ᐃᓗᐊᖅᓮᔩᑦ ᐊᒡᓚᖏᑦ 12
12
ᔨᑉᑕᓗ ᐃᕗᕅᒥᐅᓪᓗ ᑭᖑᕚᖏᑦ
1ᐃᕗᕅᒥᐅᑦ ᑭᖑᕚᖏᑕ ᐃᓄᖏᑦ ᐅᓇᑕᕆᐊᕐᖕᓂᕐᖕᒧᑦ ᐸᕐᖕᓇᓚᐅᖅᐳᑦ, ᔪᐊᕐᑕᓂᐅᓪᓗ ᑰᖓᓂᒃ ᐃᑳᖅᓗᑎᒃ ᔭᐴᓂᐊᒧᐊᖅᐳᑦ ᐅᖃᖅᓗᑎᒡᓗ ᔨᑉᑕᒧᑦ, “ᓱᖕᒪᑦ ᐃᑳᖅᓗᑎᑦ ᐅᓇᑕᕆᐊᓚᐅᖅᐲᑦ ᐊᒧᓁᑎᒥᐅᓂᒃ ᐅᕙᑦᑎᓐᓂᒃᓗ ᐃᓚᖃᕈᒪᓗᑎᑦ ᕾᖁᔨᓇᑎᑦ? ᐃᒡᓗᐃᑦ ᐃᓂᒋᔧᑦ ᐃᑯᐊᓪᓚᖕᓂᐊᖅᐸᕗᑦ ᐃᑯᒪᒧᑦ.”
2ᔨᑉᑕᐅᑉ ᐅᖃᐅᑎᕔᑦ, “ᐃᓄᖁᑎᒃᑲ ᐊᑭᕋᖅᑑᑎᒃᓴᖃᓚᐅᕐᖕᒪᑕ ᐊᒧᓁᑎᒥᐅᓂᒃ, ᕾᖁᔨᓚᐅᕋᓗᐊᖅᐳᖓ ᐃᓕᑦᓯᓐᓂᒃ ᓴᐳᑦᔨᓚᐅᓐᖏᓚᓯᓕ ᐅᕙᑦᑎᓐᓂᒃ ᑍᒃᑯᓇᓐᖓᑦ. 3ᖃᐅᔨᒐᒪᓕ ᓴᐳᑦᔨᓇᓱᐊᕐᖕᓂᐊᖏᓐᓂᑦᓯᓐᓂᒃ, ᐃᓅᓯᕋ ᐊᑦᑕᕐᖕᓇᖅᑐᒦᑎᓚᐅᖅᐸᕋ, ᐃᑳᖅᓗᖓᓗ ᔪᐊᕐᑕᓂᒥᒃ ᐅᓇᑕᕆᐊᓚᐅᖅᐳᖓ ᐊᒧᓁᑎᓂᒃ, ᐊᑕᓂᐅᓪᓗ ᓵᓚᖃᖅᑎᓚᐅᖅᐹᖓ ᑖᒃᑯᓂᖓ; ᓱᖕᒪᓪᓕ ᕾᕕᓯ ᐅᓇᑕᕆᐊᖅᑐᖅᓗᖓ ᒫᓐᓇ?” 4ᔨᑉᑕᐅᑉ ᒋᓕᐊᑎᒥᐅᑦ ᐊᖑᑎᓕᒫᑦ ᑲᑎᑎᑉᐰᑦ, ᐅᓇᑕᖅᐰᓪᓗ ᐃᕗᕅᒥᐅᑦ ᓵᓚᒋᓪᓗᒋᓪᓗ. ᐃᕗᕅᒥᐅᑦ ᐅᖃᓚᐅᕐᖕᒪᑕ, “ᒋᓕᐊᑦᒥᐅᖑᔪᓯ ᐃᕗᕅᒦᑦᑐᓯ ᒫᓇᓯᒃᑯᓪᓗ ᕿᒤᓯᒪᕗᓯ ᐃᕗᕅᒥᒃ!” 5ᕿᒫᖁᓇᒋᓪᓕ ᐃᕗᕅᒥᐅᑦ ᒋᓕᐊᑎᒥᐅᑦ ᑎᒍᓚᐅᖅᐰᑦ ᐃᑳᕐᕕᖕᓂ ᔪᐊᕐᑕᓂᐅᑦ ᑰᖓᓂ. ᐃᕗᕅᒥᐅᑦ ᑭᖑᕚᖏᑦ ᕿᒫᓇᓱᒃᑐᑦ ᐅᖃᖅᐸᓚᐅᖅᐳᑦ, “ᐃᑳᖅᑎᓐᖓ.” ᒋᓕᐊᑎᒥᐅᓪᓕ ᐊᖑᑎᑦ ᐊᐱᕆᖃᑦᑕᓚᐅᖅᐰᑦ, “ᐃᕗᕅᒥᐅᖑᕖᑦ?” ᐅᖃᖅᐸᑦ, “ᐃᕗᕅᒥᐅᖑᓐᖏᓚᖓ,” 6ᐅᖃᐅᑦᔭᐅᖃᑦᑕᓚᐅᖅᐳᑦ ᐅᖃᕆᑦ, “ᓯᐳᓕᑎ.” ᐅᖃᖃᑦᑕᓚᐅᖅᐳᓪᓕ, “ᓯᐳᓕᑦ” ᐱᐅᓯᕐᖕᒥᑐᑦ ᐅᖃᑦᓯᐊᕈᓐᓇᖏᓐᓇᒥᐅᒃ. ᑎᒍᔭᐅᕙᓚᐅᖅᐳᑦ ᑐᖁᑕᐅᓪᓗᑎᒡᓗ ᔪᐊᕐᑕᓂᐅᑉ ᑰᖓᑕ ᐃᑳᕐᕕᖏᓐᓂ. ᑍᑦᓱᒪᓂ 42,000ᐃᑦ ᐃᕗᕅᒥᐅᑦ ᑐᖁᑕᐅᓚᐅᖅᐳᑦ.
