ᑎᒧᑎᒧᑦ ᐂᑉᐸᖏᑦ 2
2
ᔩᓱᓯ ᙭ᔅᑑᓯᐅᑉ ᐅᓇᑕᕐᑐᒃᓴᖁᑎᖓ ᓈᓚᑦᓯᐊᕐᑐᖅ
1ᐃᑉᕕᓪᓕ ᐃᕐᓃᒃ ᓴᓐᖏᔫᓕᕆᑦ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᙭ᔅᑑᓯ ᔩᓱᓯᒦᑦᑐᒃᑯᑦ, 2ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.
3ᐊᒃᓱᕈᕐᓇᕐᑐᒦᖃᑕᐅᒋᑦ ᐅᓇᕐᑕᕐᑐᒃᓴᑦᓯᐊᕙᒃᑎᑐᑦ ᙭ᔅᑑᓯ ᔩᓱᓯᒧᑦ. 4ᐅᓇᑕᕐᑐᒃᓴᖅ ᐅᓇᑕᕆᐊᕐᓯᒪᔪᖅ ᐅᓇᑕᕐᑐᒃᓴᐅᖏᑦᑐᑎᑐᑦ ᐃᓄᓯᖃᕋᓱᐊᕐᓂᐊᓐᖏᓚᖅ, ᐅᓇᑕᕐᑐᒃᓴᐅᓂᕐᒧᑦ ᐊᖓᔪᖅᑳᕆᔭᐅᔪᒧᑦ ᐊᑲᐅᒋᔭᐅᔪᒪᒐᒥ. 5ᐱᒃᑯᓴᐅᑦᔪᐊᖃᑕᐅᔪᖅ ᓵᓚᖃᕐᓂᐊᓐᖏᓚᖅ ᐱᒃᑯᓴᐅᑦᔪᐊᕐᑐᑦ ᒪᓕᒋᐊᓕᖏᓐᓂᒃ ᒪᓕᑦᓯᐊᕐᓗᓂ ᑭᓯᐊᓂ. 6ᐱᕈᕐᓰᕕᓕᕆᔨ ᐊᒃᓱᕈᕐᓗᓂ ᐱᓇᓱᐊᕐᓯᒪᔪᖅ ᐱᕈᕐᑐᓂᒃ ᓯᕗᓪᓕᕐᐹᖑᓗᓂ ᐱᑖᕐᑐᒃᓴᐅᕗᖅ. 7ᐅᖃᐅᓯᕆᔭᒃᑲ ᐃᓱᒪᒃᓴᕐᓯᐅᕈᑎᒋᒃᑭᑦ, ᐊᑕᓂᐅᑉ ᑕᒤᓐᓂᒃ ᑐᑭᓯᑎᓐᓂᐊᕐᐹᑎᑦ.
8ᐃᖅᑲᐅᒪᒍᒃ ᔩᓱᓯ ᙭ᔅᑑᓯ, ᑐᖁᖓᔪᓂᑦ ᒪᑭᓯᒪᔪᖅ, ᑍᕕᑎᐅᑉ ᑭᖑᕚᖓ, ᐅᖃᐅᓯᕐᓂ ᑐᓴᕈᒥᓇᕐᑐᓂ ᐅᖃᐅᑎᒋᕙᒃᑕᕋ, 9ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ. 10ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ. 11ᐅᖃᐅᓰᑦ ᐅᑯᐊ ᓱᓕᕗᑦ:
“ᑐᖁᖃᑎᒋᓯᒪᒍᑦᑎᒍ, ᐃᓅᖃᑎᒋᔪᒫᕆᕙᕗᑦᑕᐅᖅ;
12 #
ᒫᑎᐅᓯ 10:33; ᓘᑲᓯ 12:9. ᕿᓄᐃᓵᕈᑦᑕ, ᐊᐅᓚᑦᓯᖃᑎᒋᔪᒫᕆᕙᕗᑦ;
ᖃᐅᔨᒪᖏᓐᓂᕋᕈᑦᑎᒍ, ᖃᐅᔨᒪᖏᓐᓂᕋᕈᒫᕆᕚᑎᒍᑦᑕᐅᖅ;
13ᐅᒃᐱᖏᒃᑲᓗᐊᕈᑦᑕ, ᑖᓐᓇ ᓱᕐᕋᖕᓂᐊᓐᖏᓚᖅ,
ᐃᒻᒥᓂᒃ ᒥᓯᐊᕈᑎᒋᔪᓐᓇᖏᓐᓇᒥ.”
