ᑎᒧᑎᒧᑦ ᓯᕗᓪᓖᑦ 3
3
ᐅᒃᐱᕐᑑᖃᑎᒌᓂ ᓯᕗᓕᕐᑏᑦ
1ᐅᖃᐅᓯᖅ ᐅᓇ ᐅᒃᐱᕆᔭᒃᓴᖅ, ᐅᒃᐱᕐᑑᖃᑎᒌᓄᑦ ᓯᕗᓕᕐᑎᐅᔪᒪᔪᖅ ᐊᐅᓚᑦᓯᔨᐅᓂᕐᒥᒃ ᐱᓇᓱᐊᕈᒪᕗᖅ. 2#ᑍᑑᓯᑦ 1:6-9.ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᐃᓅᓯᕐᒥᒍᑦ ᐸᓯᔭᒃᓴᐅᔪᒃᓴᐅᓐᖏᓚᖅ; ᐊᑕᐅᓯᕐᒥᒃ ᓄᓕᐊᖃᕐᓗᓂ, ᐃᓱᒪᖓ ᐃᖅᑭᐊᓱᖏᓪᓗᓂ, ᐃᒻᒥᓂᒡᓗ ᐱᓯᒪᔪᓐᓇᑦᓯᐊᕐᓗᓂ, ᐅᐱᒋᔭᐅᑦᓯᐊᕐᓗᓂ, ᑐᔪᕐᒥᕕᐅᔪᓐᓇᕐᓗᓂ, ᐃᓕᓮᔨᐅᔪᒃᓇᕐᓗᓂᓗ; 3ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ. 4ᐃᒡᓗᒥᐅᖃᑎᒥᓂᒃ ᐊᐅᓚᑦᓯᑦᓯᐊᕈᓐᓇᕐᓗᓂ, ᕿᑐᕐᖓᒥᓄᓪᓗ ᓈᓚᒃᑕᐅᑦᓯᐊᕈᓐᓇᕐᓗᓂ ᐅᐱᒋᔭᐅᑦᓯᐊᕐᓂᕐᒥᓄᑦ ᖃᓄᓕᒫᖅ. 5ᐊᖑᑦ ᐃᒡᓗᒥᐅᖃᑎᒥᓂᒃ ᐊᐅᓚᑦᓯᑦᓯᐊᕐᓂᕐᒥᒃ ᖃᐅᔨᒪᖏᑦᑐᖅ, ᖃᓄᕐᓕ ᒎᑎᐅᑉ ᐅᒃᐱᕐᑐᖁᑎᖏᓐᓂᒃ ᑲᒪᔨᐅᔪᒃᓇᕋᔭᕐᐸ? 6ᓵᒋᐊᕋᑖᕐᓂᑰᔪᒃᓴᐅᓐᖏᓚᖅ, ᐱᐅᔪᕆᓂᕐᒧᑦ ᓵᓚᐅᒐᔭᕐᐸᑦ ᓱᒋᐊᕐᑕᐅᔪᒃᓴᐅᖁᓇᒍ, ᓵᑖᓇᓯᑐᑦ. 7ᐱᓪᓚᕆᒃᑐᖁᑎᒋᔭᐅᔪᕐᓴᐅᕗᖅ ᐅᒃᐱᕐᑑᖃᑎᒌᑦ ᓯᓚᑖᓃᑦᑐᓄᑦ, ᑲᓐᖑᓲᑎᒃᓴᐅᒐᔭᕐᑐᒧᑦ ᑲᑕᖁᓇᒍ ᓵᑖᓇᓯᐅᑉ ᓂᒐᕐᑎᑦᓯᓂᖓᓄᑦ.
