ᒨᓯᓯ ᐂᑉᐸᖏᑦ 7
7
1ᐊᑕᓂᕐᓕ ᒨᓯᓯᒧᑦ ᐅᖃᕐᐳᖅ, “ᒎᑎᑐᑦ ᐃᓱᒪᒋᔭᐅᓕᕐᑎᓐᓂᐊᕐᐸᒋᑦ ᐊᖓᔪᖅᑳᕐᔪᐊᕐᒧᑦ, ᐊᖓᔪᐃᓪᓗ ᐂᕉᓂ ᐅᖃᕐᑎᐅᓂᐊᕐᐳᖅ ᐊᖓᔪᖅᑳᕐᔪᐊᕐᒧᑦ ᐃᓕᖕᓄᑦ ᐅᖃᕐᑎᒋᔭᐅᔪᑐᑦ. 2ᐂᕉᓂ ᐅᖃᐅᑎᓐᓂᐊᕐᐸᑦ ᐊᑐᕐᑕᐅᖁᔭᓕᒫᓐᓂᒃ ᐃᓕᖕᓄᑦ. ᐂᕉᓂᐅᓪᓗ ᐊᖓᔪᖅᑳᕐᔪᐊᖅ ᐅᖃᐅᑎᓂᐊᕐᐸᑦ ᐊᐅᓪᓚᕐᑎᑦᓯᖁᓗᒍ ᐃᓴᕆᐊᓕᒥᐅᓂᒃ, ᓄᓇᒥᓂᑦ. 3#ᐋᐴᓯᑕᓖᑦ 7:36.ᐊᖓᔪᖅᑳᕐᔪᐊᕐᓕ ᐱᔭᕐᓂᕈᓐᓁᕐᑎᓐᓂᐊᕐᐸᕋ ᐄᑦᔨᑉᑎᒥᐅᓄᑦ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐅᓄᕐᑐᓂᒃ ᑎᑭᑎᑦᓯᓯᒪᒐᓗᐊᕐᑎᓪᓗᖓ ᓈᓚᒍᓐᓇᖁᓇᒍ ᐅᖃᐅᓯᓐᓂᒃ. 4ᑕᕝᕙ ᓂᑲᒋᖏᓪᓗᒋᑦ ᐄᑦᔨᑉᑎᒥᐅᑦ ᓱᒋᐊᕐᓂᐊᕐᐸᒃᑲ ᐃᓅᖃᑎᒌᒃᑐᓪᓗ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᖓᓐᓂᑦ. 5ᐄᑦᔨᑉᑎᒥᐅᓪᓗ ᖃᐅᔨᓕᕐᓂᐊᕐᐳᑦ ᐊᑕᓂᐅᓂᓐᓂᒃ ᓱᒋᐊᕈᒃᑭᑦ ᐃᓴᕆᐊᓕᒥᐅᓪᓗ ᓄᓇᖓᓐᓂᑦ ᐊᐅᓪᓚᕐᑎᒃᑯᒃᑭᑦ.” 6ᒨᓯᓯᒃᑯᒃ ᐂᕉᓂᒃᑯᒃ ᐊᑕᓂᐅᑉ ᐊᑐᕐᑕᐅᖁᔭᖓᓂᒃ ᐱᓇᓱᐊᓚᐅᕐᐳᒃ. 7ᐊᖓᔪᖅᑳᕐᔪᐊᕐᒧᓪᓗ ᐅᖃᓕᕆᐊᕈᑎᒥᖕᓂ ᒨᓯᓯ ᐊᕐᕌᒍᖃᓕᓚᐅᕐᐳᖅ 80ᓂᒃ ᐂᕉᓂᓗ 83ᓂᒃ.
