ᑎᓴᓗᓁᑲᒥᐅᓄᑦ ᐂᑉᐸᖏᑦ 2
2
ᐱᐅᖏᑦᑐᕐᔪᐊᖅ
1 #
1 ᑎᓴᓗᓁ 4:15-17. ᐊᑕᓂᑦᑕᓕ ᔩᓱᓯ ᙭ᔅᑑᓯᐅᑉ ᑎᑭᕝᕕᒃᓴᖓᓂᒃ ᑲᑎᕐᓱᑕᐅᔪᒫᕐᓂᑦᑎᓐᓂᒃ ᓇᔪᕐᓂᐊᓕᕐᓗᒍ, ᖃᑕᓐᖑᑎᒃᑲ ᕿᓄᕕᒋᕙᑦᓯ, 2ᐅᐃᒪᔮᕐᑎᑕᐅᖁᓇᓯ ᑲᑉᐱᐊᓱᖁᓇᓯᓗ ᐊᑕᓂᐅᑉ ᐅᓪᓗᖓ ᓇᓪᓕᐅᑎᔭᕇᕐᓯᒪᓂᕋᕐᑕᐅᑎᓪᓗᒍ, ᐅᕙᒍᓪᓗ ᐅᖃᕐᓯᒪᓂᕋᕐᑕᐅᒍᑦᑕ ᒎᑎᒧᑦ ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖕᓂᑦᑎᒍᓪᓘᓐᓃᑦ ᐊᔪᕆᕐᑐᐃᓂᑦᑎᒍᓪᓘᓐᓃᑦ, ᑎᑎᖅᑲᑎᒍᓪᓘᓐᓃᑦ. 3ᓇᓪᓕᐊᓐᓄᑐᐃᓐᓇᖅ ᐅᐃᕕᕆᔭᐅᑦᑍᓕᒋᑦᓯ ᖃᓄᑐᐃᓐᓇᖅ; ᐅᓪᓗᖅ ᑖᓐᓇ ᓇᓪᓕᐅᑎᔪᒫᕐᒪᑦ ᐃᓄᐃᑦ ᑭᓯᐊᓂ ᐅᒃᐱᕈᒪᖏᓐᓂᖃᓚᐅᕐᑎᓪᓗᒋᑦ, ᐱᖁᔭᖃᖏᑦᑐᕐᔪᐊᖅ ᓴᖅᑭᓚᐅᕐᑎᓪᓗᒍ, ᐊᓯᕈᕐᑕᐅᓂᕐᔫᑉ ᕿᑐᕐᖓᖓ. 4#ᑖᓂᐊᓕ 11:36; ᐃᓯᑭᐊᓕ 28:2.ᑕᒤᓐᓂᒃ ᒎᑎᓂᒃ ᑍᔭᐅᔪᓕᒫᓂᒃ ᐊᑭᕋᕐᑐᕐᑐᕐᔪᐊᖅ ᐱᔨᑦᓯᕐᓂᕐᓂᒡᓗ, ᑕᒤᓐᓂᓪᓗ ᐃᒻᒥᓂᒃ ᐊᖏᓂᕐᐸᐅᑎᑦᑐᖅ, ᐊᒡᓛᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂ ᐃᒃᓯᕚᕆᐊᕐᑐᕈᒫᕐᐳᖅ, ᐃᒻᒥᓂᒃ ᒎᑎᐅᓂᕋᕐᓗᓂ.
5ᐃᖅᑲᐅᒪᓐᖏᓚᓰ ᐃᓕᑦᓯᓐᓃᓪᓗᖓ ᓱᓕ ᑕᒪᒃᑯᓂᖓ ᐅᖃᐅᓯᖃᓚᐅᕋᒪ? 6ᒫᓐᓇᓕ ᑕᒪᑐᒪ ᓇᓪᓕᐅᑎᓂᒃᓴᖓ ᓄᖅᑲᖓᑎᑕᐅᕗᖅ ᖃᐅᔨᒪᕙᓯᓗ ᓱᓇᐅᖕᒪᖔᑦ; ᓇᓪᓕᐅᑦᑐᖅ ᓈᒻᒪᓕᕐᐸᑦ ᑕᕝᕙ ᐱᖁᔭᖃᖏᑦᑐᕐᔪᐊᖅ ᓴᖅᑭᑦᓱᒫᕐᐳᖅ. 7ᐱᖁᔭᖃᖏᑦᑐᕐᔪᐊᑉ ᓇᓗᓇᕐᓂᖓ ᐱᓇᓱᐊᓕᕇᕐᐳᖅ; ᓇᓪᓕᐅᑎᔪᒃᓴᕐᓕ ᓱᓕ ᓇᓪᓕᐅᑎᓂᐊᓐᖏᓚᖅ, ᑖᓐᓇ ᓄᖅᑲᖓᑎᑦᓯᔪᖅ ᐊᒡᕖᕐᑎᑕᐅᖅᑳᖏᓐᓂᖓᓂ. 8#ᐂᓮᐊᓯ 11:4.ᑕᕝᕙ ᐱᑯᔭᖃᖏᑦᑐᕐᔪᐊᖅ ᓴᖅᑭᑎᑕᐅᔪᒫᕐᐳᖅ, ᐊᑕᓂᐅᓪᓕ ᔩᓱᓯᐅᑉ ᑎᑭᒃᑯᓂ ᑐᖁᑦᓱᒫᕐᐹ ᐊᓂᕐᓂᕐᒥᓄᑦ ᖃᓂᖓᓂᑦ ᐊᓂᔪᒧᑦ; ᐊᓯᕈᕐᓗᓂᐅᒡᓗ ᓴᖅᑭᓐᓂᕐᒥᓄᑦ ᐱᓐᓇᕐᓇᕐᑐᕐᔪᐊᒧᑦ. 9#ᒫᑎᐅᓯ 24:24.