ᑎᒧᑎᒧᑦ ᓯᕗᓪᓖᑦ 5
5
ᐱᓇᓱᐊᒐᒃᓮᑦ ᐅᒃᐱᕐᑐᓄᑦ
1ᐃᓄᑐᖃᕐᒧᑦ ᐃᓕᕋᓇᕋᓱᐊᕐᓂᐊᕐᓇᒃ, ᐊᑖᑕᒃᑐᓪᓕ ᑲᔪᖏᕐᓴᕈᒃ; ᐃᓅᓱᒃᑐᓪᓗ ᐊᖑᑎᑦ ᐅᒃᐱᕐᑑᖃᑎᒃᑐᑦ ᐱᓇᓱᐊᕐᕕᒋᓗᒋᑦ, 2ᐃᓄᑐᕾᑦ ᐊᕐᓁᑦ ᐊᓈᓇᒃᑐᑦ, ᐊᕐᓁᓪᓗ ᐃᓅᓱᒃᑐᑦ ᓇᔭᒃᑐᑦ, ᐃᒃᖠᒎᕐᓂᕐᒥᒃ ᐊᑐᖁᓇᒃ.
3ᐅᐃᒡᒐᕐᓃᑦ ᐅᐱᒋᑦᓯᐊᕐᓗᒋᑦ ᐅᐃᒡᒐᕐᓂᓚᕇᑦ. 4ᐅᐃᒡᒐᕐᓂᕐᓕ ᕿᑐᕐᖓᖃᕐᐸᑦ ᐃᕐᖑᑕᖃᕐᐸᓪᓘᓐᓃᑦ, ᑖᒃᑯᐊ ᐃᓕᓐᓂᐊᖅᑳᕐᓕᑦ ᐅᒃᐱᕐᓂᒃᑯᑦ ᐱᓇᓱᐊᕆᐊᖃᕐᑕᒥᖕᓂᒃ ᐊᖓᔪᖅᑳᒥᖕᓄᑦ; ᑍᒤᒃᑯᑎᒃ ᐊᖓᔪᖅᑳᒥᖕᓄᑦ ᐱᔭᕆᐊᓕᖕᒥᖕᓂᒃ ᐊᑭᓖᔪᒫᕐᐳᑦ; ᑕᒪᓐᓇ ᖁᕕᐊᒋᔭᐅᖕᒪᑦ ᒎᑎᒧᑦ. 5ᐅᐃᒡᒐᕐᓂᕐᓕ ᐃᓄᑐᐊᖑᒃᐸᑦ ᐃᑲᔪᕐᑎᒃᓴᖃᕋᓂ, ᑍᒤᑦᑐᖅ ᒎᑎᒥᑦ ᑭᓯᐊᓂ ᓂᕆᐅᒃᐳᖅ, ᑐᒃᓯᐊᖏᓐᓇᕐᐳᕐᓗ ᐃᑲᔪᕐᑕᐅᔪᒪᓪᓗᓂ ᐅᓐᓄᐊᖑᒐᓗᐊᕐᐸᑦ ᐅᓪᓘᒐᓗᐊᕐᐸᓪᓗ; 6ᐅᐃᒡᒐᕐᓂᕐᓕ ᖁᕕᐊᒋᔭᑐᐃᓐᓇᕐᒥᓂᒃ ᐊᑐᕈᒪᔪᖅ ᐆᒪᒐᓗᐊᕐᓗᓂ ᑐᖁᖓᕗᖅ. 7ᑕᒪᒃᑯᐊᑕᐅᖅ ᐱᖁᔨᑦᔪᑎᒋᒃᑭᑦ, ᐸᓯᔭᒃᓴᐅᔪᖃᓕᖁᓇᒋᑦ. 8ᐃᓚᒋᔭᒥᓂᒡᓕ ᐃᑲᔪᖏᑦᑐᖅ, ᐃᒡᓗᒥᐅᖃᑎᒥᓂᒃ ᐱᓗᐊᕐᓗᓂ, ᑍᒤᑦᑐᖅ ᐅᒃᐱᕐᓂᕐᒥ ᐃᓅᓐᖏᓚᖅ ᐅᒃᐱᖏᑦᑐᓂᓪᓗ ᐱᐅᖏᓐᓂᕐᓴᐅᕗᖅ.
