ᕼᐆᓯᐊᑉ ᐊᒡᓚᖏᑦ 11
11
ᒎᑎᐅᑉ ᓇᒡᓕᖕᓂᖓ ᐃᓄᖁᑎᒥᓄᑦ ᐊᑭᕋᖅᑐᖅᑎᓄᑦ
1 #
ᒨᓯᓯ ᐂᑉᐸᖏᑦ 4:22; ᒫᑎᐅᓯ 2:15. “ᐃᓴᕆᐊᓕ ᓄᑕᕋᐅᑎᓪᓗᒍ, ᓇᒡᓕᒋᓚᐅᖅᐸᕋ, ᐃᕐᖕᓂᕋ ᐄᑦᔨᑉᑎᒦᑎᓪᓗᒍ ᕾᖁᓚᐅᖅᐸᕋ. 2ᕾᖁᒃᑲᓐᓂᓕᕌᖓᒃᑭᑦ ᕿᒫᒃᑲᓐᓂᖃᑦᑕᓚᐅᖅᐳᑦ ᐅᕙᓐᓂᒃ, ᐰᓕᒧᑦ ᑐᓂᕐᕈᓯᖃᑦᑍᓐᓇᓚᐅᖅᐳᑦ, ᐃᑯᐊᓪᓔᕙᒃᓗᑎᒡᓗ ᑎᐱᑦᓯᐊᕆᒃᑐᓂᒃ ᒎᑎᓐᖑᐊᓄᑦ. 3ᐃᕗᕅᒥ ᓇᖕᒥᓂᖅ ᐃᓕᓐᓂᐊᖅᑎᓚᐅᖅᐸᕋ ᐱᓱᒋᐅᖅᓴᑎᓪᓗᒍ, ᑕᓕᓐᓄᑦ ᑎᒍᒥᐊᖅᓗᒋᑦ; ᖃᐅᔨᒪᓚᐅᓐᖏᓚᓪᓕ ᐋᖅᑭᓚᐅᕐᖕᒪᖔᒃᑭᑦ. 4ᓄᓱᓚᐅᖅᐸᒃᑲ ᐊᒃᓱᓈᖃᖅᑎᓪᓗᒍ ᐃᓚᑦᓱᒍᓱᖕᓂᕐᖕᒥᒃ, ᓇᒡᓕᖕᓂᕐᖕᒧᑦ ᕿᓚᒃᓯᒪᔪᒧᑦ, ᑖᒃᑯᓄᖓᓗ ᐅᓂᐅᑕᖏᓐᓂᒃ ᐊᒡᓕᕈᖏᓐᓂᑦ ᐲᖅᓯᔪᑐᑦ ᑍᒤᓚᐅᖅᐳᖓ, ᐅᑯᓪᓗᖓᓗ ᑖᒃᑯᓄᖓ ᓂᕆᑎᓚᐅᖅᐸᒃᑲ. 5ᐅᑎᕈᒫᓕᖅᐳᑦ ᐄᑦᔨᑉᑎᒧᑦ, ᐊᓯᕆᐊᓗ ᐊᖓᔪᖅᑳᕐᔪᐊᕆᔪᒫᖅᐹᑦ, ᐅᕙᓐᓄᑦ ᐅᑎᕈᒪᓚᐅᖏᒻᒪᑕ. 6ᐃᒡᓗᒐᓴᖏᑦ ᓴᕕᒡᔪᐊᒧᑦ ᐊᕕᒃᑐᖅᑕᐅᔪᒫᖅᐳᑦ, ᐃᑎᖅᑕᕐᕕᖏᑕᓗ ᓴᓐᓂᕈᐊᖏᑦ ᐊᓯᕈᖅᓗᒋᑦ ᓄᖑᑦᓱᒫᖅᐰᑦ, ᓂᕆᔭᐅᔪᒫᖅᐳᓪᓗ ᐱᐅᓇᓱᒋᔭᒥᒍᑦ ᐱᓇᓱᐊᖅᐸᒃᑕᒥᖕᓄᑦ. 7ᐃᓄᖁᑎᒃᑲ ᐊᓚᕆᐊᖃᑦᑕᖅᐳᑦ ᕿᒤᔪᒪᓪᓗᑎᒃ ᐅᕙᓐᓂᒃ; ᑍᒤᒻᒪᑦ ᐅᓂᐅᑕᖅᑖᖅᑎᑕᐅᕗᑦ ᑐᐃᕐᖕᒥᐅᑕᕐᖕᓂᒃ, ᓇᐅᒧᓪᓘᓐᓃᑦ ᐲᖅᑕᐅᓂᐊᓐᖏᓚᑦ.
