ᒨᓯᓯ ᐂᑉᐸᖏᑦ 13
13
ᐊᖓᔪᒃᓯᕐᐹᖁᑎᒋᔭᐅᔪᓂᒃ ᑐᓂᕐᕈᑎᖃᕐᓂᖅ
1ᐊᑕᓂᖅ ᐅᖃᕐᐳᖅ ᒨᓯᓯᒧᑦ, 2#ᒨᓯᓯ ᓯᑕᒪᖏᑦ 3:13; ᓘᑲᓯ 2:23.“ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᐅᔪᒃᓴᐅᕗᑦ ᐅᕙᓐᓄᑦ; ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᐃᓴᕆᐊᓕᒥᐅᓂ ᐆᒪᔪᓂᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑕᒪᕐᒥᒃ ᐱᖁᑎᒋᕙᒃᑲ.”
ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓇᓪᓕᐅᓐᓂᕐᓯᐅᕐᓂᖓᑦ
3ᒨᓯᓯᓗ ᐅᖃᕐᐳᖅ ᐃᓄᖕᓄᑦ, “ᐅᓪᓗᖅ ᑖᓐᓇ ᐃᖅᑲᐅᒪᔭᐅᔪᒃᓴᐅᕗᖅ, ᑕᕝᕙᓂ ᐅᓪᓗᒥ ᐊᐅᓪᓚᕐᑎᑕᐅᓚᐅᕋᑦᓯ ᐄᑦᔨᑉᑎᒥᑦ, ᕿᓚᒃᓱᕐᑕᐅᓯᒪᕕᒋᔭᑦᓯᓐᓂᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᑕᕝᕙᓐᖓᑦ ᐊᓂᑎᑕᐅᓚᐅᕋᑦᓯ; ᑍᒤᒻᒪᑦ ᑕᕝᕙᓂ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕆᓗᓯ. 4ᑕᕝᕙᓂ ᐅᓪᓗᒥ ᐊᐅᓪᓚᓚᐅᕐᐳᓯ, ᑕᖅᑭᒥ ᐊᐱᑉᒥᒃ ᐊᑎᓕᖕᒥ. 5ᐊᑕᓂᐅᑉ ᓱᓕᓪᓚᕆᒃᑐᒥᒃ ᐊᖏᕐᕕᒋᓯᒪᖕᒪᒋᑦ ᓯᕗᓕᕕᓂᓯ ᓄᓇᒥᒃ ᑕᒪᑐᒥᖓ ᑬᓇᓂᒥᐅᑦ ᓄᓇᖓᓂᒃ ᑐᓂᓯᕕᒋᔪᒪᓪᓗᒋᑦ, ᕼᐃᑍᑎᒥᐅᓪᓗ ᓄᓇᖓᓂᒃ, ᐊᒧᕅᑎᒥᐅᓪᓗ ᓄᓇᖓᓂᒃ, ᕼᐃᕔᑎᒥᐅᓪᓗ ᓄᓇᖓᓂᒃ, ᔨᐳᓮᑎᒥᐅᓪᓗ ᓄᓇᖓᓂᒃ, ᑕᒪᓐᓇ ᓄᓇ ᐱᕈᕐᑐᓂ ᐊᔪᕐᓴᕐᓇᖏᑦᓯᐊᕐᒪᑦ, ᑍᒤᒻᒪᑦ ᐊᕐᕌᒍᑕᒫᑦ ᓇᓪᓕᐅᓐᓂᕐᓯᐅᕐᑕᒃᓴᕆᕙᓯ ᖁᕕᐊᓲᑎᒋᓗᒍ ᑕᕝᕙᓂ ᑕᖅᑭᒥ. 6ᐅᓪᓗᓂᒃ 7ᓂᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕿᖃᕐᑐᒃᓴᐅᕗᓯ; ᐅᓪᓗᓪᓕ 7ᒋᓕᕐᐸᒍ ᑕᕝᕙ ᐊᑕᓂᕐᒧᑦ ᐅᐱᒍᓲᑎᒋᔭᐅᔪᒃᓴᐅᕗᖅ. 