9ᐅᐃᒡᒐᕐᓂᖅ ᐊᑎᖁᑎᑦᓯᓄᑦ ᐃᓚᓕᐅᑎᑍᓕᓯᐅᒃ 60ᐅᖓᑖᓂ ᐅᑭᐅᖃᖏᒃᐸᑦ, ᐊᒻᒪᓗ ᐊᑕᐅᓯᐊᕐᓗᓂ ᐅᐃᖃᕐᓯᒪᓐᓂᕐᐸᑦ ᐃᓚᓕᐅᑎᔭᐅᔪᓐᓇᕐᐳᖅ. 10ᐱᓇᓱᐊᑦᓯᐊᖃᑦᑕᕐᓯᒪᓗᓂ ᐅᖃᐅᓯᐅᑦᓯᐊᖃᑦᑕᓗᓂ; ᕿᑐᕐᖓᒥᓂᒃ ᐱᕈᕐᓮᑦᓯᐊᕐᓯᒪᓗᓂ, ᑐᓐᖓᒋᔭᐅᓗᓂ, ᐃᑦᔪᕐᓁᑦᑐᓪᓗ ᐃᑎᒐᖏᓐᓂᒃ ᐅᐊᓴᖃᑦᑕᕐᓗᓂ, ᐃᑲᔪᕆᐊᓕᖕᓂᒃ ᐃᑲᔪᖃᑦᑕᕐᓗᓂ, ᐱᐅᔪᒥᒡᓗ ᐱᓇᓱᐊᖃᑦᑕᕐᓗᓂ ᓱᓇᓕᒫᓂᒃ.
11ᐅᐃᒡᒐᕐᓃᓪᓕ ᐃᓅᓱᖕᓂᕐᓮᑦ ᐅᐃᒡᒐᕐᓃᑦ ᐊᑎᖏᓐᓄᑦ ᐃᓚᓕᐅᑎᓂᐊᕐᓇᒋᑦ; ᐱᔪᒪᓂᕐᒥᖕᓄᑦ ᐅᐃᓂᒃᑲᓐᓂᕈᒪᑎᑕᐅᓕᕐᐸᑕ, ᙭ᔅᑑᓯᒥᑦ ᕿᒪᕉᑎᑐᐃᓐᓇᕆᐊᖃᕐᒪᑕ. 12ᓯᕗᓪᓕᕐᒥᒡᓗ ᐊᖏᕈᑎᒋᓚᐅᕐᑕᒥᖕᓂᒃ ᑖᑦᓱᒧᓐᖓ ᐊᑐᕈᒃᓃᓲᖑᓪᓗᑎᒃ. 13ᓱᓕᒃᑲᓐᓂᖅ, ᓱᓇᓕᕆᔪᒪᔪᓐᓃᕐᐸᒃᑭᕗᑦ, ᐳᓚᕋᑐᐃᓐᓇᓕᕐᓗᑎᒃ, ᐳᓚᕋᑐᐃᓐᓇᕋᑎᒡᓗ ᐃᓅᖃᓐᓂᐊᕐᐸᒃᐳᑦ ᑲᒪᒋᔭᒃᓴᕆᓐᖏᑕᒥᖕᓂᒡᓗ ᐅᖃᐅᓯᖃᕐᐸᓕᕐᓗᑎᒃ. 14ᑍᒤᒻᒪᑦ ᐅᐃᒡᒐᕐᓃᑦ ᐃᓅᓱᖕᓂᕐᓮᑦ ᐅᐃᓂᖁᒐᔭᕐᐸᒃᑲ, ᕿᑐᕐᖏᐅᕐᓗᑎᒃ, ᐊᖏᕐᕋᒥᖕᓂᒃ ᑲᒪᖁᓪᓗᒋᑦ, ᐊᑭᕋᕐᑐᕐᑎᕗᑦ ᐱᐅᖏᑦᑐᒥᒃ ᐅᖃᐅᓯᒃᓴᖃᖁᓇᒋᑦ. 