ᑖᑦᓱᒪ ᐱᖁᔭᖃᖏᑦᑐᕐᔪᐊᑉ ᓴᖅᑭᓐᓂᖓ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐱᔪᓐᓇᕐᑎᑕᐅᔪᒫᕐᐳᖅ, ᑲᒪᓇᕐᑐᓂᒃ ᓇᓗᓁᒃᑯᑕᕐᓂᒡᓗ ᓱᓕᖏᑦᑐᓂᒃ ᓴᖅᑭᑎᑦᓯᔪᒫᕐᐳᖅ ᓱᓇᑐᐃᓐᓈᓗᖕᓂᒃ, 10ᑕᒻᒪᕐᑎᑦᓯᓂᕐᓂᒡᓗ ᖃᓄᐃᑦᑐᑐᐃᓐᓇᑦᓯᐊᓂᒃ ᐊᑐᕈᒫᕐᐳᖅ ᑖᒃᑯᓄᖓ ᐊᓯᐅᔪᒃᓴᓄᑦ, ᑖᒃᑯᐊ ᐊᓯᐅᔪᒫᕐᐳᑦ ᐃᓚᓕᐅᕆᔪᒪᓚᐅᖏᓐᓇᒥᒃ ᐃᓪᓕᕈᓱᒐᑎᒡᓗ ᓱᓕᓂᕐᒥᒃ ᐱᐅᓕᔭᐅᑦᔪᑎᒃᓴᒥᖕᓂᒃ. 11ᑍᒤᒻᒪᑦ ᒎᑎᐅᑉ ᑎᓕᓯᕕᒋᔪᒫᕐᐰᑦ ᑕᒻᒪᕐᓇᕐᑐᕐᔪᐊᑦ ᐱᔪᓐᓇᕐᓂᖓᓂᒃ ᐱᓇᓱᐊᕐᕕᐅᖁᓪᓗᒋᑦ, ᓱᓕᖏᑦᑐᓂᒡᓗ ᐅᒃᐱᓕᖁᓪᓗᒋᑦ. 12ᑕᒪᓐᓇ ᑍᒤᑦᓱᒫᕐᐳᖅ ᑕᒤᓐᓄᑦ ᓱᓕᓂᕐᒥᒃ ᐅᒃᐱᖏᑦᑐᓄᑦ, ᐱᐅᖏᑦᑐᓕᓂᕐᒥᒡᓕ ᖁᕕᐊᒋᔭᖃᕐᑐᓄᑦ.
ᓂᕈᐊᕐᑕᐅᓯᒪᕗᓯ ᐱᐅᓕᔭᐅᕕᒃᓴᒧᑦ
13ᒎᑎᒧᓪᓕ ᖁᔭᓕᑦᔪᑎᒋᔭᕆᐊᕾᓐᓇᕐᐸᑦᓯ, ᙭ᔅᑑᓯᒥᐅᑕᐅᖃᑎᒃᑲ, ᐊᑕᓂᐅᑉ ᓇᒡᓕᒋᔭᖏᑦ, ᓯᕗᓪᓕᕐᐸᐅᓪᓗᓯ ᓂᕈᐊᓚᐅᕐᒪᓯ ᐱᐅᓕᔭᐅᖁᓪᓗᓯ, ᐊᓂᕐᓂᐅᑉ ᐃᑦᔪᕐᓁᑎᑦᓯᓂᖓᒍᑦ ᓱᓕᓂᕐᒥᒡᓗ ᐅᒃᐱᕐᓂᑦᓯᒍᑦ. 14ᑕᒪᑐᒧᖓ ᕾᖁᓚᐅᕐᒪᓯ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᓚᐅᕐᑕᑦᑎᒍᑦ, ᑖᑦᓱᒪ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᐃᓚᖏᐅᑎᖃᑕᐅᖁᓪᓗᓯ. 15ᑍᒤᒻᒪᑦ, ᐅᒃᐱᕐᑑᖃᑎᕗᑦ, ᓱᖁᓯᕐᑍᓕᒋᑦᓯ ᐱᓯᒪᔭᑦᓯᓐᓂᒃ ᐊᔪᕆᕐᑐᐃᑦᔪᑎᒋᓚᐅᕐᑕᑦᑕᓗ ᐱᐅᓯᖏᓐᓂᒃ ᑎᒍᒥᐊᑦᓯᐊᕆᑦᓯ, ᐅᖃᐅᓯᑦᑎᒍᑦ, ᑎᑎᕋᓚᐅᕐᑕᑦᑎᒍᓪᓘᓐᓃᑦ.
16ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ, 17ᑖᑦᓱᒪ ᓮᒻᒪᕐᑎᓪᓕᓯ ᐆᒻᒪᑎᑦᓯᒍᑦ ᐱᐅᔪᒥᒡᓗ ᐱᓂᐊᕐᓂᖃᕈᓐᓇᕐᓯᑎᓪᓕᓯ ᐅᖃᕈᓐᓇᕐᓯᑎᓪᓗᓯᓗ.
Currently Selected:
ᑎᓴᓗᓁᑲᒥᐅᓄᑦ ᐂᑉᐸᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
