ᒨᓯᓯ ᓯᕗᓪᓖᑦ 6
6
ᐃᓄᐃᑦ ᐊᔪᖅᑐᓕᓂᖏᑦ
1 #
ᔫᐱ 1:6; 2:1. ᐃᓄᐃᑦ ᐅᓄᖅᓯᕙᓪᓕᐊᓪᓗᑎᒃ ᓄᓇᒥ, ᐸᓂᒃᑖᖅᑐᓚᐅᖅᐳᑦ, 2ᒎᑎᐅᑉ ᐃᕐᖕᓂᖏᑦ#6:2 ᒎᑎᐅᑉ ᐃᕐᖕᓂᖏᑦ ᐅᕝᕙᓗ ᐂᖏᓖᑦ, ᐅᕝᕙᓗ ᕿᓚᖕᒥᐅᑍᑦ ᑕᑯᓐᓇᓕᕋᒥᒃ ᐊᕐᖕᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᖅᑖᓚᐅᖅᐳᑦ ᓂᕈᐊᖅᑕᒥᖕᓂᒃ. 3ᐊᑕᓂᕐᓗ ᐅᖃᖅᐳᖅ, “ᐊᓂᕐᖕᓂᕋ ᐃᓚᕾᓐᓇᕐᖕᓂᐊᓐᖏᓚᖅ ᐃᓄᖕᒥᒃ ᐃᓱᖃᖏᑦᑐᒧᑦ, ᑎᒥᐅᖕᒪᑦ; ᐅᓪᓗᖃᕐᖕᓂᐊᓕᖅᐳᓪᓕ ᐊᕐᕌᒍᓂᒃ 120ᓂᒃ.” 4#ᒨᓯᓯ ᓯᑕᒪᖏᑦ 13:33.ᑍᑦᓱᒪᓂᐅᑎᓪᓗᒍ ᐃᓄᖃᓚᐅᖅᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᖕᓂᖏᑦ#6:4 ᒎᑎᐅᑉ ᐃᕐᖕᓂᖏᑦ ᐅᕝᕙᓗ ᐂᖏᓖᑦ, ᐅᕝᕙᓗ ᕿᓚᖕᒥᐅᑍᑦ ᐱᖃᑎᖃᖃᑦᑕᓕᖅᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᖅᑖᓚᐅᖅᐳᑦ, ᑖᒃᑯᐊᓗ ᐱᔪᓐᓇᕐᖕᓂᖅᐹᖑᓚᐅᖅᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᖅᓗᑎᒃ ᐊᔪᖏᑦᑐᑦ.
5 #
ᒫᑎᐅᓯ 24:37; ᓘᑲᓯ 17:26; 1 ᐲᑦᑐᕉᓯ 3:20. ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᖕᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᖕᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᖕᓂᖏᓐᓂᒃ; 6ᐊᑕᓂᕐᓗ ᐅᒡᒍᐊᓕᓚᐅᖅᐳᖅ ᐱᓐᖑᖅᑎᑦᓯᓂᕆᓚᐅᖅᑕᒥᓂᒃ ᐃᓄᖕᓂᒃ ᓄᓇᒥ, ᐆᒻᒪᑎᒥᒍᓪᓗ ᕿᒃᓵᒻᒪᕆᓕᖅᓗᓂ, 7ᑍᒤᒻᒪᑦ ᐊᑕᓂᖅ ᐅᖃᓕᖅᐳᖅ, “ᐱᓐᖑᖅᑎᓚᐅᖅᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᖅᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.” 8ᓄᐊᓕ ᐊᑕᓂᐅᑉ ᑕᑯᓪᓗᓂᐅᒃ ᖁᕕᐊᒋᓚᐅᖅᐹ.