15ᐅᐃᒡᒐᕐᓃᑦ ᐃᓚᖏᑦ ᓴᖑᓯᒪᖕᒪᑕ ᓵᑖᓇᓯᒧᑦ ᒪᓕᓕᕐᓗᑎᒃ. 16ᐊᕐᓇᖅ ᐅᒃᐱᕐᑐᖅ ᐅᐃᒡᒐᕐᓂᕐᓂᒃ ᐃᓚᖃᕈᓂ, ᑖᒃᑯᐊ ᑲᒪᒋᔭᕆᐊᖃᕐᐰᑦ; ᐅᒃᐱᕐᑑᖃᑎᒌᑦ ᐅᖁᒤᑎᑕᐅᖁᓇᒋᑦ, ᑲᒪᖔᕈᓐᓇᖁᓪᓗᒋᓪᓕ ᐅᐃᒡᒐᕐᓂᕐᓂᒃ ᐃᓅᖃᑎᒃᓴᖃᓐᖏᓗᐊᕐᑐᓂᒃ.
17ᐅᒃᐱᕐᑑᖃᑎᒌᓄᑦ ᓈᒻᒪᒃᑐᒥᒃ ᓯᕗᓕᕐᑏᑦ ᐱᔭᒃᓴᒥᖕᓂᒃ ᐱᓇᓱᐊᑦᓯᐊᕐᑐᑦ ᐅᐱᒋᔭᐅᔭᕆᐊᖃᕐᓂᖏᑕ ᐅᖓᑖᓄᑦ ᐊᑭᓕᕐᑕᐅᖃᑦᑕᕐᑐᓴᐅᕗᑦ, ᐱᓗᐊᕐᑐᒥᒃ ᐊᒃᓱᕈᕐᓗᑎᒃ ᐊᔪᕆᕐᑐᐃᖃᑦᑕᕐᑐᑦ ᐃᓕᓮᖃᑦᑕᕐᑐᓪᓗ; 18#ᒨᓯᓯ ᑕᓪᓕᒪᖏᑦ 25:4; ᒫᑎᐅᓯ 10:10; ᓘᑲᓯ 10:7.ᒎᑎᐅᑉ ᐅᖃᐅᓯᖏᑦ ᐅᖃᕐᒪᑕ, “ᐃᒻᒧᒃᓯᐅᒐᕐᒥᒃ ᐃᑦᔭᕈᓯᕐᓯᓂᐊᕐᓇᒃ ᓂᐊᖂᔭᒃᓴᓂᒃ ᑐᓪᓕᕋᕐᑎᑕᐅᔪᒥᒃ,” ᐊᒻᒪᓗ, “ᐱᓇᓱᐊᕐᑐᖅ ᐊᑭᓕᕐᑕᐅᔭᕆᐊᖃᕐᒪᑦ.” 19#ᒨᓯᓯ ᑕᓪᓕᒪᖏᑦ 17:6; 19:15.ᐅᒃᐱᕐᑑᖃᑎᒌᑦ ᓯᕗᓕᕐᑎᖓᓂᒃ ᐸᓯᔭᒃᓴᓐᖑᕐᑎᑦᓯᔪᒃᓴᐅᓐᖏᓚᑎᑦ ᑭᓯᐊᓂ ᒪᕐᕉᖕᓂᑦ ᐱᖓᓱᓂᓪᓘᓐᓃᑦ ᖃᐅᔨᓯᒪᔪᓂᑦ ᐅᖃᐅᓯᐅᓯᒪᒃᐸᑦ. 20ᐊᔪᕐᑐᓕᓐᓇᕐᑐᑦ ᐃᓂᕐᑎᒃᑭᑦ, ᐃᓄᓕᒫᑦ ᓵᖏᓐᓂ, ᐊᓯᖏᑦ ᐊᔪᕐᑐᓕᓂᕐᒥᒃ ᓯᕘᕋᓕᖁᓪᓗᒋᑦ.
