ᑎᒧᑎᒧᑦ ᐂᑉᐸᖏᑦ 1
1
1ᐸᐅᓗᓯᒥᑦ, ᙭ᔅᑑᓯ ᔩᓱᓯᒧᑦ ᐋᐴᓯᑕᓕᒋᔭᐅᔪᒥᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᑎᓕᔭᐅᓯᒪᔪᒥᑦ ᐅᖃᐅᓯᖃᖁᓪᓗᒍ ᐃᓅᓯᖃᕐᓇᕐᑐᒥᒃ ᙭ᔅᑑᓯ ᔩᓱᓯᒦᑦᑐᒥᒃ.
2 #
ᐋᐴᓯᑕᓖᑦ 16:1. ᐃᕐᓂᓐᓄᑦ ᑎᒧᑎᒧᑦ ᓇᒡᓕᒋᒻᒪᕆᒃᑕᓐᓄᑦ:
ᒎᑎᐅᑉ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ, ᓂᑲᒍᓱᖕᓂᖓᓂᒃ, ᓮᒻᒪᕐᑎᑦᓯᓂᖓᓂᒃᓗ.
ᖁᔭᓕᓃᑦ ᓱᖏᕐᓱᐃᓃᓪᓗ
3ᒎᑎ ᖁᔭᒋᕙᕋ ᑖᒃᓇ ᐱᔨᑦᓯᕐᑕᕋ ᐃᓱᒫᓗᑎᖃᕐᓇᖓ, ᓲᕐᓗᑦᑕᐅᖅ ᓯᕗᓕᕕᓂᒃᑲ ᑍᒤᓚᐅᕐᒪᑕ, ᑍᒪᓐᖓᑦ ᐃᖅᑲᐅᒪᖃᑦᑕᐸᒋᑦ ᑐᒃᓯᐊᓕᕌᖓᒪ ᐅᓐᓄᒃᑯᑦ ᐅᓪᓗᒃᑯᓪᓗ. 4ᖁᕝᕕᐅᕐᓂᑎᑦ ᐃᖅᑲᐅᒪᕙᒃᑲ, ᐊᖏᔪᒥᒃ ᑕᑯᔪᒪᓕᕋᓗᐊᕐᐸᒋᑦ, ᖁᕕᐊᓱᖕᓂᕐᒥᒃ ᐃᓗᒻᒥᕐᑕᐅᔪᒪᓪᓗᖓ. 5#ᐋᐴᓯᑕᓖᑦ 16:1.ᐃᖅᑲᐅᒪᒐᒪ ᓱᓕᑦᓯᐊᕐᑐᒥᒃ ᐅᒃᐱᕐᓃᖃᕋᕕᑦ, ᐊᓈᓇᑦᓯᐊᕕᑦ ᓗᐃᓯᐅᑉ ᐅᒃᐱᕐᓂᖓᑐᑦ ᐊᓈᓇᕕᓪᓗ ᔫᓁᓯᐅᑉ, ᖁᓚᖏᑦᓯᐊᕋᒪ ᐃᓕᖕᓃᓐᓂᖓᓂᒃᑕᐅᖅ. 6ᑍᒤᒻᒪᑦ ᐃᖅᑬᑎᑉᐸᒋᑦ ᐆᒻᒪᕐᑎᑦᓯᖁᓪᓗᑎᑦ ᒎᑎᒥᑦ ᑐᓂᕐᕈᓯᐊᕆᓯᒪᔭᕐᓂᒃ ᐃᓕᖕᓄᐊᓚᐅᕐᑐᒥᒃ ᐸᑎᒻᒥᓯᑎᓪᓗᖓ ᐃᓕᖕᓂᒃ. 7ᒎᑎᐅᑉ ᑐᓂᓯᕕᒋᓯᒪᖏᒻᒪᑎᒍᑦ ᐊᓂᕐᓂᕐᒥᒃ ᓯᕘᕋᔪᒥᒃ ᐊᓂᕐᓂᕐᒥᒡᓕ ᐃᓗᒻᒥᕐᑎᑉᐹᑎᒍᑦ ᐱᔪᓐᓇᕐᓂᕐᒥᒃ ᓇᒡᓕᖕᓂᕐᒥᒡᓗ ᓇᖕᒥᓂᕐᓗ ᐱᓯᒪᑦᓯᐊᕈᒃᓇᕐᑎᑦᓯᔪᒥᒃ.
8ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ. 9ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ. 10ᒫᓐᓇᓕ ᑕᒪᓐᓇ ᓴᖅᑭᑎᑕᐅᓯᒪᕗᖅ ᐱᐅᓕᔨᑦᑕ ᙭ᔅᑑᓯ ᔩᓱᓯᐅᑉ ᑎᑭᓯᒪᓂᖓᒍᑦ, ᑐᖂᑉ ᐱᔪᓐᓇᕐᓂᖓ ᐊᑐᕈᓐᓁᕐᑎᓪᓗᒍ ᐃᓅᓯᕐᒥᒃ ᓴᖅᑭᑎᑦᓯᕕᒋᕚᑎᒍᑦ ᖃᐅᒪᔪᒧᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.
11 #
1 ᑎᒧᑎ 2:7. ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᔨᐅᖁᓪᓗᖓ ᐋᐴᓯᑕᓕᐅᖁᓪᓗᖓᓗ, ᐃᓕᓮᔨᐅᖁᓪᓗᖓᓗ. 12ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ. 13ᐅᖃᐅᓰᑦ ᓱᓕᔪᑦ ᐅᕙᓐᓂᑦ ᑐᓴᕐᓯᒪᔭᑎᑦ ᑐᓐᖓᕕᒋᑦᓯᐊᕐᓗᒋᑦ ᒪᓕᒃᑭᑦ, ᐅᒃᐱᕐᓂᑯᑦ ᓇᒡᓕᖕᓂᒃᑯᓪᓗ ᙭ᔅᑑᓯ ᔩᓱᓯᒃᑯᑦ; 14ᓴᐳᑎᓯᒪᑦᓯᐊᕈᒃ ᓱᓕᔪᖅ ᐃᓕᖕᓄᑦ ᑐᓂᔭᐅᓯᒪᔪᖅ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᐃᓗᑦᑎᓐᓃᑦᑐᒃᑯᑦ.
15ᖃᐅᔨᒪᒐᕕᑦ ᐂᓯᐊᒦᑦᑐᓕᒫᑦ ᐅᕙᓐᓂᒃ ᖁᔭᓈᕐᓯᓯᒪᓕᕐᒪᑕ, ᐅᑯᐊ ᐃᓚᒋᓪᓗᒋᑦ ᐱᒋᓕᐅᓯ ᕼᐋᕐᒧᒋᓃᓯᓗ. 16ᐊᑕᓂᐅᑉ ᓈᒃᑭᒋᓕᒋᑦ ᐅᓂᓯᐳᕋᓯᒃᑯᑦ ᐃᓚᒌᑦ, ᑖᑦᓱᒪ ᐅᓄᕐᑐᐃᕐᓱᕐᓗᖓ ᐱᕙᓪᓕᕐᑎᖃᑦᑕᕐᓯᒪᖕᒪᖓ; ᑎᒍᔭᐅᓯᒪᕕᖕᒦᓐᓂᓐᓂᒃ ᑲᓐᖑᓲᑎᖃᓚᐅᖏᒻᒪᑦ. 17ᕉᒪᒧᓪᓕ ᑎᑭᓐᓇᒥ ᐅᕙᓐᓂᒃ ᕿᓂᓚᐅᕐᐳᖅ ᐊᔪᐃᓐᓇᕐᓗᓂ ᓇᓂᓚᐅᕐᐹᖓᓗ. 18ᐊᑕᓂᐅᑉ ᐱᔪᓐᓇᕐᑎᓪᓕᐅᒃ ᓈᒃᑭᒋᔭᐅᓂᕐᒥᒃ ᐊᑕᓂᕐᒥᑦ ᓇᓂᓯᖁᓪᓗᒍ ᐅᓪᓗᕐᒥ ᓇᓪᓕᐅᑦᓱᒫᕐᑐᒥ; ᖃᐅᔨᒪᕗᑎᓪᓗ ᐃᑲᔪᕐᓯᒪᓪᓚᕆᖕᓂᖓᓂᒃ ᐅᕙᓐᓄᑦ ᐃᐱᓲᓯᒥ.
Currently Selected:
ᑎᒧᑎᒧᑦ ᐂᑉᐸᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
