒥᓄᑦ, ᐅᖃᓚᐅᖅᐳᖅ, “ᑕᑯᒋᑦ ᓯᓐᓇᒃᑐᓚᐅᖅᑐᖓ ᓂᐊᖂᔭᒥ ᐹᓕᒥᒃ ᐊᒃᓴᑳᔪᒥᒃ ᒥᑎᐊᓂᒥᐅᑦ ᑕᖕᒫᖅᓯᒪᕕᖓᓄᑦ ᑐᐱᕐᖕᒧᑦ ᐊᐳᖅᑐᒥᒃ. ᑐᐱᕐᓗ ᐅᕐᕈᕗᖅ, ᐅᓕᓐᓇᒥ ᒪᓂᖅᑲᒥ ᐃᓯᕕᖓᓕᖅᐳᖅ.”
14ᐱᖃᑎᖓᑕ ᑭᐅᕚ, “ᐃᓐᓇ ᒋᑎᐅᓂᐅᑉ ᓴᕕᒡᔪᐊᖓ, ᔪᐊᓯᐅᑉ ᐃᕐᖕᓂᖓᑕ, ᐃᓴᕆᐊᓕᒥᐅᑕᐅᑉ ᒎᑎᐅᑉ ᓵᓚᖃᖅᑎᒻᒪᒍ ᒥᑎᐊᓂᒥᐅᓂᒃ ᐅᓇᑕᖅᑐᒃᓴᖁᑎᓕᒫᖏᓐᓂᒡᓗ!”
15ᒋᑎᐅᓂᓕ ᑐᓴᕋᒥ ᓯᓇᒃᑑᑉ ᐅᓂᒃᑳᕆᔭᐅᓂᖓᓂᒃ ᖃᓄᕐᓗ ᑐᑭᖃᕐᖕᒪᖔᑦ, ᐹᒻᒪᒃᑎᖅᐳᖅ ᑐᒃᓯᐊᖅᓗᓂᓗ ᐊᑕᓂᕐᖕᒧᑦ; ᐅᑎᕋᒥᒡᓗ ᐃᓴᕆᐊᓕᒥᐅᑦ ᑕᖕᒫᖅᓯᒪᕕᒋᔭᖓᓄ ᐅᖃᐅᑎᕔᑦ, “ᒪᑭᓕᕆᑦᓯ, ᐊᑕᓂᐅᑉ ᓵᓚᖃᖅᑎᒻᒪᓯ ᒥᑎᐊᓂᒥᐅᑦ ᐅᓇᑕᖅᑐᒃᓴᕐᔪᐊᖁᑎᖏᓐᓂᒃ!” 16ᐊᕕᒃᑐᖅᐰᓪᓗ 300ᐃᑦ ᐃᓄᖁᑎᓂ ᐱᖓᓱᐃᓕᓪᓗᒋᑦ ᐊᑐᓂᓪᓗ ᐂᑦᑐᖅᐰᑦ, ᑎᑦᑐᓚᐅᑎᓂᒃ ᒪᕐᕋᕐᖕᓂᒡᓗ ᐃᒪᖃᐅᑎᓂᒃ ᓇᓂᕈᐊᓂᒃ ᐃᓗᓕᓕᖕᓂᒃ. 17ᐅᖃᐅᑎᓪᓗᒋᓪᓗ, “ᑕᑯᓐᓈᖅᓗᖓ ᖃᓄᐃᓕᐅᕐᖕᒪᖔᕐᖕᒪ ᒪᓕᖕᓂᐊᖅᐸᑦᓯᓐᖓ, ᑕᖕᒫᖅᓯᒪᕕᖏᑕ ᓯᓚᑖᓄᐊᕈᒪ, ᖃᓄᐃᓕᐅᕐᖕᒪᖔᕐᖕᒪ ᖃᐅᔨᓴᑦᓯᐊᕐᖕᓂᐊᖅᐳᓯ. 18ᑎᑦᑐᓚᐅᑎᒥᒃ ᓂᓪᓕᖅᑎᑦᓯᒍᒪ, ᐃᓚᒋᔭᓕᒫᒃᑲᓗ, ᐃᓕᑦᓯᑦᑕᐅᖅ ᑎᑦᑐᓚᐅᑎᑦᓯᓐᓂᒃ ᓂᓪᓕᖅᑎᑦᓯᓂᐊᕆᕗᓯ ᑕᖕᒫᖅᓯᒪᕕᖏᑕ ᐊᕙᑎᓕᒫᖓᓂ, ᕾᒐᓛᖅᓗᓯᓗ, ‘ᐊᑕᓂᐅᑉ ᐅᓇᑕᕐᖕᓂᖓ ᒋᑎᐅᓂᐅᓪᓗ!’”