21ᒎᑎᐅᑉ ᓇᔪᒐᓐᖓᓂ ᙭ᔅᑑᓯ ᔩᓱᓯᐅᓪᓗ ᐂᖏᓖᓪᓗ ᓂᕈᐊᕐᑕᐅᓯᒪᔪᑦ ᓇᔪᕐᑕᖏᓐᓂ ᑕᒪᒃᑯᐊ ᐅᖃᐅᓯᕆᔭᒃᑲ ᐃᓕᖕᓄᑦ ᒪᓕᒃᑕᐅᖁᓪᓚᕆᒃᐸᒃᑲ; ᐃᓅᖃᑎᑐᖃᕆᓐᖏᑕᕐᓂᒃ ᓇᕐᕈᖏᓪᓗᑎᑦ, ᓇᓪᓕᐊᑐᐃᓐᓇᖅ ᓇᕐᕈᓇᕐᓯᑎᑦᑍᓕᓗᒍ ᐊᑦᔨᒌᒃᑎᑦᓯᐊᕐᓗᒋᓕ ᐱᓇᓱᐊᕐᕕᒋᒃᑭᑦ. 22ᐊᑕᓂᕐᒧᑦ ᐱᔨᑦᓯᕐᑐᒃᓴᓂᒃ ᑐᐊᕕᕐᓗᑎᑦ ᐸᑎᒻᒥᓯᓂᐊᕐᓇᒃ, ᐊᓯᕕᑦ ᐊᔪᕐᑐᓕᓂᖏᓐᓄᑦ ᐃᓚᐅᑦᑍᓕᒋᑦ; ᓇᖕᒥᓂᖅ ᐃᑦᔪᕐᓁᑎᑦᓯᐊᕆᑦ.
23ᐃᒥᑐᐃᓐᓇᕐᒥᒃ ᐃᒥᖃᑦᑕᕈᓐᓃᕆᑦ, ᐅᐂᓂᒥᒡᓕ ᒥᑭᔪᒥᒃ ᐃᒥᖃᑦᑕᕆᑦ ᐊᕿᐊᕈᐃᑦ ᐋᓐᓂᐊᕐᓴᕅᑦᑑᖃᑦᑕᕐᓃᓪᓗ ᐱᑦᔪᑎᒋᓪᓗᒍ.
24ᐃᓄᐃᑦ ᐃᓚᖏᑕ ᐊᔪᕐᑐᓕᕙᖕᓂᖏᑦ ᓇᓗᓇᖏᒻᒪᑕ, ᐊᔪᕐᑐᓕᓂᕐᒥᖕᓄᓪᓗ ᐃᖅᑲᕐᑐᕐᑕᐅᑦᔪᑎᖃᕐᓗᑎᒃ, ᐊᓯᖏᑕᓕ ᐊᔪᕐᑐᓕᓂᖏᑦ ᓴᖅᑭᑦᓱᒫᕐᐳᑦ ᑭᖑᕐᖓᒍᑦ. 25ᑍᒫᒃᑕᐅᖅ ᐱᓇᓱᐊᕐᓂᐅᕙᒃᑐᑦ ᓇᓗᓇᖏᒻᒥᒪᑕ; ᐃᓚᖏᑦ ᐱᓇᓱᐊᕐᓂᐅᕙᒃᑐᑦ ᑕᑯᒃᓴᐅᓗᐊᓐᖏᑦᑑᒐᓗᐊᑦ ᓇᓗᓇᕈᓐᓃᓂᐊᕐᒥᔪᑦ.
Currently Selected:
ᑎᒧᑎᒧᑦ ᓯᕗᓪᓖᑦ 5: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