7ᔨᑉᑕ ᐃᓴᕆᐊᓕᒥᐅᓂᒃ ᑕᓯᐅᖅᓯᓚᐅᖅᐳᖅ ᐊᕐᕌᒍᓂᒃ ᐱᖓᓲᔪᖅᑐᓂᒃ. ᒋᓕᐊᑎᒥᐅᑕᕐᓗ ᔨᑉᑕ ᑐᖁᖕᒪᑦ ᐃᓗᕕᖅᑕᐅᕗᖅ ᓄᓇᒥᓂ ᒋᓕᐊᑎᒥ.
ᐃᑉᓴᓐ, ᐃᓚᓐ, ᐊᑉᑑᓂᓗ
8ᔨᑉᑕᐅᑉ ᑭᖑᓂᖓᓂ, ᐃᑉᓴᓐ ᐱᑦᓕᐊᒥᐅᑕᖅ ᐃᓴᕆᐊᓕᒥᐅᓂᒃ ᑕᓯᐅᖅᓯᓚᐅᖅᐳᖅ. 9ᐃᕐᖕᓂᖃᓚᐅᖅᐳᖅ 30ᓂᒃ, ᐸᓂᖃᖅᓗᓂᓗ 30ᓂᒃ. ᐸᓂᓕᒫᓂ ᐂᑦᑑᑎᒋᓚᐅᖅᐰᑦ ᓄᓕᐊᖅᑖᕆᔭᐅᓪᓗᑎᒃ ᐃᓚᖏᑕ ᐊᓯᖏᓐᓄᑦ, ᐊᕐᖕᓇᓂᒡᓗ 30ᓂᒃ ᐃᓚᖏᑕ ᐊᓯᖏᓐᓂᒃ ᑎᑭᑎᑦᓯᓚᐅᖅᐳᒃ ᓄᓕᐊᖅᑖᕆᔭᐅᖁᓪᓗᒋᑦ ᐃᕐᖕᓂᕐᖕᒥᓄᑦ ᐃᑉᓴᓇᐅᓪᓗ ᐃᓴᕆᐊᓕᒥᐅ ᑕᓯᐅᓚᐅᖅᐰᑦ ᐊᕐᕌᒍᓂᒃ 7ᓂᒃ. 10ᐃᑉᓴᓐᓗ ᑐᖁᖕᒪᑦ ᐃᓗᕕᖅᑕᐅᓚᐅᖅᐳᖅ ᐱᑦᓕᐊᒻᒥ.
11ᐃᑉᓴᓇᐅᑉ ᑭᖑᓂᖓᒍᑦ, ᐃᓘᓐ ᓯᐳᓗᓂᐅᑉ ᑭᖑᕚᖓᑕ ᐃᓴᕆᐊᓕᒥᐅᑦ ᑕᓯᐅᓚᐅᖅᐰᑦ ᐊᕐᕌᒍᓂᒃ ᖁᓕᓂᒃ. 12ᐃᓘᓐᓗ ᑐᖁᖕᒪᑦ ᐃᓗᕕᖅᑕᐅᓚᐅᖅᐳᖅ ᐂᔭᓚᓐᓂᒥ ᓯᐳᓗᓂᐅᑉ ᓄᓇᖓᓂ.
13ᐃᓚᓐᓗ ᑭᖑᓂᖓᓂ, ᐊᑉᑖᓐ ᕼᐃᓕᐅᓕᐅᑉ ᐃᕐᖕᓂᖓ ᐱᕋᑐᓁᑎᒥᐅᖅ ᐃᓴᕆᐊᓕᒥᐅᓂᒃ ᑕᓯᐅᖅᓯᓚᐅᖅᐳᖅ. 14ᐃᕐᖕᓂᖃᓚᐅᖅᐳᖅ 40ᓂᒃ ᐃᕐᖑᑕᖃᖅᓗᓂᓗ ᐊᖑᑎᓂᒃ 30ᓂᒃ, ᑖᒃᑯᐊᓗ ᕿᒧᒃᓯᐅᑎᖃᓚᐅᖅᐳᑦ ᓯᐅᑎᖅᑯᖅᑐᔪᓂᒃ 70ᓂᒃ. ᐊᑉᑐᓐ ᑕᓯᐅᖅᓯᓚᐅᖅᐳᖅ ᐃᓴᕆᐊᓕᒥᐅᓂᒃ ᐊᕐᕌᒍᓂᒃ 8ᓂᒃ, 15ᐊᑉᑖᓐᓗ ᕼᐃᓕᐅᓕᐅᑉ ᐃᕐᖕᓂᖓ ᑐᖁᖕᒪᑦ ᐃᓗᕕᖅᑕᐅᓚᐅᖅᐳᖅ ᐱᕋᑐᓁᒥ ᐃᕗᕅᒥᐅᑦ ᓄᓇᖓᓂ ᖃᖅᑲᓕᖕᒥ ᐊᒪᓕᑬᑎᑦ ᓄᓇᖓᓂ.
Currently Selected:
ᐃᓗᐊᖅᓮᔩᑦ ᐊᒡᓚᖏᑦ 12: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
