ᐃᓯᑭᐊᓕᐅᑉ ᐊᒡᓚᖏᑦ 8
8
ᐃᓯᑭᐊᓕᐅᑉ ᑭᖑᓪᓕᕐᖕᒥᒃ ᑕᑯᑎᑕᐅᓂᖓ ᒎᑎᒥᒃ
(8:1—10:22)
ᔨᕉᓴᓕᒥᐅᑦ ᒎᑎᓐᖑᐊᖃᕐᖕᓂᖓ
1ᐊᕐᕌᒍᑦ ᐱᖓᓲᔪᖅᑐᖓᓐᓂ, ᑕᖅᑮᑦ ᐱᖓᓲᔪᖅᑐᖏᑕ, ᐅᓪᓗᖏᑕ ᑕᓪᓕᒪᖓᓐᓂ, ᔫᑕᐅᑉ ᐊᖓᔪᖅᑳᖏᓐᓂᒃ ᐃᒃᓯᕙᖃᑎᖃᖅᑎᓪᓗᖓ ᐃᒡᓗᓐᓂ, ᐊᑕᓂᐅᑉ ᒎᑎᐅᑉ ᐱᔪᓐᓇᕐᖕᓂᕐᔪᐊᖓᓄᑦ ᑎᑭᑕᐅᕗᖓ. 2#ᐃᓯᑭᐊᓕ 1:27.ᑕᕝᕙ ᑕᑯᓕᖅᐳᖓ, ᑕᑯᒋᓪᓗ, ᑕᑯᑎᑕᐅᕗᖓ ᐃᓅᔮᖅᑐᒥᒃ; ᕿᑎᕆᔮᖅᑕᖓᓂᑦ ᐱᒋᐊᖅᓗᒍ ᑕᐅᓄᖓ ᐃᑯᐊᓚᔪᒥᒃ, ᐊᒻᒪ ᕿᑎᕆᔮᖅᑕᖓᓂᑦ ᐱᒋᐊᖅᓗᒍ ᖃᐅᒪᔪᐊᓘᕗᖅ, ᑲᓐᓄᔭᑐᑦ ᕿᓪᓕᖅᑐᑐᑦ. 3ᐃᓴᒃᓗᓂ ᐊᒡᒐᒋᔮᖅᑕᒥᓄᑦ ᓄᔭᒃᑯᑦ ᑎᒍᕚᖓ; ᐊᓂᕐᖕᓂᐅᑉ ᖃᖓᑦᑕᖅᑎᑉᐹᖓ ᓄᓇᐅᓪᓗ ᕿᓚᐅᓪᓗ ᐊᑯᓐᓂᖓᓄᑦ, ᑕᑯᑎᑦᔪᑎᒃᑯᓪᓗ ᒎᑎᒥᑦ ᐱᔪᒃᑯᑦ ᔨᕉᓴᓕᒧᐊᖅᑎᑉᐹᖓ, ᑐᒃᓯᐊᕐᕕᒡᔪᐊᓪᓗ ᐃᑎᕆᐊᕐᕕᖓᓄᐊᖅᑎᑉᐹᖓ ᐃᓗᓪᓕᕐᖕᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᒎᑎᓐᖑᐊᓕᐊᕆᓯᒪᔫᑉ ᐃᓂᖓᓄᑦ ᓯᖕᓇᒋᔭᐅᔪᒧᑦ, ᑖᑦᓱᒧᖓ ᓯᖕᓇᑎᑦᓯᔪᒧᑦ.
4 #
ᐃᓯᑭᐊᓕ 1:28. ᑕᑯᒋᓪᓗ, ᑕᑯᕗᖓ ᐃᓴᕆᐊᓕᒥᐅᑦ ᒎᑎᖓᑦᑕ ᐱᓐᓇᕐᖕᓇᕐᖕᓂᕐᔪᐊᖓᓂᒃ ᑕᕝᕙᓃᑦᑐᒥᒃ, ᑕᑯᓚᐅᖅᑕᒪ ᐊᑦᔨᖓᓂᒃ ᓇᑎᕐᖕᓇᒥ. 5ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᖕᓂᖓ, ᐅᓐᓄᐊᓪᓗᐊᑉ ᓇᓛᓄᑦ ᑕᑯᓴᕆᑦ.” ᑕᑯᓴᕋᒪ ᑕᑯᕗᖓ ᑐᓂᕐᕈᓯᕐᕕᐅᑉ ᐃᑎᖅᑕᕐᕕᖓᓂ ᐅᓐᓄᐊᓪᓗᐊᑉ ᓇᓛᓃᑦᑐᒥ ᐃᑎᕆᐊᕐᕕᒦᑦᑐᒥᒃ ᒎᑎᒧᑦ ᓯᖕᓇᒋᔭᐅᔪᒥᒃ.