19ᑕᕝᕙ ᒋᑎᐅᓂ ᐃᓄᖁᑎᖏᓪᓗ 100ᐃᑦ ᑕᖕᒫᖅᓯᒪᕕᖏᑦᑕ ᑭᒡᓕᖓᓄᐊᖅᐳᖅ ᕿᑎᕋᓕᓚᐅᖅᑎᓐᓇᒍ ᐅᓐᓄᒃᑯᑦ, ᖃᐅᔨᓴᖅᑏᑦ ᐊᓯᑦᔨᖅᑕᐅᕋᑖᖅᑎᓪᓗᒋᑦ; ᐊᑕᐅᑦᓯᒃᑯᑦ ᑎᑦᑐᓚᐅᑎᒥᖕᓂᒃ ᓂᓪᓕᖅᑎᑦᓯᕗᑦ, ᒪᕐᕅᓪᓗ ᐃᒪᖃᐅᑏᑦ ᑎᒍᒥᐊᖅᑕᑎᒃ ᓯᖁᒥᓪᓗᒋᑦ, 20ᐅᓇᑕᖅᑐᒃᓮᑦ ᐱᖓᓱᐃᓕᖅᑲᖓᔪᑦ ᑎᑦᑐᓚᐅᑎᒥᖕᓂᒃ ᓂᓪᓕᖅᑎᑦᓯᒋᕗᑦ ᐃᒪᖃᐅᑎᓂᒡᓗ ᓯᖁᒥᑦᓯᓪᓗᑎᒃ, ᓴᐅᒥᖕᒥᖕᓂ ᓇᓂᕈᐊᕐᖕᒥᒃ ᑎᒍᒥᐊᖅᓗᑎᒃ, ᑕᓕᖅᐱᖕᒥᖕᓄᓪᓗ ᑎᑦᑐᓚᐅᑎᒥᒃ ᓂᓪᓕᖅᑎᑦᓯᓪᓗᑎᒃ, ᕾᒐᓛᖅᓗᑎᒡᓗ, “ᓴᕕᒡᔪᐊᖅ ᐊᑕᓂᐅᑉ ᐅᓇᑕᕐᖕᓂᖓ ᒋᑎᐅᓂᐅᓪᓗ!” 21ᑕᒪᕐᖕᒥᒃ ᐃᓂᒥᖕᓂ ᓇᖏᖅᐳᑦ ᑕᖕᒫᖅᓯᒪᕕᖓᑦ ᐊᕙᓗᓯᒪᓪᓗᒍ, ᐅᓇᑕᖅᑐᒃᓴᓕᒫᓪᓗ ᕿᒫᓕᖅᐳᑦ ᕾᒐᓛᖅᓗᑎᒃ. 22ᑎᑦᑐᓚᐅᑎᑦ 300ᐃᑦ ᓂᓪᓕᐊᑎᑕᐅᓕᕐᖕᒪᑕ, ᐊᑕᓂᐅᑉ ᐊᖑᑎᑦ ᐃᓚᒥᖕᓄᑦ ᓴᕕᒡᔪᐊᒥᖕᓄᑦ ᐅᓇᑕᖅᑎᓕᖅᐰᑦ ᐅᓇᑕᖅᑐᒃᓴᐅᖃᑎᓕᒫᒥᖕᓄᑦ. ᕿᒫᓪᓗᑎᒡᓗ ᐱᑦ-ᓰᑕ ᑎᑭᓪᓗᒍ ᔨᕆᕋᐅᑉ ᓇᓛᓄᑦ, ᓄᓇᓖᑦ ᐊᐱᐅᓪ-ᒥᕼᐅᓚ ᑭᒡᓕᖓᓄᑦ ᑕᐹᑎᐅᑉ ᖃᓂᒋᔮᓄᑦ.