ᐅᒃᐱᕐᑑᖃᑎᒌᓂ ᐃᑲᔪᕐᑎᑦ
8ᐅᒃᐱᕐᑑᖃᑎᒌᓂ ᐃᑲᔪᕐᑏᑦ ᐃᓕᖅᑯᓯᑦᓯᐊᕆᒃᑐᒃᓴᐅᕗᑦ, ᐅᖃᐅᓯᖏᑦ ᐅᒃᐱᕆᔭᒃᓴᐅᓗᑎᒃ; ᐅᐂᓂᒧᑦ ᐊᔪᓕᕐᓯᒪᖏᓪᓗᑎᒃ, ᑮᓇᐅᔭᓂᒡᓗ ᐱᔪᒪᓗᐊᕐᑎᐅᖏᓪᓗᑎᒃ; 9ᐅᒃᐱᕐᓂᐅᑉ ᓇᓗᓇᕐᓂᖓᓂᒃ ᐱᓯᒪᑦᓯᐊᕐᑐᒃᓴᐅᕗᑦ ᐸᓯᔭᒃᓴᐅᖏᓪᓗᑎᒃ ᐃᓱᒪᒥᒍᑦ. 10ᑖᒃᑯᐊ ᖃᐅᔨᓴᕐᑕᐅᖅᑳᕐᑐᒃᓴᐅᕗᑦ; ᖃᐅᔨᓴᕐᑕᐅᑦᔪᑎᓐᖏᑦ ᖃᓄᐃᒋᔭᐅᓐᖏᑉᐸᑕ ᑕᕝᕙ ᐃᑲᔪᕐᑎᓐᖑᕐᑐᒃᓴᐅᕗᑦ. 11ᓄᓕᐊᖏᑦᑕᐅᖅ ᑍᒫᑦᓮᓐᓇᖅ ᐃᓕᖅᑯᓯᖏᑦ ᐅᐱᒋᔭᐅᔪᒃᓴᐅᕗᑦ, ᐃᓅᖃᓐᓂᐊᕐᑎᐅᖏᓪᓗᑎᒃ, ᐃᓱᒪᖃᑦᓯᐊᕐᓗᑎᒃ, ᑕᒤᑎᒍᓪᓗ ᐅᒃᐱᕆᔭᒃᓴᐅᑦᓯᐊᕐᓗᑎᒃ. 12ᐅᒃᐱᕐᑑᖃᑎᒌᓂ ᐃᑲᔪᕐᑎ ᐊᑕᐅᓯᕐᒥᒃ ᓄᓕᐊᖃᕐᑐᒃᓴᐅᕗᖅ, ᕿᑐᕐᖓᒥᓂᒡᓗ ᐊᐅᓚᑦᓯᑦᓯᐊᕈᓐᓇᕐᓗᓂ ᐃᒡᓗᒥᐅᖃᑎᒥᓂᒡᓗ; 13ᐃᑲᔪᕐᑏᑦ ᐱᓇᓱᐊᑦᓯᐊᕐᑐᑦ ᓈᒻᒪᒋᔭᐅᑦᔪᑎᒃᓴᕐᑖᕐᓂᐊᕐᐳᑦ ᓇᓗᐱᕈᓱᖏᓪᓗᓂ ᐅᖃᕈᓐᓇᑦᓯᐊᕐᓂᐊᕐᐳᑦ ᐅᒃᐱᕐᓂᕆᔭᒥᖕᓂᒃ ᙭ᔅᑑᓯ ᔩᓱᓯᒥᒃ.
ᐅᒃᐱᕐᓂᐅᑉ ᓇᓗᓇᕐᓂᖓ
14ᓂᕆᐅᒃᐳᖓ ᐊᑯᓂᐅᓗᐊᖏᑦᑐᒥᒃ ᑕᑯᓂᐊᕋᓱᒋᓪᓗᑎᑦ, ᑖᒃᑯᓂᖓᓕ ᐃᓕᖕᓄᑦ ᑎᑎᕋᕐᐳᖓ, 15ᑎᑭᓐᓇᓵᕐᓂᕈᒪ, ᑖᒃᑯᐊ ᖃᐅᔨᒪᑦᔪᑎᒋᓂᐊᕋᕕᒋᑦ ᖃᓄᖅ ᐱᐅᓯᖃᕐᑐᒃᓴᐅᖕᒪᑦᑕ ᒎᑎᐅᑉ ᐅᒃᐱᕐᑐᖁᑎᖏᓐᓂ, ᑖᒃᑯᐊ ᒎᑎᐅᑉ ᑐᖁᓱᐃᑦᑑᑉ ᐅᒃᐱᕐᑐᖁᑎᒋᖕᒪᒋᑦ, ᓱᓕᓂᐅᑉ ᓱᑲᕆᖕᒪᒋᑦ ᑐᓐᖓᕕᒋᓪᓗᓂᒋᓪᓗ. 16ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ:
ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ,
ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ,
ᐂᖏᓕᓄᑦ ᑕᑯᔭᐅᓚᐅᕐᐳᖅ.
ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ,
ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.
Currently Selected:
ᑎᒧᑎᒧᑦ ᓯᕗᓪᓖᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