7ᐅᓪᓗᓂᒃ 7ᓂᒃ ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ; ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᐃᒡᓗᑦᓯᓐᓃᑦᑐᖃᕐᑐᒃᓴᐅᓐᖏᓚᖅ, ᐳᕙᓪᓚᕐᓴᐅᒥᒡᓘᓐᓃᑦ ᓇᓂᓕᒫᖅ ᓄᓇᑦᓯᓐᓃᑦᑐᑲᕐᑐᒃᓴᐅᖏᓚᖅ. 8ᐅᓪᓗᒥᓗ ᑕᕝᕙᓂ ᐃᕐᓂᓯ ᐅᓂᒃᑲᐅᑎᔭᒃᓴᕆᕙᓯ, ‘ᐊᑕᓂᐅᑉ ᐱᓇᓱᐊᕐᓯᒪᓂᖓᓄᑦ ᑭᓯᐊᓂ ᑕᕝᕙ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓯᒪᕗᖓ.’ 9ᑕᒪᒃᑯᐊᓗ ᑎᑎᕋᕐᓯᒪᓗᑎᒃ ᓇᓗᓁᒃᑯᑕᐅᔪᒃᓴᐅᕗᑦ ᕿᓚᒃᓯᒪᓗᒋᑦ ᐊᒡᒐᑦᓯᓐᓄᑦ, ᐃᖅᑲᐅᒪᑦᔪᑎᒃᓴᐅᓗᑎᒡᓗ ᖃᐅᑦᓯᓐᓂ; ᐊᑕᓂᐅᑉ ᐱᖁᔭᖓᓂᒃ ᐳᐃᒍᖁᓇᓯ; ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓄᑦ ᐄᑦᔨᑉᑎᒥᑦ ᐊᓂᑎᑕᐅᓚᐅᕋᑦᓯ. 10ᑍᒤᒻᒪᑦ ᑕᒪᓐᓇ ᓇᓪᓕᐅᓐᓂᕐᓯᐅᕐᓂᐅᔪᖅ ᐊᑐᒐᒃᓴᕆᕙᓯ ᐊᕐᕌᒍᑕᒫᑦ ᓇᓪᓕᐅᓐᓂᖓ ᓇᓪᓕᐅᑎᔭᕌᖓᑦ.”
ᐊᖓᔪᒃᓯᕐᐹᖁᑎᒋᔭᐅᔪᑦ
11“ᐊᑕᓂᐅᓪᓗ ᑬᓇᓂᒥᐅᑉ ᓄᓇᖓᓄᑦ ᑎᑭᑎᓚᐅᕐᐹᓯ, ᐊᖏᕈᑎᒋᓯᒪᔭᒥᓂᒃ ᓯᕗᓕᕕᓂᑦᓯᓐᓄᑦ ᐃᓕᑦᓯᓐᓄᓪᓗ ᑐᓂᓂᐊᕐᓂᕋᓚᐅᕐᑕᒥᓄᑦ, 12#ᒨᓯᓯ ᐂᑉᐸᖏᑦ 34:19,20; ᓘᑲᓯ 2:23.ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᒃᓴᕆᕙᓯ ᐊᑕᓂᕐᒧᑦ. ᐆᒪᔪᖁᑎᑦᓯᓗ ᐃᕐᓂᐊᕆᖅᑳᕐᑕᖏᑦ ᐊᖑᑎᑦ ᐊᑕᓂᐅᑉ ᐱᖁᑎᒋᕔᑦ. 