8 #
ᒨᓯᓯ ᑕᓪᓕᒪᖏᑦ 29:23. “ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᖅᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᖅᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᖅᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᖅᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ. 9ᓂᓐᖓᐅᒪᓂᕐᖕᒪ ᓂᑲᒍᓱᖏᓐᓂᖓ ᑲᔪᓯᑎᓐᓂᐊᓐᖏᓚᕋ, ᐃᕗᕅᒥᓗ ᐊᓯᕈᒃᑲᓐᓂᕐᖕᓂᐊᕈᓁᖅᐸᕋ, ᒎᑎᐅᒐᒪ ᐃᓄᑐᐃᓐᓇᐅᓇᖓᓗ, ᐃᑦᔪᕐᖕᓁᑦᑐᑐᐊᖅ ᐊᑯᓐᓇᑦᓯᓐᓂ, ᕾᓂᐊᓐᖏᓚᖓ ᐊᓯᕈᐃᔭᖅᑐᕐᖓ. 10ᐱᓱᖕᓂᐊᖅᐳᑦ ᐊᑕᓂᕐᖕᒥᒃ ᒪᓕᒡᓗᑎᒃ, ᖃᓕᖑᐊᖅᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᖕᓂᐊᖅᐳᖅ, ᕿᑐᕐᖓᖏᓪᓗ ᕾᔪᒫᖅᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ. 11ᐄᑦᔨᑉᑎᒥᑦ ᑎᑭᑦᓱᒫᖅᐳᑦ ᓯᕘᕋᓂᕐᖕᒧᑦ ᓴᔪᒡᓗᑎᒃ ᑎᖕᒥᐊᑎᑐᑦ, ᑑᕕᑎᑐᓪᓗ ᐊᓯᕆᐊᑉ ᓄᓇᖓᓂᑦ; ᐅᑎᖅᑎᑦᓱᒫᖅᐸᒃᑲᓗ ᐊᖏᕐᕋᖏᓐᓄᑦ, ᐊᑕᓂᖅ ᐅᖃᖅᐳᖅ.”
ᐃᓴᕆᐊᓕᐅᓪᓗ ᔫᑕᐅᓪᓗ ᐃᒋᑕᒃᓴᕈᖅᑎᑕᐅᓂᖏᑦ
12ᐊᑕᓂᖅ ᐅᖃᖅᐳᖅ, “ᐃᕗᕅᒥᐅᑉ ᓴᒡᓗᓂᕐᖕᒥᒃ ᐱᓂᐊᕐᕕᒋᓯᒪᕚᖓ, ᐃᓴᕆᐊᓕᐅᓪᓗ ᑭᖑᕚᖏᑕ ᓴᒡᓗᕿᓪᓗᓂᖓ; ᔫᑕᓕ ᓱᓕ ᐃᓅᖃᑎᖃᖅᐳᖅ ᒎᑎᒥᒃ, ᓱᖁᓯᓚᐅᖏᑦᑐᑑᕗᕐᓗ ᐃᑦᔪᕐᖕᓁᑦᑐᒧᑦ.
Currently Selected:
ᕼᐆᓯᐊᑉ ᐊᒡᓚᖏᑦ 11: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