ᓄᐊ
9 #
2 ᐲᑦᑐᕉᓯ 2:5. ᐅᑯᐊ ᑕᕝᕙ ᓄᐊᑉ ᑭᖑᕚᖏᑦ, ᓄᐊ ᐃᓱᐊᖅᑐᒥᒃ ᐃᓅᓯᖃᓚᐅᖅᐳᖅ, ᐃᓅᖃᑎᒋᔭᒥᓂ ᐸᓯᔭᒃᓴᐅᓂᖃᕋᓂ; ᒎᑎᒥᒡᓗ ᐃᓅᖃᑎᖃᑦᓯᐊᖅᓗᓂ. 10ᓄᐊ ᐃᕐᖕᓂᖃᓚᐅᖅᐳᖅ ᐱᖓᓱᓂᒃ, ᓰᒻ, ᕼᐋᒻ, ᔮᐱᑎᓗ. 11ᓄᓇᕐᔪᐊᖅ ᑕᑕᓕᓚᐅᕐᖕᒪᑦ ᓈᒻᒪᖏᑦᑐᒥᒃ ᒎᑎᐅᑉ ᓵᖓᓂ, ᓄᓇᕐᔪᐊᕐᖕᒥᐅᓪᓗ ᑲᑉᐱᐊᓇᕋᓱᐊᕐᖕᓃᓐᓇᕐᖕᒥᒃ ᐃᓕᖅᑯᓯᖃᓕᓚᐅᖅᐳᑦ. 12ᒎᑎᐅᓪᓗ ᓄᓇᕐᔪᐊᖅ ᑕᑯᒐᒥᐅᒃ, ᑕᑯᒋᑦ ᐋᖅᑭᑦᓯᐊᖅᓯᒪᖏᑦᑐᐊᓘᓕᓚᐅᖅᐳᖅ; ᐃᓄᓕᒫᑦ ᐃᓅᓯᖃᓕᓚᐅᕐᖕᒪᑕ ᓈᒻᒪᖏᑦᑐᐃᓐᓇᕐᖕᒥᒃ ᐱᓇᓱᐊᓕᖅᓗᑎᒃ.
13ᒎᑎᓗ ᓄᐊᒧᑦ ᐅᖃᖅᐳᖅ, “ᓄᓇᕐᔪᐊᕐᖕᒥᐅᑦ ᑎᒥᖃᖅᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᖕᒥᒃ ᐱᓗᐊᓕᕐᖕᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᖕᓂᐊᖅᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ. 14ᐅᒥᐊᕐᔪᐊᓕᐅᕆᑦ ᕿᔪᒥᒃ ᒎᕙᒥᒃ ᑍᔭᐅᔪᓂᒃ; ᐅᒥᐊᕐᔪᐊᖅ ᐃᒡᓗᕈᓯᓕᐅᖅᓗᒍ, ᖄᖓᒍᓪᓗ ᐃᓗᐊᒍᓪᓗ ᐅᑦᓯᒃᓴᐅᓯᖅᓗᒍ ᑖᓚᒥᒃ. 15ᐃᒫᒃ ᓴᓇᔭᕆᐊᖃᖅᐸᑦ; ᓴᓂᒧᑦ 300ᓂᒃ ᑭᐅᐱᑦᓯᓂᒃ ᐆᒃᑐᕋᐅᑎᓂᒃ ᑕᑭᓂᖃᖅᓗᒍ, 50ᓂᒃ ᑭᐅᐱᑦᓯᓂᒃ ᓯᓕᖕᓂᖃᖅᓗᒍ, 30ᓂᒡᓗ ᑭᐅᐱᑦᓯᓂᒃ ᐳᖅᑐᓂᖃᖅᓗᒍ. 