13ᓯᐅᑎᖅᑯᕐᑐᔪᒥᓪᓗ ᐃᕐᓂᐊᖑᖅᑳᕐᑐᑦ ᑕᐅᕐᓯᕐᑕᐅᖔᕈᓐᓇᕐᐳᑦ ᓄᕐᕋᐅᔭᕐᒧᑦ, ᐅᕝᕙᓗ ᑕᐅᕐᓯᐅᑎᓂᐊᖏᒃᑯᑦᓯᐅᒃ ᑐᖁᑕᒃᓴᕆᕙᓯ. ᐊᖑᑎᓕᒫᑦ ᐃᕐᓂᐊᖑᖅᑳᕐᓯᒪᔪᑦ ᑕᐅᕐᓯᕐᑕᐅᑎᑦᓱᓐᓇᕐᐸᓯ. 14ᓯᕗᓂᕐᒥᓕ ᐃᕐᓂᑦᓯᓐᓄᑦ ᐊᐱᕆᔭᐅᒍᑦᓯ, ‘ᖃᓄᖅ ᒪᓐᓇ ᑐᑭᖃᕐᑐᖅ?’ ᑕᕝᕙ ᐅᖃᐅᑎᔭᒃᓴᕆᕙᑦ, ‘ᐊᑕᓂᐅᑉ ᐱᔪᓐᓇᕐᓂᖓᒍᑦ ᐊᓂᑎᑕᐅᓯᒪᒐᑦᑕ ᐄᑦᔨᑉᑎᒥᑦ, ᕿᓚᒃᑕᐅᓯᒪᕕᒋᔭᑦᑎᓐᓂᑦ. 15ᐰᕉᖅ ᐅᕙᑦᑎᓐᓂᒃ ᐊᐅᓪᓚᖁᔨᖏᑦᑐᐊᓘᑎᓪᓗᒍ, ᐊᑕᓂᐅᑉ ᐄᑦᔨᑉᑎᒥᐅᓂ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᖁᑎᓚᐅᕐᐰᑦ, ᐊᑕᖏᕐᓗᒋᑦ ᐃᓅᒐᓗᐊᕐᐸᑦ ᐆᒪᔫᒐᓗᐊᕐᐸᓪᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ. ᑍᒤᒻᒪᑦ ᐊᑕᓂᕐᒧᑦ ᑐᓂᕐᕈᑎᖃᕐᐳᖓ ᐊᖑᑎᓂ ᐃᕐᓂᐊᖑᖅᑳᕐᓯᒪᔪᓂᒃ; ᑭᓯᐊᓂᓕ ᐃᕐᓂᓐᓂ ᐃᕐᓂᐊᖑᖅᑳᕐᓯᒪᔪᑦ ᑕᐅᕐᓯᐅᑎᓯᒪᕙᒃᑲ.’ 16ᑕᒪᒃᑯᐊᓗ ᐃᕐᓂᐊᖑᖄᕐᓯᒪᔪᓕᒫᑦ ᓇᓗᓁᒃᑯᑕᖏᑦ ᐃᓕᓯᒪᔪᒃᓴᐅᕗᑦ ᐊᒡᒐᑦᓯᓐᓂ ᐅᕝᕙᓗ ᖃᐅᑦᓯᓐᓂ; ᐊᑕᓂᐅᑉ ᐱᔪᓐᓇᕐᓂᕐᔪᐊᒥᓄᑦ ᐊᐅᓪᓚᕐᑎᓚᐅᕐᒪᑎᒍᑦ ᐄᑦᔨᑉᑎᒥᑦ.”
ᓄᕗᔭᕐᔪᐊᖅ ᑕᑭᔪᑯᑖᒃ ᖁᒻᒧᑦ ᐃᑯᐊᓚᔪᕐᔪᐊᕐᓗ ᑕᑭᔪᑯᑖᒃ ᖁᒻᒧᑦ
17ᐰᕉᓪᓕ ᐃᓄᐃᑦ ᐊᐅᓪᓚᖁᓕᕐᒪᒋᑦ, ᒎᑎᐅᑉ ᑕᓯᐅᓚᓐᖏᓔᑦ ᐱᓕᔅᑍᓂᒥᐅᑦ ᓄᓇᖓᒍᑦ, ᑕᒪᓐᓇᓕ ᖃᓂᒋᓈᓚᐅᕋᓗᐊᕐᐹᑦ; ᒎᑎ ᐅᖃᓚᐅᕐᒪᑦ, “ᐃᓄᐃᑦ ᐅᓇᑕᕐᑐᓂᒃ ᑕᑯᓕᕈᑎᒃ ᐃᓱᒪᖏᑦ ᓴᖑᒐᔭᕐᒪᑕ, ᐄᑦᔨᑉᑎᒧᓪᓗ ᐅᑎᑐᐃᓐᓇᕆᐊᖃᕐᓗᑎᒃ.” 18ᒎᑎᐅᓪᓕ ᐃᓄᐃᑦ ᑕᓯᐅᓚᐅᕐᐰᑦ ᐃᓄᖃᖏᑦᑐᒃᑯᑦ ᓂᒍᕈᑎᓪᓗᓂᒋᑦ ᐃᒪᖅ ᐊᐅᐸᓗᒃᑕ ᑐᕌᕐᓗᒍ. ᐃᓴᕆᐊᓕᒥᐅᓪᓗ ᑕᐸᐅᓐᖓᓚᐅᕐᐳᑦ ᐄᑦᔨᑉᑎᐅᑉ ᓄᓇᖓᓂᑦ ᐊᓂᓪᓗᑎᒃ ᐅᓇᑕᕐᓂᕐᒧᑦ ᐅᐸᓗᖎᔭᕈᓐᓇᖁᓪᓗᒋᑦ.