6ᐅᖃᐅᑎᕚᖓᓗ, “ᐃᓅᑉ ᐃᕐᖕᓂᖓ, ᑕᑯᕖᑦ ᖃᓄᐃᓕᐅᕐᖕᓂᖏᓐᓂᒃ? ᐃᓴᕆᐊᓕᐅᑉ ᑭᖑᕚᖏᑦ ᓇᕐᕈᒋᓂᖅᐹᓐᓂᒃ ᐱᓇᓱᐊᖅᑐᑦ, ᐃᑦᔪᕐᖕᓁᑦᑐᕕᖁᑎᓐᓂᑦ ᐅᖓᓯᒃᓯᑎᑕᐅᓕᖅᐳᖔ? ᓱᓕ ᑕᑯᓂᐊᖅᐳᑎᑦ ᑕᒪᒃᑯᓇᓐᖓᑦ ᓇᕐᕈᓇᕐᖕᓂᖅᓴᓂᒃ.”
7ᐂᑎᑉᐹᖓᓗ ᐊᓃᕋᔭᒡᕕᖓᑕ ᐃᑎᖅᑕᕐᕕᖓᓄᑦ; ᑕᑯᓴᕋᒪᓗ, ᑕᑯᒋᑦ, ᐊᖕᒪᔪᖅᑕᖃᖅᐳᖅ ᐊᑭᓐᓇᕐᖕᒥ. 8ᐅᖃᐅᑎᓪᓗᓂᖓᓗ, “ᐃᓅᑉ ᐃᕐᖕᓂᖓ, ᐊᑭᓐᓇᖅ ᐳᐊᕐᕆᔭᕈᒃ”; ᐊᑭᓐᓇᕐᓗ ᐳᐊᕆᔭᕋᒃᑯ, ᑕᑯᒋᑦ, ᐅᒃᑯᐊᖅ ᑕᑯᕙᕋ. 9ᐅᖃᐅᑎᕚᖓᓗ, “ᐃᑎᕆᑦ, ᑕᑯᓗᑎᓪᓗ ᐱᐅᖏᑦᑐᕐᔪᐊᓂᒃ ᓇᕐᕈᓇᖅᑐᓂᒃ ᐱᓇᓱᐊᕐᖕᓂᕆᔭᖏᓐᓂᒃ ᑕᕝᕙᓂ.” 10ᑕᕝᕙ ᐃᑎᖅᐳᖓ ᑕᑯᓪᓗᖓᓗ; ᐊᑭᓐᓇᕐᖕᒥ ᑎᑎᕋᐅᔭᕐᕕᒋᓯᒪᕗᑦ ᖁᐱᕐᕈᓐᖑᐊᓂᒃ ᐹᕐᖑᖅᑐᓂᒃ ᖃᓄᐃᑦᑐᑐᐃᓐᓇᕐᖕᓂᒃ, ᐆᒪᔪᖅᓗᓐᖑᐊᓂᒃ ᓇᕐᕈᓇᖅᑐᓂᒃ, ᐃᓴᕆᐊᓕᐅᓪᓗ ᑭᖑᕚᖏᑕ ᒎᑎᓐᖑᐊᓕᒫᖏᓐᓂᒃ. 1170ᓗ ᐃᓴᕆᐊᓕᐅᑉ ᑭᖑᕚᖏᓐᓂ ᓯᕗᓕᖅᑏᑦ ᑕᕝᕙᓃᑉᐳᑦ, ᐅᓇ ᓇᖏᖃᑕᐅᕗᖅ ᑕᕝᕙᓂ, ᔭ-ᐊᔭᓁᐊ ᓴᕙᓂᐅᑉ ᐃᕐᖕᓂᖓ. ᑖᒃᑯᐊᓗ ᐊᑐᓂᑦ ᑎᒍᒥᐊᖅᐳᑦ ᐳᔫᖅᑎᑦᓯᑦᔪᑎᓂᒃ ᑎᐱᑦᓯᐊᕆᒃᑐᒥᒃ, ᐳᔪᖏᓪᓗ ᑎᐱᑦᓯᐊᕆᒃᑐᑦ ᖁᒻᒧᐊᒃᐳᑦ. 12ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᖕᓂᖓ, ᖃᐅᔨᕖᑦ? ᐃᓴᕆᐊᓕᐅᑉ ᑭᖑᕚᖏᑕ ᓯᕗᓕᖅᑎᖏᑦ ᐃᔨᕋᖅᑐᖅᓗᑎᒃ ᖃᓄᐃᓕᐅᖅᐸᖕᓂᖏᓐᓂᒃ, ᐃᒡᓗᕈᓯᕐᖕᒥ ᐊᑐᓂᑦ ᒎᑎᓐᖑᐊᓂᒃ ᐊᑦᔨᓐᖑᐊᖁᑎᖃᐅᖅᐳᑦ; ᐅᖃᖃᑦᑕᖅᐳᑦ, ‘ᐊᑕᓂᐅᑉ ᑕᑯᓐᓇᓐᖏᓛᑎᒍᑦ, ᐊᑕᓂᐅᑉ ᓄᓇ ᕿᒪᒃᓯᒪᓕᖅᐹ.’”
