ᐃᓗᐊᖅᓮᔩᑦ ᐊᒡᓚᖏᑦ 10
10
ᑑᓚ
1ᐊᐱᒥᓕᑭᐅᑉ ᑐᖁᓂᖓᑕ ᑭᖑᓂᐊᒍᑦ ᑑᓚ, ᐳᕙᐅᑉ ᐃᕐᖕᓂᖓ ᑐᑑᑉ ᐃᕐᖑᑕᖓ, ᓴᐳᑦᔨᒋᐊᖅᑐᓚᐅᖅᐳᖅ ᐃᓴᕆᐊᓕᒥᐅᓂᒃ. ᑖᓐᓇ ᐃᓴᑳᕆᐅᑉ ᑭᖑᕚᖓ ᓄᓇᖃᖅᑐᖅ ᓴᒥᕆᐅᑉ ᖃᖅᑲᖓᓂ ᐃᕗᕅᒻ ᓄᓇᖓᓂ. 2ᑖᓐᓇ ᐃᓴᕆᐊᓕᒥᐅᓄᑦ ᑕᓯᐅᖅᑎᐅᓚᐅᖅᐳᖅ ᐊᕐᕌᒍᓂᒃ 23ᓂᒃ. ᑐᖁᖕᒪᓪᓗ ᐃᓗᕕᖅᑕᐅᕗᖅ ᓴᒥᕆᒥ. 3ᑑᓚᐅᑉ ᑭᖑᓂᖓᓂ ᓴᖅᑭᑉᐳᖅ ᔧᕆ ᒋᓕᐊᑎᒥᐅᑕᖅ, ᑕᓯᐅᖅᑎᐅᓚᐅᖅᐳᖅ ᐃᓴᕆᐊᓕᒥᐅᓄᑦ ᐊᕐᕌᒍᓂᒃ 22ᓂᒃ. 4ᐃᕐᖕᓂᖃᓚᐅᖅᐳᖅ 30ᓂᒃ ᓯᐅᑎᖅᑯᖅᑐᔪᖁᑎᖃᓚᐅᖅᑐᖅ ᐃᑭᒪᕝᕕᖕᒥᓂᒃ 30ᓂᒃ. 30ᓂᒡᓗ ᐃᒡᓗᒐᓴᖃᓚᐅᖅᐳᖅ ᒋᓕᐊᑎᑦ ᓄᓇᖓᓂ, ᓱᓕ ᑍᔭᐅᔪᑦ ᔧᕆᐅᑉ ᓄᓇᓕᖁᑎᖏᓐᓂᒃ. 5ᔧᕆ ᑐᖁᓚᐅᖅᐳᖅ ᐃᓗᕕᖅᑕᐅᓪᓗᓂᓗ ᑲᒪᓐ-ᒥ.
ᔨᑉᑕ
6ᐃᓴᕆᐊᓕᒥᐅᑦ ᓱᓕ ᐊᔪᖅᑐᓕᓚᐅᕆᕗᑦ ᐊᑕᓂᕐᖕᒧᑦ ᑐᓯᐊᕐᖕᓂᕐᖕᒥᖕᓄᑦ ᐰᓕᒧᑦ ᐋᔅᑕᕉᑎᒧᓪᓗ, ᒎᑎᖃᕐᖕᓂᕐᖕᒥᖕᓄᑦ, ᓯᕆᐊᒥᐅᓪᓗ ᒎᑎᓐᖑᐊᖏᓐᓂᒃ, ᓮᑐᓂᒥᐅᓪᓗ ᒎᑎᓐᖑᐊᖏᓐᓂᒃ, ᒧᐊᐱᒥᐅᓪᓗ ᒎᑎᓐᖑᐊᖏᓐᓂᒃ, ᐊᒧᓁᑎᒥᐅᓪᓗ ᒎᑎᓐᖑᐊᖏᓐᓂᒃ, ᐱᓕᔅᑍᓂᒥᐅᓪᓗ ᒎᑎᓐᖑᐊᖏᓐᓂᒃ. ᐊᑕᓂᕐᖕᒥᒃ ᕿᒤᓚᐅᖅᐳᑦ ᑐᒃᓯᐊᕐᕕᒋᔪᓐᓁᖅᓗᒍᓗ. 7ᐊᑕᓂᐅᓪᓕ ᓂᓐᖓᑎᐅᓚᐅᖅᐰᑦ ᐃᓴᕆᐊᓕᒥᐅᑦ, ᐱᓕᔅᑍᓂᒥᐅᓄᓪᓗ ᐊᒧᓁᑎᓄᓪᓗ ᓵᓚᐅᑎᓚᐅᖅᐰᑦ. 8ᐊᕐᕌᒍᓂᒃ 18ᓂᒃ ᐊᒃᓱᕈᖅᑎᑉᐰᑦ ᐊᑭᕋᖅᑐᖅᓗᒋᓪᓗ ᐃᓴᕆᐊᓕᒥᐅᑦ ᓄᓇᖃᖅᑐᓕᒫᑦ ᐊᒧᕅᑎᑦ ᓄᓇᖏᓐᓂ ᔪᐊᕐᑕᓂᐅᑉ ᑰᖓᓂᑦ ᓯᕿᓂᐅᑉ ᓂᐱᕕᐊᑕ ᓇᓛᓂ ᓄᓇᖃᖅᑐᑦ ᒋᓕᐊᑎᒥ. 9ᐊᒧᓁᑎᑦ ᐊᒡᓛᑦ ᐃᑳᓚᐅᖅᐳᑦ ᔪᐊᕐᑕᓂᐅᑉ ᑰᖓᓂᒃ ᐅᓇᑕᕆᐊᖅᓗᑎᒃ ᔫᑕᐅᑉ ᑭᖑᕚᖏᓐᓂᒃ, ᐱᓐᔭᒥᓂᐅᓪᓗ ᑭᖑᕚᖏᓐᓂᒃ, ᐃᕗᕅᑎᒥᐅᓪᓗ ᑭᖑᕚᖏᓐᓂᒃ. ᐃᓴᕆᐊᓕᒥᐅᑦ ᖁᕕᐊᓇᖏᑦᑐᒃᑰᖅᑎᑕᐅᓚᐅᖅᐳᑦ.
10ᐃᓴᕆᐊᓕᒥᐅᑦ ᐃᓗᖏᖅᓱᖅᓗᑎᒃ ᑐᒃᓯᐊᕐᖕᓂᖃᓕᓚᐅᖅᐳᑦ ᐊᑕᓂᕐᖕᒧᑦ ᐅᖃᖅᓗᑎᒃ, “ᐊᔪᖅᑐᓕᓚᐅᖅᐳᒍᑦ ᐃᓕᖕᓄᑦ, ᕿᒤᓚᐅᕋᑦᑕ ᐃᓕᖕᓂᒃ ᐊᑕᓃᖅ, ᑐᒃᓯᐊᖅᐸᓕᖅᓗᑕ ᐰᓕᒧᑦ.”
