ᐃᓯᑭᐊᓕᐅᑉ ᐊᒡᓚᖏᑦ 5
5
ᐃᓯᑭᐊᓕᐅᑉ ᓄᔭᕐᖕᒥᓂᒃ ᕿᐅᖅᑍᓂᖓ
1ᐊᑕᓂᖅ ᐅᖃᖅᐳᖅ, “ᐃᓅᑉ ᐃᕐᖕᓂᖓ, ᓴᕕᒡᔪᐊᒥᒃ ᐃᐱᒃᑐᒥᒃ ᐱᓗᑎᑦ ᐅᒦᔭᕆᑦ ᓂᐊᖁᐃᓪᓗ ᓴᓕᓗᒍ; ᓄᔧᔭᕐᖕᓂᑯᑎᓪᓗ ᐊᕕᒡᓗᒋᑦ ᐅᖁᒤᓐᓂᕐᖕᓂᐊᒃᑭᑦ. 2ᐱᖓᔪᖏᑦ ᐃᑯᐊᓪᓚᒍᒫᖅᐸᑎᑦ ᐃᒡᓗᒐᓴᒡᔪᐊᑦ ᐃᓗᐊᓂ; ᔨᕉᓴᓕᒥᐅᑦ ᐊᑭᕋᒥᓄᑦ ᐊᕙᓗᔭᐅᓯᒪᓂᖓ ᐃᓱᓕᑉᐸᑦ; ᐱᖓᔪᖏᓪᓗ ᓴᕕᒡᔪᐊᕐᖕᓄᑦ ᓇᑲᑎᖅᓗᒋᑦ ᓈᕕᑕᒃᓴᕆᕙᑎᑦ#5:2 ᐅᕝᕙᓗ ᓈᑦᑎᒐᒃᓴᕆᕙᑎᑦ ᐃᒡᓗᒐᓮᑦ ᐊᕙᓗᐊᑕ ᓯᓚᑖ ᓈᓗᒍ; ᐱᖓᔪᒋᖕᒥᔭᖏᑦ ᑎᒃᑕᐅᕋᖅᑎᓪᓗᒋᑦ ᐊᓄᕆᒧᑦ, ᓴᕕᒡᔪᐊᕋ ᐊᒧᓗᒍ ᒪᓕᒍᒫᖅᐸᒃᑲ. 3ᐊᒥᐊᒃᑯᐊᕐᔪᒡᓗᒋᑦ ᓄᔭᖅᐱᑦ ᐃᓚᖏᑦ, ᐊᓐᓄᕌᕕᑦ ᓯᓈᓄᑦ ᕿᓚᒃᓱᕋᒃᓴᕆᕙᑎᑦ. 4ᐃᓚᖏᓐᓂᒡᓗ ᐲᖅᓯᓗᑎᑦ ᐃᑯᐊᓚᔪᒧᐊᖅᓯᔪᒫᖅᐳᑎᑦ ᐃᑭᓐᓂᐊᖅᑐᓂᒃ; ᑕᕝᕙᓐᖓᑦ ᐃᑯᐊᓚᔪᖅ ᓯᐊᒻᒪᒍᒫᖅᐳᖅ ᐃᓴᕆᐊᓕᐅᑉ ᑭᖑᕚᖏᓐᓄᑦ.”
5ᐊᑕᓂᖅ ᒎᑎ ᐃᒫᒃ ᐅᖃᖅᐳᖅ: “ᑕᕝᕙ ᔨᕉᓴᓕᒻ; ᐃᓅᖃᑎᒌᒡᔪᐊᑦ ᕿᑎᖓᓃᑎᓚᐅᖅᐸᕋ, ᓄᓇᓕᒐᓴᒡᔪᐊᓂᒃ ᐊᕙᑎᒥᐅᑕᖃᐅᖅᑎᓪᓗᒍ. 6ᔨᕉᓴᓕᒥᐅᓪᓗ ᐊᔪᖅᑐᓕᓪᓗᑎᒃ ᐱᖁᔭᓐᓂᒃ ᐊᑭᕋᖅᑐᓕᓚᐅᖅᐳᑦ ᐱᓂᖅᓴᐅᓕᖅᓗᑎᒃ ᐃᓅᖃᑎᒌᒡᔪᐊᓕᒫᓂᑦ, ᓈᓚᒍᓐᓇᖏᓐᓂᖅᓴᐅᓪᓗᑎᒡᓗ ᒪᓕᒃᑕᐅᖁᔭᓐᓂᒃ ᓄᓇᓕᒡᔪᐊᓂᑦ ᐊᕙᑖᓃᑦᑐᓂᑦ, ᔨᕉᓴᓕᒥᐅᑦ ᐱᖁᔭᓐᓂᒃ ᖁᔭᓈᖅᓯᓚᐅᖅᐳᑦ ᒪᓕᒍᒪᓇᑎᒡᓗ ᒪᓕᒃᑕᐅᖁᔭᓐᓂᒃ. 7ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᖅᐳᖅ: ᐱᖁᔭᓐᓂᒃ ᓈᓚᖏᓐᓂᖅᓴᐅᓯᒪᖓᑦᓯ ᐃᓅᖃᑎᒌᒡᔪᐊᓂᑦ ᐊᕙᑎᑦᓯᓐᓃᑦᑐᓂᑦ, ᒪᓕᒃᑕᐅᖁᔭᓐᓂᒡᓗ ᒪᓕᒃᓯᒪᓇᓯ, ᐱᖁᔭᒃᑲᓗ ᐊᑐᕐᖕᓇᒋᑦ, ᐃᓅᖃᑎᒌᒡᔪᐊᓂᒡᓕ ᒪᓕᒃᓴᕐᖕᓂᑰᕗᓯ ᐃᓕᖅᑯᓯᖏᓐᓂᒡᓗ ᒪᓕᓕᖅᓗᓯ. 8ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᖅᐳᖅ: ᑕᑯᒋᑦ, ᐅᕙᖓ ᓇᖕᒥᓂᖅ ᐊᑭᕋᖅᑐᓕᖅᐸᑦᓯ; ᓱᒋᐊᕐᖕᓂᐊᖅᐸᑦᓯ ᐃᓅᖃᑎᒌᒡᔪᐊᑦ ᑕᑯᓐᓇᖅᑎᓪᓗᒋᑦ. 9ᓇᕐᕈᒋᔭᓐᓂᒃ ᐃᓕᖅᑯᓯᖃᖃᑦᑕᖅᓯᒪᓂᑦᓯᓐᓄᑦ ᓱᒋᐊᕐᖕᓂᐊᖅᐸᑦᓯ ᐊᑐᓚᐅᖅᓯᒪᓐᖏᑕᓐᓂᒃ, ᑍᒫᒡᓗ ᓱᒋᐊᖅᓯᒃᑲᓐᓂᕐᖕᓂᐊᕐᖕᓇᖓ ᑭᖑᓂᖓᒍᑦ. 10#ᐅᒡᒍᐊᕐᖕᓃᑦ 4:10.ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᖅᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᖕᒥᓗᑎᒃ; ᑍᒫᒃ ᓱᒋᐊᕈᒫᖅᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᖅᐳᑦ ᐊᓄᕆᓕᒫᓄᑦ.
11“ᑍᒤᒻᒪᑦ, ᐆᒪᒐᒪ, ᐊᑕᓂᖅ ᒎᑎ ᐅᖃᖅᐳᖅ, ᐃᑦᔪᕐᖕᓁᑦᑐᕕᖁᑎᒐ ᓇᕐᕈᓇᖅᓯᑎᓚᐅᕋᑦᓯᐅᒃ ᐱᐅᖏᑦᑐᓂᒃ ᓇᕐᕈᓇᖅᑐᓂᒡᓗ ᐱᓂᐊᕐᖕᓂᖃᕐᖕᓂᑦᓯᓐᓄᑦ, ᑍᒤᒻᒪᑦ ᑐᖁᕋᕈᒫᖅᐸᑦᓯ; ᑕᑯᔭᓕᒫᓐᓂᒃ ᐊᒥᐊᒃᑯᖏᓪᓗᖓ, ᓂᑲᒋᔪᒫᓐᖏᓚᑦᓯᓗ. 12ᐃᓅᖃᑎᑦᓯ ᐱᖓᔪᓪᓗᐊᖏᑦ ᐋᓐᓂᐊᓇᖅᑐᒧᑦ ᑐᖁᕋᕈᒫᖅᐳᑦ ᑳᖕᓇᖅᑐᕐᔪᐊᒧᓪᓗ ᐱᖅᓕᕋᖅᓗᑎᒃ ᐊᑯᓐᓇᑦᓯᓐᓂ; ᐃᓅᖃᑎᑦᓯ ᐱᖓᔪᒋᖕᒥᔭᖏᑦ ᑐᖁᕋᖅᑕᐅᔪᒫᖅᐳᑦ ᓴᕕᒡᔪᐊᒧᑦ ᐊᕙᑎᑦᓯᓐᓂ; ᐱᖓᔪᒋᖕᒥᔭᖏᑦ ᓯᐊᒻᒪᖅᑎᓪᓗᒋᑦ ᐊᓄᕆᓕᒫᓄᑦ ᑎᒃᑕᐅᕋᖅᑎᑦᓱᒫᖅᐸᒃᑲ ᓴᕕᒡᔪᐊᕐᓗ ᐴᖓᓂᑦ ᐊᒧᓗᒍ ᒪᓕᒍᒫᖅᐸᒃᑲ ᕿᒫᑎᓪᓗᒋᑦ.