13ᐅᖃᐅᑎᓕᕆᕚᖓ, “ᑕᑯᓂᐊᖅᐳᑎᑦ ᓱᓕ ᓇᕐᕈᓇᕐᖕᓂᖅᓴᓂᒃ ᐊᑐᖃᑦᑕᖅᑕᖏᓐᓂᒃ.” 14ᐂᑎᒃᑭᕚᖓ ᐊᑕᓂᐅᑉ ᐃᒡᓗᖓᑕ ᐃᑎᖅᑕᕐᕕᖓᓄᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ; ᑕᑯᒋᓪᓗ, ᑕᕝᕙᓂ ᐊᕐᖕᓁᑦ ᐃᒃᓯᕚᖅᐳᑦ ᒎᑎᓐᖑᐊᖅ ᑕᒨᔾ ᕿᐊᑦᔪᑎᒋᓪᓗᒍ.
15ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᖕᓂᖓ, ᑖᓐᓇ ᑕᑯᕕᐅᒃ? ᑕᑯᓂᐊᖅᐳᑎᑦ ᓱᓕ ᑖᒃᑯᓇᓐᖓᑦ ᓇᕐᕈᓇᕐᖕᓂᖅᓴᓂᒃ.” 16ᐂᑎᒃᑭᕚᖓᓗ ᐊᑕᓂᐅᑉ ᐃᒡᓗᖓᑕ ᐊᓃᕋᔭᕐᕕᖓᑕ ᐃᓗᓪᓕᖓᓄᑦ; ᑕᑯᒋᓪᓗ, ᐊᑕᓂᐅᑉ ᑐᒃᓯᐊᕐᕕᖁᑎᖓᑕ ᐃᑎᖅᑕᕐᕕᖓᓂ, ᑐᖅᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ, ᐊᖑᑎᓂᒃ 25 ᖃᓂᒋᔮᓃᑦᑐᓂᒃ, ᐊᑕᓂᐅᑉ ᑐᒃᓯᐊᕐᕕᖁᑎᖓᓂᒃ ᑐᓄᓐᖓᔪᓂᒃ, ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᓂᒃ, ᓯᕿᓂᕐᖕᒧᑦ ᑐᒃᓯᐊᖅᑐᓂᒃ.
17ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᖕᓂᖓ, ᑕᑯᕕᒌᑦ? ᖃᓄᐃᓐᖏᓛᖅ? ᔫᑕᐅᑉ ᑭᖑᕚᖏᑦ ᓇᕐᕈᒋᔭᓐᓂᒃ ᐱᓇᓱᐊᑐᐃᓐᓇᖅᐸᑕ ᑕᕝᕙᓂ ᐱᓇᓱᐊᖅᑕᒥᖕᓂ, ᓄᓇ ᓈᔭᐅᑎᓪᓗᒍ ᐱᕋᔭᖕᓂᕐᖕᓂᒃ, ᓱᓕ ᓂᓐᖓᒃᓴᒃᑲᓐᓂᖅᓗᖓ? ᑕᑯᒋᑦ, ᕿᔪᑯᑖᒥᒃ ᐊᑭᕈᕐᖕᒥᒃ ᕿᖓᕐᖕᒥᖕᓄᐊᖅᓯᕗᑦ.#8:17 ᕿᔪᑯᑖᒥᒃ ᐊᑭᕈᕐᖕᒥᒃ ᕿᖓᕐᖕᒥᖕᓄᐊᖅᓯᓂᖅ ᒎᑎᓐᖑᐊᖃᖅᑐᑦ ᒥᑕᐅᑎᒃᓴᕈᓯᒻᒪᕆᖏᑦ ᐱᐅᖏᓐᓂᖅᐹᒥᒃ 18ᑍᒤᒻᒪᑦ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᓕᖅᐸᒃᑲ; ᐊᓐᓇᒃᑎᓐᓂᐊᓐᖏᓚᒃᑲ ᓂᑲᒋᓂᐊᕐᖕᓇᒋᓪᓗ; ᕾᒐᓛᖅᓗᑎᒃ ᓂᓪᓕᐊᒐᓗᐊᖅᐸᑕ ᐅᕙᓐᓄᑦ ᑐᓴᑦᔮᓐᖏᓚᒃᑲ.”
Currently Selected:
ᐃᓯᑭᐊᓕᐅᑉ ᐊᒡᓚᖏᑦ 8: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