ᐂᕉᓂᐅᑉ ᐊᔭᐅᑉᐱᐊᖓ
8ᐊᑕᓂᖅ ᐅᖃᕐᐳᖅ ᒨᓯᓯᒧᑦ ᐂᕉᓂᒧᓪᓗ, 9“ᐰᕉᒧᑦ ᐅᖃᐅᑦᔭᐅᒍᑦᓯᒃ, ‘ᓱᓕᓂᑦᓯᖕᓂᒃ ᓇᓗᓁᕐᓯᓚᐅᕆᑦᓯᒃ ᑲᒪᓇᕐᑐᓕᓂᒃᑯᑦ.’ ᑕᕝᕙ ᐂᕉᓂᒧᑦ ᐅᖃᕐᑐᒃᓴᐅᕗᑎᑦ, ‘ᐊᔭᐅᑉᐱᐊᑦ ᐃᓕᓚᐅᕈᒃ ᐰᕉᑉ ᓵᖓᓄᑦ, ᖁᒡᓗᒋᐊᓐᖑᖁᓪᓗᒍ.’” 10ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒧᐊᕐᐴᒃ ᐱᓇᓱᐊᕐᓗᑎᒡᓗ ᐊᑕᓂᕐᒧᑦ ᐱᓇᓱᐊᖁᔭᐅᓂᕆᔭᒥᖕᓂᒃ; ᐂᕉᓂᐅᓪᓗ ᐊᔭᐅᑉᐱᐊᓂ ᐃᓕᖕᒪᒍ ᐰᕉᑉ ᐱᔨᖏᑕᓗ ᓵᖓᓄᑦ, ᑕᕝᕙ ᖁᒡᓗᒋᐊᓐᖑᕐᐳᖅ. 11ᑕᕝᕙ ᐰᕉ ᐃᓕᓯᒪᔪᖁᑎᒥᓂᒃ ᐊᖓᒃᑯᖁᑎᒥᓂᒡᓗ ᐄᑦᔨᑉᑎᒥᐅᓂᒃ ᕾᖁᔨᓚᐅᕐᐳᖅ; ᑖᒃᑯᐊᑦᑕᐅᖅ ᑍᒤᓕᐅᓚᐅᕆᕗᑦ. 12ᐊᑐᓂᓪᓗ ᐊᔭᐅᑉᐱᐊᒥᖕᓂᒃ ᐃᓕᓯᖕᒪᑕ, ᑕᒪᕐᒥᒃ ᖁᒡᓗᒋᐊᓐᖑᕐᐳᑦ. ᐂᕉᓂᐅᓪᓕ ᐊᔭᐅᑉᐱᐊᖓᑕ ᑖᒃᑯᐊ ᐊᔭᐅᑉᐱᐊᖏᑦ ᓂᕆᕔᑦ. 13ᑭᓯᐊᓂᓕ ᐰᕉᑉ ᐃᓱᒪᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒐᓂ; ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.
ᐄᑦᔨᑉᑎᒥᐅᑦ ᐊᓯᕈᕐᑕᐅᕙᓪᓕᐊᓯᒋᐊᕐᓂᖓ
ᐊᐅᒃ
14ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᐰᕉᑉ ᐆᒻᒪᑎᖓ ᓯᑎᔫᑎᑕᐅᖕᒪᑦ, ᐃᓄᖕᓂᒃ ᐊᐅᓪᓚᖁᔨᓐᖏᓚᖅ. 15ᑍᒤᒻᒪᑦ ᐅᓪᓛᒃᑯᑦ ᐰᕉ ᐅᐸᓛᕐᐸᑦ, ᑰᖕᒧᑦ ᐃᒪᕐᒧᐊᓕᕐᐸᑦ; ᑰᑉ ᑭᒡᓕᖓᓂ ᐃᒃᐱᐅᒐᕐᒥ ᐅᑕᖅᑭᓂᐊᕐᐸᑦ, ᐊᔭᐅᑉᐱᐊᖅ ᖁᒡᓗᒋᐊᓐᖑᓚᐅᕐᑐᖅ ᓇᒃᓴᕐᓗᒍ. 16ᑖᑦᓱᒧᖓᓗ ᐅᖃᕐᑐᒃᓴᐅᕗᑎᑦ, ‘ᐊᑕᓂᐅᑉ ᐄᑉᐳᕈᐃᒃᑯᑦ ᒎᑎᖓᑦᑕ, ᑖᑦᓱᒪ ᐃᓕᖕᓄᑦ ᑎᓕᕚᖓ, ᐅᖃᕆᐊᕐᑐᖁᓪᓗᖓ, “ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐃᓄᖃᖏᑦᑐᒥ ᐅᕙᓐᓂᒃ ᑐᒃᓯᐊᕐᕕᖃᕈᓐᓇᖁᓪᓗᒋᑦ; ᑭᓯᐊᓂᓕ ᓱᓕ ᑕᒪᑐᒥᖓ ᓈᓚᓚᐅᓐᖏᓚᑎᑦ.” 17#ᑕᑯᑎ 16:4.ᐊᑕᓂᖅ ᐅᖃᕐᐳᖅ, “ᐱᓇᓱᐊᕐᓂᕆᓂᐊᕐᑕᓐᓄᑦ ᑐᑭᓯᑎᑕᐅᓂᐊᕐᐳᑎᑦ ᐅᕙᖓ ᐊᑕᓂᐅᓂᓐᓂᒃ: ᑕᑯᒋᑦ ᑰᒃ ᐊᓇᐅᓂᐊᕐᐸᕋ ᐊᔭᐅᑉᐱᐊᓐᓄᑦ ᑎᒍᒥᐊᕐᑕᓐᓄᑦ, ᐃᒪᕐᓗ ᑕᕝᕙ ᐊᐅᓐᖑᕐᓂᐊᕐᐳᖅ. 18ᑕᒪᑐᒪᓗ ᐃᖃᓗᖏᑦ ᑐᖁᓂᐊᕐᐳᑦ, ᑰᒡᓗ ᑕᒪᓐᓇ ᑎᐱᓗᓕᕐᓂᐊᕐᐳᖅ ᑎᐱᓗᓕᕐᓂᖓᓄᓪᓗ ᐄᑦᔨᑉᑎᒥᐅᑦ ᑕᒫᓐᖓᑦ ᐃᒥᕈᓐᓁᓪᓕᓂᐊᕐᐳᑦ.”’”
19ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ, ‘ᐊᔭᐅᑉᐱᐊᑦ ᑎᒍᓗᒍ ᐃᓵᓚᐅᕆᑦ ᐄᑦᔨᑉᑎᐅᑉ ᐃᒪᖏᓐᓄᑦ, ᑰᖏᓐᓄᑦ, ᑰᓕᐊᕆᓯᒪᔪᓄᓪᓗ, ᑕᓯᖏᓐᓄᓪᓗ, ᐃᒥᕐᑕᕐᕕᖁᑎᖏᓐᓄᓪᓗ ᑕᒤᓐᓄᑦ, ᑕᒪᕐᒥᒃ ᐊᐅᖑᓕᖁᓪᓗᒋᑦ; ᐄᑦᔨᑉᑎᐅᑉ ᓄᓇᖓ ᑕᒪᕐᒥᑦᓯᐊᖅ ᑕᕝᕙ ᐊᐅᓐᖑᕐᓂᐊᕐᐳᖅ, ᐊᒡᓛᑦ ᕿᔪᐃᑦ ᐃᒪᖃᐅᑏᑦ ᐅᔭᕅᓪᓗ ᐃᒪᖃᐅᑏᑦ ᑕᒪᕐᒥᒃ ᐊᐅᓐᖑᕐᓂᐊᕐᐳᑦ.’”
20ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᑕᒪᑐᒥᖓ ᐱᓇᓱᐊᓚᐅᕐᐳᒃ ᐊᑕᓂᐅᑉ ᐱᖁᓚᐅᕐᑕᖓᓂᒃ; ᐰᕉᑉ ᓵᖓᓂ ᐱᔨᒋᔭᖏᑕᓗ ᓵᖓᓂ, ᐊᔭᐅᑉᐱᐊᖁᑎᓂ ᐃᓴᐅᑎᓚᐅᕐᓗᒍ ᑰᑉ ᐃᒪᖓ ᐊᓇᐅᕚ, ᑕᕝᕙᓗ ᐃᒪᓕᒫᖅ ᑕᒪᓐᓇ ᐊᐅᓐᖑᕐᐳᖅ. 21ᐃᖃᓗᐃᓪᓗ ᑰᖕᒦᑦᑐᑦ ᑐᖁᕗᑦ; ᑰᒡᓗ ᑎᐱᓗᓕᕐᒪᑦ, ᐄᑦᔨᑉᑎᒥᐅᑦ ᑕᒫᓐᖓᑦ ᑰᖕᒥᑦ ᐃᒥᕈᓐᓁᓪᓕᕗᑦ; ᐄᑦᔨᑉᑎᒥᐅᑦ ᓄᓇᓕᒫᖓ ᐊᐅᖑᖏᑦᑐᕐᑕᖃᕈᓐᓃᓚᐅᕐᒪᑦ. 22ᐄᑦᔨᑉᑎᐅᓪᓕ ᐊᖓᒃᑯᖁᑎᖏᑦ ᑍᒤᓕᐅᕐᑎᑦᓯᔪᓐᓇᓚᐅᕆᕗᑦ; ᑍᒤᒻᒪᑦ ᐰᕉᑉ ᐆᒻᒪᑎᖓ ᓱᓕ ᓯᑎᔫᒋᐊᓪᓚᑐᐃᓐᓇᓚᐅᕐᐳᖅ, ᑖᒃᑯᓂᖓᓗ ᓈᓚᒍᒪᓇᓂ, ᓲᕐᓗ ᐊᑕᓂᐅᑉ ᑍᒫᒃ ᐅᖃᐅᓯᕆᓚᐅᕐᒪᒍ ᑍᒤᓐᓂᐊᕐᓂᕋᕐᓗᒍ. 23ᑍᒤᒻᒪᑦ ᐰᕉ ᑕᕝᕙᓐᖓᑦ ᕿᒪᕉᑎᓕᕋᒥ ᐊᖏᕐᕋᕐᐳᖅ, ᑕᒪᑐᒧᖓᓗ ᐊᒡᓛᑦ ᐃᓱᒪᖓ ᐊᐅᓚᑦᔭᒃᑕᐅᓚᐅᓐᖏᓚᖅ. 24ᐄᑦᔨᑉᑎᒥᐅᓪᓕ ᑰᑉ ᓯᓈᓂ ᐃᑎᕐᓴᓕᐅᕆᖃᑦᑕᓚᐅᕐᐳᑦ ᐃᒪᕐᓯᐅᕐᓗᑎᒃ, ᑕᒪᓐᓇ ᑰᒃ ᐃᒥᕐᕕᒃᓴᐅᔪᓐᓃᕐᒪᑦ.
25ᐅᓪᓗᓂᒡᓗ 7ᓂᒃ ᐃᒥᖅ ᑍᒤᑦᑑᓚᐅᕐᐳᖅ ᐊᑕᓂᐅᑉ ᑰᖕᒥᒃ ᐊᓇᐅᓯᓚᐅᕐᓂᖓᓂᑦ.
Currently Selected:
ᒨᓯᓯ ᐂᑉᐸᖏᑦ 7: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