ᐱᔨᑦᓯᕐᑐᖅ ᓈᒻᒪᒋᔭᐅᔪᖅ
14ᑕᒪᑐᒥᖓ ᐃᖅᑬᑎᒃᑭᑦ, ᐊᑕᓂᐅᓪᓗ ᓵᖓᓂ ᐅᖃᐅᑎᒃᑭᑦ ᐂᕙᑦᔪᑎᖃᖃᑦᑕᖁᓇᒋᑦ ᐅᖃᐅᓯᑐᐃᓐᓁᑦ ᐱᑦᔪᑎᒋᓗᒋᑦ, ᑕᒪᓐᓇ ᐊᑑᑎᖃᖏᒻᒪᑦ, ᓱᕋᒍᑎᑐᐃᓐᓇᐅᖕᒪᓪᓗ ᑐᓵᔪᓄᑦ. 15ᒎᑎᒧᓪᓕ ᐃᒻᒥᓂᒃ ᑐᓂᓕᕆᑦ ᓈᒻᒪᒋᔭᐅᔪᑎᑐᑦ, ᐱᓇᓱᐊᕐᑎ ᐱᓇᓱᐊᒐᕐᒥᓂᒃ ᑲᓐᖑᓲᑎᖃᕆᐊᖃᖏᒻᒪᑦ, ᓱᓕᔪᑦ ᐅᖃᐅᓰᑦ ᐊᑐᑦᓯᐊᕐᓗᒋᑦ. 16ᐅᒃᐱᕐᓂᕐᒧᑦ ᐃᑲᔪᖏᑦᑐᓂᒃ ᐅᖃᐅᓯᓖᑦ ᐃᓚᒋᓂᐊᕐᓇᒋᑦ, ᑍᒤᓕᐅᕐᑐᑦ ᐃᓄᖕᓂᒃ ᐅᖓᓯᒃᓯᕙᓪᓕᐊᑎᑦᓯᖕᒪᑕ ᒎᑎᒥᑦ. 17ᐅᖃᐅᓯᖏᓪᓗ ᐊᒥᕐᓗᒃᑎᑐᑦ ᐅᕕᓂᖕᒥᒃ ᐃᓚᓐᖎᕙᓪᓕᐊᔪᑎᑐᑦ ᑍᒤᑉᐳᑦ. ᑍᒃᑯᑎᑐᓇᖅ ᕼᐂᒥᓂᐅᓯᑐᑦ ᐰᓖᑕᓯᑐᓪᓗ, 18ᑖᒃᑯᐊᒃ ᓱᓕᓂᕐᒥᑦ ᓴᖑᓯᒪᖕᒪᑎᒃ ᒪᑭᕝᕕᒃᓴᒥᒃ ᐊᓂᒍᕇᕐᓯᒪᓂᕅᓪᓗᑎᒃ ᐅᖃᓪᓚᖃᑦᑕᕐᓗᑎᒃ. ᐅᒃᐱᕐᑐᓪᓗ ᐃᓚᖏᓐᓂᒃ ᒪᓕᒃᓴᕐᑎᑦᓯᓯᒪᓕᕐᐴᒃ. 19#ᒨᓯᓯ ᓯᑕᒪᖏᑦ 16:5.ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”
20ᐃᒡᓗᒥ ᐊᖏᔪᒥ ᓂᕐᕆᑎᑕᖃᕐᒪᑦ ᐊᑦᔨᒌᖏᑦᑐᓂᒃ; ᐃᓚᖏᑦ ᒎᓘᕗᑦ ᐃᓚᖏᑦ ᓯᐅᓪᕕᕆᐅᓪᓗᑎᒃ, ᐃᓚᖏᓪᓕ ᕿᔫᕗᑦ ᐃᓚᖏᓪᓗ ᒪᕐᕋᐅᓪᓗᑎᒃ, ᐃᓚᖏᓪᓗ ᓇᓪᓕᐅᓐᓂᕐᓯᐅᕐᑐᖃᓕᕐᐸᑦ ᐊᑐᒐᒃᓴᓕᐊᖑᓯᒪᕗᑦ; ᐃᓚᖏᑦ ᖃᐅᑕᒫᑦ ᐊᑐᒐᒃᓴᓕᐊᕆᓯᒪᓪᓗᑎᒃ. 