ᑯᕆᓐᑎᐊᒥᐅᓄᑦ ᓯᕗᓪᓖᑦ 10
10
ᒎᑎᓐᖑᐊᓂᒃ ᐅᓗᕆᐊᓱᖁᔨᓂᖅ
1 #
ᒨᓯᓯ ᐂᑉᐸᖏᑦ 13:21,22;
ᒨᓯᓯ ᐂᑉᐸᖏᑦ 14:22-29. ᐃᖅᑬᑎᑦᓱᒪᕙᑦᓯᓕ ᐃᓅᖃᑎᒃᑲ, ᓯᕗᓕᕕᓂᕗᑦ ᓄᕗᔭᒥᒃ ᖁᓕᒥᐅᑕᖃᕐᓗᑎᒃ ᓴᐳᑎᔭᐅᓯᒪᓚᐅᕐᒪᑕ ᑕᒪᕐᒥᒡᓗ ᐃᒪᕐᒥᒃ ᐃᑳᓚᐅᕐᐳᑦ. 2ᑕᒪᕐᒥ ᐹᑉᑎᑕᐅᓚᐅᕐᐳᑦ ᒪᓕᒃᑎᐅᓕᕐᓗᑎᒃ ᒨᓯᓯᒧᑦ. 3#ᒨᓯᓯ ᐂᑉᐸᖏᑦ 16:35.ᑕᒪᕐᒥᒡᓗ ᐊᑦᔨᒌᒥᒃ ᓂᕆᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ. 4#ᒨᓯᓯ ᐂᑉᐸᖏᑦ 17:6; ᒨᓯᓯ ᓯᑕᒪᖏᑦ 20:11.ᑕᒪᕐᒥᒡᓗ ᐃᒥᓚᐅᕐᐳᑦ ᐊᓂᕐᓂᕐᒥᑦ ᐱᔪᒥᒃ; ᑕᒪᕐᒥᒃ ᐃᒥᓚᐅᕐᐳᑦ ᐊᓂᕐᓂᒃᑯᑦ ᕾᕐᑐᒥᑦ ᓇᔪᕐᑎᒋᔭᒥᖕᓂᑦ; ᕾᕐᑐᖅ ᑖᓐᓇ ᙭ᔅᑑᓯᐅᓚᐅᕐᐳᖅ. 5#ᒨᓯᓯ ᓯᑕᒪᖏᑦ 14:29,30.ᑍᒤᒃᑲᓗᐊᕐᑎᓪᓗᒋᓪᓕ ᐃᓚᖏᑦ ᒎᑎᐅᑉ ᖁᕕᐊᒋᓚᐅᓐᖏᓔᑦ, ᑍᒤᒻᒪᑦ ᓯᐅᕅᓐᓇᕐᒥ ᑎᒥᖏᑦ ᑐᖁᖓᐅᓕᓚᐅᕐᐳᑦ ᑕᒫᓂᑐᐃᓐᓇᖅ.
6 #
ᒨᓯᓯ ᓯᑕᒪᖏᑦ 11:4. ᑕᒪᒃᑯᐊ ᑕᕝᕙ ᐃᓂᕐᑎᕐᑕᐅᑦᔪᑎᒋᔭᕗᑦ, ᐱᐅᖏᑦᑐᒥᒃ ᐱᔪᒪᔭᖃᖁᓇᑕ ᑍᒃᑯᑎᑐᓇᖅ. 7#ᒨᓯᓯ ᐂᑉᐸᖏᑦ 32:6.ᒎᑎᓐᖑᐊᖃᖁᓇᑕᓗ ᑍᒃᑯᑎᑐᓇᖅ; ᑎᑎᕋᕐᓯᒪᔪᖃᕐᒪᑦ, “ᐃᓄᐃᑦ ᐃᖏᑉᐳᑦ ᓂᕆᓪᓗᑎᒃ ᐃᒥᕐᓗᑎᒃᓗ, ᓂᑯᕕᓐᓇᒥᒡᓗ ᓈᒻᒪᖏᑦᑐᓂᒃ ᐱᓇᓱᐊᓕᕐᐳᑦ.” 8#ᒨᓯᓯ ᓯᑕᒪᖏᑦ 25:1-18.ᐊᕐᓇᕐᓂᐊᕐᓂᕐᒥᒃ ᐊᖑᓐᓂᐊᕐᓂᕐᒥᒡᓗ ᐊᑐᕆᐊᖃᓐᖏᓚᒍᑦ ᑍᒃᑯᑎᑐᓇᖅ, ᑍᑦᓱᒪᓂ ᐅᓪᓗᒥ ᐊᑕᐅᓯᕐᒥ 23,000 ᑐᖁᓚᐅᕐᒪᑕ. 9#ᒨᓯᓯ ᓯᑕᒪᖏᑦ 21:5,6.᙭ᔅᑑᓯᒥᒃ ᐆᒃᑐᕐᓗᐃᓂᐊᕋᑕ ᑍᒃᑯᑎᑐᓇᖅ, ᐃᓚᖏᑦ ᑍᒤᓚᐅᕋᒥᒃ ᖁᓗᒋᐊᕌᓗᖕᓄᑦ ᑐᖁᑕᐅᓚᐅᕐᐳᑦ. 10#ᒨᓯᓯ ᓯᑕᒪᖏᑦ 16:41-49.ᓈᒻᒪᒃᓴᖏᓐᓂᐊᕋᓯᑦᑕᐅᖅ ᑍᒃᑯᑎᑐᓇᖅ, ᑍᒃᑯᐊ ᐃᓚᖏᑦ ᓈᒻᒪᒃᓴᖏᓐᓇᒥᒃ ᑐᖁᑉ ᐂᖏᓕᖓᓄᑦ ᑐᖁᑕᐅᓚᐅᕐᐳᑦ.