23ᐊᖑᑎᓪᓕ ᐃᓴᕆᐊᓕᒥᐅᑦ ᕾᖁᔭᐅᓚᐅᖅᐳᑦ ᓈᑉᑕᓕᐅᑉ ᑭᖑᕚᖏᓐᓂᑦ, ᐋᓱᕆᐅᓪᓗ ᑭᖑᕚᖏᓐᓂᑦ ᒫᓇᓯᐅᓪᓗ ᑭᖑᕚᓕᒫᖏᑦ, ᑖᒃᑯᐊᓗ ᒪᓕᓚᐅᖅᐳᑦ ᒥᑎᐊᓂᒥᐅᓂᒃ. 24ᒋᑎᐅᓂ ᑎᓕᓯᓚᐅᖅᐳᖅ ᐅᖃᕆᐊᖅᑐᖅᑐᓂᒃ ᖃᖅᑲᓕᖕᓄᑦ ᐃᕗᕅᑎᒥ ᓄᓇᖃᖅᑐᓄᑦ ᐅᖃᐅᑎᓪᓗᒋᑦ, “ᐊᖅᑲᖅᑎᖅᓗᓯ ᕾᒋᑦᓯ ᐅᓇᑕᕆᐊᖅᓗᓯ ᒥᑎᐊᓂᒥᐅᓂᒃ. ᐃᑳᕐᕖᑦ ᓴᐳᒻᒥᓯᐅᒃ ᐱᑦ-ᐸᕋ ᑎᑭᓪᓗᒍ, ᔪᐊᕐᑕᓂᐅᑉ ᑰᖓ ᑎᑭᓪᓗᒍ.” ᐃᕗᕅᑎᒥᐅᑦ ᕾᖁᔭᐅᓚᐅᖅᐳᑦ ᓴᐳᒻᒥᒃᓯᓕᖅᓗᑎᒡᓗ ᐃᑳᕐᕕᖕᓂᒃ ᐱᑦ-ᐸᕋ ᑎᑭᓪᓗᒍ ᔪᐊᕐᑕᓂᐅᓪᓗ ᑰᖓᓂᒃ. 25ᑎᒍᓯᓪᓗᑎᒡᓗ ᒪᕐᕉᖕᓂᒃ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᖓᑕ ᐃᕐᖕᓂᖏᖕᓂᒃ, ᐅᕆᑉ ᔩᐱᓗ; ᐅᕆᑉᓗ ᑐᖁᓚᐅᖅᐹᑦ ᐅᕆᐅᑉ ᐃᓐᓈᕈᖁᑎᖓᓂ, ᔩᐱᓗ ᑐᖁᓚᐅᕆᕚᑦ ᔩᐱᐅᑉ ᕔᓂᓕᐅᕐᕕᖓᓂ. ᒪᓖᓐᓇᖅᓗᑎᒃ ᒥᑎᐊᓂᒥᐅᓂᒃ ᐅᕆᐅᑉᓗ ᔩᐱᐅᓪᓗ ᓂᐊᖁᖏᒃ ᒋᑎᐅᓂᒧᐊᖅᐰᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ.
Currently Selected:
ᐃᓗᐊᖅᓮᔩᑦ ᐊᒡᓚᖏᑦ 7: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