11ᐊᑕᓂᐅᑉ ᐃᓴᕆᐊᓕᒥᐅᑦ ᑭᐅᕔᑦ ᐃᒫᒃ: “ᓴᐳᑎᓚᐅᓐᖏᓚᑦᓰ ᐄᑦᔨᑉᑎᒥᐅᓂᑦ, ᐊᒧᕅᑎᒥᐅᓂᓪᓗ, ᐊᒧᓁᑎᒥᐅᓂᓪᓗ, ᐱᓕᔅᑍᓂᒥᐅᓂᓪᓗ? 12ᓮᑐᓂᒥᐅᑦ ᐊᒻᒪ, ᐊᒪᓕᑬᑎᒥᐅᑦ ᒪᐅᓁᑎᒥᐅᓪᓗ ᐊᒃᓱᕈᖅᑎᑦᓯᓕᕐᖕᒪᑕ ᐃᓕᑦᓯᓐᓂᒃ; ᐃᓗᖏᖅᓱᖅᓗᓯ ᓂᓪᓕᐊᓚᐅᖅᐳᓯ ᐅᕙᓐᓄᑦ. ᓴᐳᑎᓚᐅᖅᐸᑦᓯᓗ ᑍᒃᑯᓇᓐᖔᑦ? 13ᓱᓕᓕ ᕿᒤᓚᐅᕆᕗᓯ ᐅᕙᓐᓂᒃ ᒎᑎᓐᖑᐊᓄᓪᓗ ᐊᓯᓐᓄᑦ ᑐᒃᓯᐊᖅᐸᓕᖅᓗᓯ; ᑍᒤᒻᒪᑦ ᓴᐳᑎᒃᑲᓐᓂᕈᒪᔪᓐᓃᖅᐸᑦᓯ. 14ᒎᑎᓐᖑᐊᓄᑦ ᓂᕈᐊᓚᐅᖅᑕᑦᓯᓐᓄᑦ ᑐᒃᓯᐊᕆᐊᖅᑐᓕᕆᑦᓯ, ᑖᒃᑯᓇᓐᖓᑦ ᓴᐳᑎᔭᐅᔪᓐᓇᕐᖕᒪᖔᑦᓯ ᐊᒃᓱᕈᕈᑎᒋᔮᑦᓯᓐᓂᑦ.”
15ᐃᓴᕆᐊᓕᒥᐅᓪᓕ ᑭᖑᕚᖏᑦ ᐅᖃᖅᐳᑦ ᐊᑕᓂᕐᖕᒧᑦ, “ᐊᔪᖅᑐᓕᓚᐅᖅᐳᒍᑦ ᐅᕙᑦᑎᓐᓄᑦ ᐱᓇᓱᐊᓕᕆᑦ ᓈᒻᒪᒋᔭᕐᖕᓂᒃ; ᑭᓯᐊᓂ ᐱᐅᓕᑎᒍᑦ, ᐃᓕᖕᓄᑦ ᑐᒃᓯᐊᖅᐳᒍᑦ ᐅᓪᓗᒥ.” 16ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᖅᐳᑦ ᑐᒃᓯᐊᓕᖅᓗᑎᒡᓗ ᐊᑕᓂᕐᖕᒧᑦ; ᐃᓱᒪᔮᕈᑎᖃᓕᖅᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᖕᓂᖏᓐᓂᒃ.
17ᐊᒧᓁᑎᒥᐅᑦ ᐅᓇᑕᕐᖕᓂᕐᖕᒧᑦ ᐸᕐᖕᓇᓕᓚᐅᖅᐳᑦ, ᑕᖕᒫᖅᓗᑎᒡᓗ ᒋᓕᐊᑎᒥ; ᐃᓴᕆᐊᓕᒥᐅᓪᓗ ᐃᓄᖏᑦ ᑲᑎᓚᐅᕆᕗᑦ, ᑕᖕᒫᖅᓗᑎᒡᓗ ᒥᔅᐸᒧᑦ. 18ᑕᕝᕙᓂᓗ ᐃᓄᐃᑦ, ᒋᓕᐊᑎᒥ ᓯᕗᓕᖅᑏᑦ ᐃᒻᒥᖕᓄᑦ ᐅᖃᓕᖅᐳᑦ, “ᑭᓇ ᓯᕗᓕᕐᖕᓂᐊᖅᐸ ᐅᓇᑕᕆᐊᖅᓗᓂ ᐊᒧᓁᑎᓂᒃ? ᑖᓐᓇ ᓯᕗᓕᖅᑐᖅ ᐅᓇᑕᕐᖕᓂᕐᖕᒧᑦ ᐊᖓᔪᖅᑳᓐᖑᖅᑎᓐᓂᐊᖅᐸᕗᑦ ᒋᓕᐊᑎᒥ ᓄᓇᖃᖅᑐᓕᒫᓄᑦ.”
Currently Selected:
ᐃᓗᐊᖅᓮᔩᑦ ᐊᒡᓚᖏᑦ 10: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