19 #
ᒨᓯᓯ ᓯᕗᓪᓖᑦ 50:25; ᔮᓱᐊ 24:32. ᒨᓯᓯᐅᓪᓗ ᔫᓯᐱᐅᑉ ᓴᐅᓂᖏᑦ ᓇᒃᓴᓚᐅᕐᐰᑦ; ᔫᓯᐱᐅᑉ ᐃᓴᕆᐊᓕᒥᐅᑦ ᐃᓄᖏᑦ ᐊᒃᓱᕈᕐᓗᓂ ᐊᖏᕐᑎᓐᓇᓱᐊᓚᐅᕐᒪᒋᑦ ᑕᒪᑐᒧᖓ, ᐅᖃᕐᓗᓂ, “ᒎᑎᐅᑉ ᐅᐸᒍᒫᕐᐹᓯ; ᑍᒤᒻᒪᑦ ᑕᒫᓐᖓᑦ ᐊᐅᓚᓕᕈᑦᓯ ᓴᐅᓂᒃᑲ ᑕᒫᓐᖓᑦ ᐊᐅᓪᓚᕈᑎᔭᒃᓴᕆᕙᓯ.”
20ᐃᓴᕆᐊᓕᒥᐅᑦ ᓄᓇᒥᑦ ᓱᑰᑎᒥᑦ ᐊᐅᓪᓚᕆᕗᑦ ᑕᖕᒫᕐᓗᑎᒡᓗ ᓄᓇᒥ ᐃᑖᒻᒥ ᓯᐅᕌᓘᑉ ᑭᒡᓕᖓᓂ. 21ᐅᓪᓘᓕᕌᖓᑦ ᐊᑕᓂᖅ ᓯᕗᓂᖓᓐᓃᑉᐸᓚᐅᕐᐳᖅ ᓄᕗᔭᒥ ᓇᐸᔪᒥ ᐊᑐᕐᓂᐊᕐᑕᖓᓃᑉᐸᓚᐅᕐᐳᖅ ᓇᓗᓁᕐᓯᓯᒪᓇᓱᐊᕐᓗᓂ. ᐅᓐᓄᐊᖑᓕᕌᖓᓪᓕ ᐊᑕᓂᐅᑉ ᓯᕗᓕᓕᖃᑦᑕᓚᐅᕐᐰᑦ ᐃᑯᐊᓚᔪᒥ ᓇᐸᔪᒥ ᓯᕗᓂᕆᔭᖓᑦ ᖃᐅᒪᑎᑉᐸᒃᓗᓂᐅᒃ ᐃᖏᕐᕅᓐᓇᖁᓪᓗᒋᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ. 22ᓄᕗᔮᓗᒡᓗ ᑕᑭᑦᑐᑯᑖᒃ ᖁᒻᒧᑦ ᐃᓄᐃᑦ ᓯᕗᓂᖏᓐᓃᖏᓐᓇᕐᐸᓚᐅᕐᐳᖅ ᐅᓪᓗᒃᑯᑦ, ᐅᓐᓄᒃᑯᓪᓗ ᐃᑯᒫᓘᓕᕐᐸᒃᓗᓂ ᑕᑭᑦᑐᑯᑖᖑᓪᓗᓂ ᖁᒻᒧᑦ.
Currently Selected:
ᒨᓯᓯ ᐂᑉᐸᖏᑦ 13: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