16ᖁᓕᓗᒍ ᐅᒥᐊᕐᔪᐊᖅ, ᐆᒃᑑᑎᒥᒃ ᐊᑕᐅᓯᕐᖕᒥᒃ ᑭᐅᐱᑦᓯᒥᒃ ᐳᖅᑐᓂᖃᖅᓗᒍ; ᐅᒥᐊᕐᔪᐊᕐᓗ ᓴᓂᕋᖓᒍᑦ ᐅᒃᑯᐊᓕᖅᓗᒍ; ᓇᑎᓕᐅᖅᓗᒍᓗ ᐱᖓᓱᓂᒃ ᖁᓕᕇᓂᒃ. 17ᑕᑯᒋᑦ, ᐅᓕᕕᒃᔪᐊᖃᖅᑎᑦᓱᒫᖅᐸᕋ ᓄᓇᕐᔪᐊᓕᒫᖅ, ᐆᒪᔪᓕᒫᑦ ᓄᓇᒥ ᓄᖑᑕᐅᖁᓪᓗᒋᑦ, ᑕᒪᕐᖕᒥᒃ ᐊᓂᕐᖕᓂᖃᖅᑐᑦ ᕿᓚᐅᑉ ᐊᑖᓂ; ᓱᓇᑐᐃᓐᓁᓪᓗ ᓄᓇᒦᑦᑐᓕᒫᑦ ᑐᖁᖁᓪᓗᒋᑦ. 18ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᖅᐳᖓ ᐃᓚᒋᓗᑎᑦ; ᐅᒥᐊᕐᔪᐊᕐᖕᒧᓪᓗ ᐃᑭᔪᒫᖅᐳᑎᑦ ᐃᕐᖕᓂᑎᓪᓗ, ᓄᓕᐊᓪᓗ, ᐃᕐᖕᓂᕕᓪᓗ ᓄᓕᐊᖏᑦ ᐃᓚᒋᓗᒋᑦ. 19ᐆᒪᔪᓂᒡᓗ ᖃᓄᐃᑦᑐᑐᐃᓐᓇᓕᒫᓂᒃ ᒪᕐᕉᓈᖅᑎᖅᑐᓂᒃ ᑕᒤᓐᓂᒃ ᐅᒥᐊᕐᔪᐊᕐᖕᒧᐊᖅᓯᓗᑎᑦ, ᐃᓕᑦᓯᓐᓄᑦ ᐆᒪᖃᑕᐅᖁᓪᓗᒋᑦ; ᑖᒃᑯᐊ ᐂᑉᐹ ᐊᖑᑕᐅᓗᓂ ᐂᑉᐹ ᐊᕐᖕᓇᐅᓗᓂ. 20ᑎᖕᒥᐊᑦ ᐊᑦᔨᒌᖑᓈᖅᑎᖅᓗᒋᑦ, ᐆᒪᔪᓗ ᐊᑦᔨᒌᖑᓈᖅᑎᕐᖕᒥᓗᒋᑦ, ᓄᓇᒥᓗ ᐹᕐᖑᖅᑐᑦ ᐊᑦᔨᒌᖑᓈᖅᑎᕐᖕᒥᓗᒋᑦ, ᐊᑐᓂᑦ ᒪᕐᕉᓈᖅᑎᖅᑐᓂᒃ ᑎᑭᑕᐅᔪᒫᖅᐳᑎᑦ, ᑖᒃᑯᐊ ᐆᒪᑎᒋᐊᖃᕈᒫᖅᐸᑎᑦ. 21ᖃᓄᐃᑦᑐᑐᐃᓐᓇᕐᖕᓂᒡᓗ ᓂᕿᒃᓴᓂᒃ ᓂᕆᔭᐅᓲᓂᒃ, ᑐᖅᑯᐃᓗᑎᑦ; ᓂᕿᒃᓴᑦᓯᓐᓂᒃ ᐆᒪᔪᐃᓪᓗ ᓂᕿᒃᓴᖏᓐᓂᒃ.” 22#ᐄᑉᕈᐃᓄᑦ 11:7.ᓄᐊᓗ ᑕᒪᒃᑯᓂᖓ ᐱᓇᓱᐊᓚᐅᖅᐳᖅ; ᒎᑎᐅᑉ ᐱᓇᓱᐊᖅᑕᐅᖁᔭᓕᒫᖏᓐᓂᒃ ᑖᑦᓱᒧᖓ.
Currently Selected:
ᒨᓯᓯ ᓯᕗᓪᓖᑦ 6: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.