11ᑕᒪᒃᑯᐊᓕ ᑍᒤᓚᐅᕐᐳᑦ ᐅᓗᕆᐊᒋᔭᒃᓴᐅᖁᓪᓗᒋᑦ ᑎᑎᕋᕐᓯᒪᕗᓪᓗ ᐃᓂᕐᑎᕐᑕᐅᖁᓪᓗᑕ, ᐅᕙᒍᑦ ᐃᓱᐊᓄᑦ ᑎᑭᓕᕐᑎᓪᓗᑕ.
12ᑍᒤᒻᒪᑦ ᓇᖏᕋᓱᒋᔪᖅ ᑲᒪᑦᓯᐊᓕᕐᓕ ᐅᕐᕈᖁᓇᒍ. 13ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᑕᐅᕙᒃᐳᓯ ᐃᓄᐃᑦ ᐊᑐᕐᐸᒃᑕᖏᓐᓄᑦ ᑭᓯᐊᓂ. ᒎᑎᓕ ᓱᖁᓯᔪᐃᑦᑑᒐᒥ, ᐱᔪᓐᓇᕐᑕᑦᓯ ᐅᖓᑖᓄᑦ ᐱᐅᓐᖏᑐᒧᑦ ᐱᔪᒥᓵᕐᑕᐅᑎᓐᓂᐊᓐᖏᓛᓯ. ᐱᐅᓐᖏᑐᒧᓪᓕ ᐱᔪᒥᓵᕐᑕᐅᑎᓪᓗᓯ ᓵᓚᒃᓴᕈᑎᒃᓴᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᓵᓚᒋᔭᐅᖁᓇᓯ.
14ᑍᒤᒻᒪᑦ ᓇᒡᓕᒋᔭᒃᑲ, ᒎᑎᓐᖑᐊᓄᑦ ᑭᒡᒐᕐᑐᕐᓂᕐᒥᒃ ᐱᖃᑕᐅᓂᐊᕋᓯ. 15ᐃᓕᑦᓯᓐᓄᑦ ᐅᖃᕐᐳᖓ ᐃᓄᖕᓄᑦ ᐃᓱᒪᖃᑦᓯᐊᕐᑐᓄᑦ; ᐅᖃᐅᓯᒃᑲ ᐃᓱᒪᒃᓴᕐᓯᐅᕈᑎᒋᓯᒋᒃ. 16#ᒫᑎᐅᓯ 26:26-28; ᒫᑯᓯ 14:22-24; ᓘᑲᓯ 22:19,20.ᐃᒥᐅᑎ ᓮᒻᒪᕐᑎᑕᐅᓇᕐᑐᖅ ᒎᑎᒧᑦ ᖁᔭᓕᑦᔪᑎᒋᔭᕗᑦ ᐊᑕᓂᐅᑉ ᐅᓐᓄᒍᒻᒥᑕᖓᓂ ᙭ᔅᑑᓯᐅᑉ ᐊᐅᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ? ᓂᐊᖂᔭᕐᓗ ᐊᕕᒃᑕᕗᑦ ᙭ᔅᑑᓯᐅᑉ ᑎᒥᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ? 17ᓂᐊᖂᔭᐅᑉ ᐊᑕᐅᓯᐅᓂᖓᓄᑦ, ᐅᕙᒍᑦ ᐅᓄᕋᓗᐊᕐᑐᒍᑦ, ᑎᒥᒥ ᐊᑕᐅᓯᐅᕗᒍᑦ, ᓂᐊᖂᔭᕐᒥᑦ ᐊᑕᐅᓯᕐᒥᑦ ᐱᖃᑕᐅᒐᑦᑕ.
18 #
ᒨᓯᓯ ᐱᖓᔪᖏᑦ 7:6. ᐃᓴᕆᐊᓕᒥᐅᑦ ᐃᓱᒪᒋᓯᐅᒃ; ᑐᓂᕐᕈᑕᐅᔪᓂᒃ ᒎᑎᒧᑦ ᓂᕆᔪᑦ ᐱᖃᑕᐅᓐᖏᓛᑦ ᑐᓂᕐᕈᓯᕐᕕᖕᒥᑦ? 19ᒎᑎᓐᖑᐊᓄᑦ ᑐᓂᕐᕈᑎᕕᓃᑦ ᐊᑐᕐᓂᕋᕐᓗᒋᑦ ᐅᖃᕋᓱᒋᕕᓯᓐᖔ, ᐅᕝᕙᓗ ᒎᑎᓐᖑᐊᑦ ᐊᑑᑎᖃᕐᓂᕋᕐᐸᒃᑳ? 20#ᒨᓯᓯ ᑕᓪᓕᒪᖏᑦ 32:17.ᐃᒫᒡᓕ ᐅᖃᕐᐳᖓ, ᐅᒃᐱᖏᑦᑐᑦ ᑐᓂᕐᕈᑎᖏᑦ ᒎᑎᓐᖑᐊᓄᑦ ᑐᓂᔭᐅᕗᑦ ᐊᓂᕐᓂᕐᓗᖕᓄᑦ, ᒎᑎᒨᖏᑦᑐᖅ, ᐱᖃᑕᐅᖁᓐᖏᓚᑦᓯᓗ ᐊᓂᕐᓂᕐᓗᖕᓄᑦ. 21ᐊᑕᓂᐅᑉ ᐃᒥᐅᑎᖓᓂᑦ ᐊᓂᕐᓂᕐᓗᐃᓪᓗ ᐃᒥᐅᑎᖓᓂᑦ ᐊᑕᐅᑦᓯᒃᑯᑦ ᐃᒥᕈᓐᓇᖏᓐᓇᑦᓯ; ᐊᑕᓂᐅᑉ ᓂᕆᕕᖓᓂᑦ ᐊᓂᕐᓂᕐᓗᐃᓪᓗ ᓂᕆᕕᖓᓂᑦ ᐊᑕᐅᑦᓯᒃᑯᑦ ᑕᒤᓐᓂᑦ ᐱᔪᓐᓇᓐᖏᓐᓂᕗᓯ. 22#ᒨᓯᓯ ᑕᓪᓕᒪᖏᑦ 32:21.ᐊᑕᓂᕐᒥᒃ ᓂᓐᖓᒃᑎᑦᓯᓇᓱᐊᕐᐱᑖ? ᑖᑦᓱᒪᖓᑦ ᐱᔪᓐᓇᕐᓂᕐᓴᐅᕕᑖ?
23 #
1 ᑯᕆᓐᑎ 6:12. ᐅᖃᕐᑐᖃᕐᐸᒃᐳᖅ, “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᑭᓯᐊᓂᓕ ᓱᓇᑐᐃᓐᓁᑦ ᑕᒪᕐᒥᒃ ᐱᕙᓪᓕᕐᓇᕐᑑᓐᖏᓚᑦ. “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᓱᓇᑐᐃᓐᓁᑦᓕ ᑕᒪᕐᒥᒃ ᐃᑲᔪᕐᑕᐅᓐᓇᓐᖏᓚᑦ. 24ᓇᓕᕐᓯ ᓇᖕᒥᓂᑐᐊᖅ ᐱᕙᓪᓕᕈᑎᒃᓴᒥᓂᒃ ᕿᓂᕐᓂᐊᕋᓂ, ᐊᓯᖏᑕᓕ ᐱᕙᓪᓕᕈᑎᒃᓴᖏᓐᓂᒃ ᕿᓂᕐᓕ.