13“ᑍᒫᒃ ᓂᓐᖓᐅᒪᓂᕋ ᐊᐅᓚᓂᖃᕈᒫᖅᐳᖅ, ᓂᓐᖓᕕᒡᔪᐊᕐᖕᓂᕋᓗ ᑖᒃᑯᓄᖓ ᑐᕌᕈᒫᖅᐳᖅ ᐱᔭᕇᓚᐅᖏᓐᓂᓐᓂ; ᑖᒃᑯᐊ ᖃᐅᔨᓕᕈᒫᖅᐳᑦ ᐅᕙᖓ ᐊᑕᓂᐅᔪᖓ ᐅᖃᓪᓚᒃᓯᒪᒐᒪ ᓯᖕᓇᓂᕐᖕᒧᑦ, ᓂᓐᖓᒡᕕᖃᖅᓯᒪᓂᕐᖕᒧᓪᓗ ᐱᓇᓱᐊᖅᓯᒪᓂᓐᓂᒃ ᑖᒃᑯᓄᖓ. 14ᓱᓇᐅᔪᓐᓃᖅᑎᑦᓱᒫᖅᐸᑦᓯ ᐃᓅᖃᑎᒌᒡᔪᐊᓪᓗ ᐊᕙᑎᑦᓯᓐᓃᑦᑐᑦ ᐃᓕᑦᓯᓐᓄᑦ ᐊᖅᑯᓵᖅᓗᑎᒃ ᑕᑯᔭᕌᖓᒥᒃ ᒥᑕᐅᑎᒃᓴᖃᑦᑕᓕᕈᒫᖅᐳᑦ.
15“ᓇᕐᕈᓇᖅᓯᔪᒫᖅᐳᓯ ᒥᑕᐅᑎᒃᓴᐅᓕᖅᓗᓯᓗ, ᐃᓂᖅᑎᕈᑎᒃᓴᐅᓗᓯ ᑲᑉᐱᐊᓵᕆᑦᔪᑎᒃᓴᐅᓗᓯᓗ ᐃᓅᖃᑎᒌᒡᔪᐊᓄᑦ ᐊᕙᑎᑦᓯᓐᓃᑦᑐᓄᑦ, ᐃᖅᑲᖅᑐᐃᓕᕈᒪ ᓂᓐᖓᐅᒪᓂᒃᑯᑦ ᓂᓐᖓᕕᒡᔪᐊᖅᓯᒪᓂᒃᑯᓪᓗ, ᓱᒋᐊᖅᓯᓂᒃᑯᑦ ᑲᑉᐱᐊᓇᖅᑐᑎᒍᑦ, ᐅᕙᖓ ᐊᑕᓂᖅ, ᐅᖃᖅᐳᖓ. 16ᑳᖕᓇᖅᑐᕐᔪᐊᓪᓗ ᖃᕐᔪᖏᓐᓄᑦ ᐱᓯᒋᐊᖃᑦᑕᓕᕈᒪ, ᖃᕐᔪᓄᑦ ᐊᓯᕈᐃᔪᓄᑦ, ᐱᒋᐊᕈᒫᖅᐸᑦᓯ ᓄᖑᑕᐅᖁᓪᓗᓯ, ᑳᖕᓇᖅᑐᕐᔪᐊᓄᑦ ᑭᖑᓕᕇᓄᑦ ᑎᑭᑕᐅᑎᑦᓱᒫᖅᐸᑦᓯ, ᓂᐊᖂᔭᒃᓴᖁᑎᓯᓗ ᐊᔭᐱᕐᕕᒋᕙᒃᑕᓯ ᓄᖑᓪᓗᒋᑦ. 17#ᑕᑯᑎ 6:8.ᑳᖕᓇᖅᑐᕐᔪᐊᒧᑦ ᐆᒪᔪᓄᓪᓗ ᐃᖅᓯᓇᖅᑐᓄᑦ ᑎᑭᑕᐅᑎᑦᓱᒫᖅᐸᑦᓯ, ᑕᒪᒃᑯᓄᖓᑦ ᕿᑐᕐᖎᔭᖅᑕᐅᔪᒫᖅᐳᓯ; ᐋᓐᓂᐊᓇᖅᑐᓄᑦ ᑐᖁᕋᖅᑕᐅᓂᕐᖕᓄᓪᓗ ᐊᖅᑯᓵᖅᑕᐅᔪᒫᖅᐳᓯ; ᐅᓇᑕᕐᖕᓂᒃᑯᓪᓗ ᑐᖁᕋᖅᑕᐅᔪᒫᖅᐳᓯ. ᐅᕙᖓ, ᐊᑕᓂᖅ, ᑍᒫᒃ ᐅᖃᖅᐳᖓ.”
Currently Selected:
ᐃᓯᑭᐊᓕᐅᑉ ᐊᒡᓚᖏᑦ 5: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