21ᐱᐅᖏᓐᓇᕐᑐᓂᒃ ᐊᑐᕐᑍᓕᔪᖃᕈᓐᓇᕐᐸᑦ ᑖᓐᓇ ᐊᑐᒐᒃᓴᓐᖑᕐᑎᑕᐅᓂᐊᕐᐳᖅ ᓇᓪᓕᐅᓐᓂᕐᓯᐅᕐᑐᓂ, ᓴᓂᕐᕙᒃᑕᐅᓯᒪᓂᐊᕐᐳᕐᓗ ᐊᖓᔪᖅᑳᒥᓄᑦ ᐱᓪᓚᕆᖕᒧᑦ ᐊᑐᒐᒃᓴᐅᖁᓪᓗᒍ, ᐊᑐᐃᓐᓇᐅᓗᓂ ᓱᓇᑐᐃᓐᓇᕐᓄᑦ ᐱᐅᔪᓄᑦ ᐊᑐᕐᑐᒃᓴᐅᓗᓂ. 22ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ. 23ᓯᓔᑦᑐᑦ ᐃᓚᒋᓂᐊᕐᓇᒋᑦ, ᓇᓗᓂᕐᒧᑦ ᐊᑭᕋᕐᑑᑎᓃᑦ; ᑕᒪᒃᑯᐊ ᖃᐅᔨᒪᒐᕕᒋᑦ ᐂᕙᐅᑎᓂᕐᒥᒃ ᓴᖅᑭᑎᑦᓯᑐᐃᓐᓇᕐᒪᑕ. 24ᐊᑕᓂᐅᑉ ᐱᔨᑦᓯᕐᑎᖁᑎᖓ ᐂᕙᔨᐅᔪᒃᓴᐅᖏᒻᒪᑦ ᐱᑦᓯᐊᕐᑐᒃᓴᐅᕗᕐᓕ ᐃᓅᖃᑎᓕᒫᒥᓄᑦ, ᐊᔪᕆᕐᑐᐃᑦᓯᐊᕈᓐᓇᕐᓗᓂ, ᕿᓄᐃᓵᕈᓐᓇᕐᓗᓂ, 25ᐊᑭᕋᕐᑐᕐᑎᒥᓂᒃ ᐱᑦᓯᐊᕐᓂᒃᑯᑦ ᐋᖅᑭᒋᐊᕐᓯᔪᓐᓇᕐᓗᓂ. ᒎᑎᐅᑉ ᓈᒻᒪᒋᔭᖓᒍᑦ ᓵᒋᐊᕈᓐᓇᖁᓪᓗᒋᑦ ᓱᓕᓂᕐᒥᒃ ᖃᐅᔨᓗᑎᒃ, 26ᓵᑖᓇᓯᐅᓪᓗ ᓂᒐᖓᓂᑦ ᓴᐳᑎᔭᐅᖁᓪᓗᒋᑦ, ᑖᑦᓱᒧᖓ ᑎᒍᔭᐅᓂᕐᒥᖕᓄᑦ ᐱᔪᒪᔭᖓᓂᒃ ᒪᓕᓕᓚᐅᕐᓂᕆᔭᒥᖕᓂᑦ.
Currently Selected:
ᑎᒧᑎᒧᑦ ᐂᑉᐸᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