25ᓂᖀᑦ ᓂᐅᕕᐊᒃᓮᑦ ᓂᐅᕕᕐᕕᖕᒦᑦᑐᑦ ᐃᓱᒫᓗᖏᓪᓗᓯ ᓂᕆᔭᒃᓴᕆᕙᓯ ᐊᐱᖅᑯᑎᒋᖏᓪᓗᒋᑦ ᐃᓱᒫᓗᖁᓇᓯ. 26#ᐃᓐᖏᕈᑦ 24:1.ᐊᒡᓔᑦ ᐅᖃᕐᒪᑕ, “ᓄᓇᕐᔪᐊᖅ ᐊᑕᓂᐅᑉ ᐱᒋᕚ, ᓱᓇᓕᒫᓪᓗ ᑕᕝᕙᓃᑦᑐᑦ.”
27ᐅᒃᐱᖏᑦᑐᒥᑦ ᓂᕆᔭᕐᑐᖁᔭᐅᒍᕕᑦ ᓂᕆᔭᕐᑐᕈᒪᒍᕕᓪᓗ ᑕᕝᕗᖓ, ᓂᖀᑦ ᐊᑐᐃᓐᓇᕈᕐᑕᓕᒫᖏᑦ ᓂᕆᒃᑭᑦ ᐊᐱᖅᑯᑎᒋᖏᓪᓗᒋᓪᓗ ᓇᑭᑦ ᐱᖕᒪᖔᑕ ᐃᓱᒫᓗᖁᓇᒃ. 28ᐅᖃᐅᑎᔭᐅᒍᕕᓪᓕ, “ᐅᓇ ᓂᕿ ᒎᑎᓐᖑᐊᓄᑦ ᑐᓂᕐᕈᑎᕕᓂᖅ,” ᑖᓐᓇ ᓂᕆᓂᐊᕐᓇᒍ, ᐅᖃᐅᑦᔨᔪᖅ ᑖᓐᓇ ᐱᑦᔪᑎᒋᓪᓗᒍ ᐃᓱᒫᓗᖁᓇᑎᓪᓗ. 29ᑖᓐᓇ ᐅᐸᒃᓯᒪᔧᑦ ᐃᓱᒫᓗᖁᓇᒍ, ᐃᕝᕕᐅᖏᑦᑐᖅ.
ᓱᖕᒪᓪᓕ ᐃᓱᒪᕐᓱᕐᓂᕋ ᐊᐅᓚᑕᐅᔪᒃᓴᐅᕚ ᐊᓯᓐᓄᑦ? 30ᓂᕆᖃᑕᐅᒍᒪ ᒎᑎᒧᑦ ᖁᔭᓕᓗᖓ, ᓱᖕᒪᓪᓕ ᓄᖅᑲᕐᑎᑕᐅᔪᒃᓴᐅᕗᖔ? ᒎᑎᒧᑦ ᖁᔭᓕᑦᔪᑎᒋᔭᓐᓂᒃ?
31ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ. 32ᓇᓪᓕᐊᓐᓄᑐᐃᓐᓇᖅ ᐹᓪᓚᒍᑕᐅᑦᑍᓕᒋᑦ, ᔫᑎᓄᓪᓘᓐᓃᑦ ᒍᕇᑭᓄᓪᓘᓐᓃᑦ ᒎᑎᐅᓪᓘᓐᓃᑦ ᐃᓚᒌᒃᑐᖁᑎᖏᓐᓄᑦ. 33ᐅᕙᖓᑦᑕᐅᖅ ᖁᕕᐊᒋᔭᐅᓇᓱᐊᕋᒪ ᐱᓂᐊᕐᓂᒃᑯᑦ ᑕᒤᑎᒍᑦ, ᐅᕙᖓ ᐱᕙᓪᓕᕈᑎᒃᓴᓐᓄᑑᖏᑦᑐᑦ ᐊᓯᒪᓕ ᐱᕙᓪᓕᕈᑎᒃᓴᖏᓐᓄᑦ, ᐊᒥᓱᑦ ᐱᐅᓕᔭᐅᖁᓪᓗᒋᑦ.
Currently Selected:
ᑯᕆᓐᑎᐊᒥᐅᓄᑦ ᓯᕗᓪᓖᑦ 10: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
