PĀ GƏ̄ 8
8
Kɔsə gɔn yā Nə́ɓā ō yā deē ō
1Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. A dānə̄n̄ gō i kə kənde kə́ Gat.
2Kɔ́ɔ̄ɓē, kɔ́ɔ̄jí,
rīí majə to ɓōĺ ngá̰ý dɔ nang tə́ malang!
Dɔ rā̰ bo ɓá tā
ba ḭ̄ ī-bo tɔȳn.
3Banī ā ī-rɔ̄ɔ̄ madə̄ ba̰ā̰í gə̄ i kə ndū ngán gə̄,
i kə ndū ngáń kə́ dūú ngá̰ý gə̄.
Ndūdə́ ní to i tītə̄ ndogə̄ ɓē kə́ ngan̄g
ngá̰ý kə́ ə̄ndā ɔ̄gəń madə̄ ba̰ā̰í kə́ ngan̄g ngá̰ý gə̄ kɔr̄ najə̄.
4Dan ń m-á̰a̰ dɔ rā̰ ń i kəla kə́ ī-rāā kə jīí ní ō,
nāā ō, tə́yō̰ gə̄ ō ń ī-tə́ndādə́ ní ō anī,
5m-ə́da kə̄ kemḿ tə́ na: Deē i rí kə́ sáláńg á ā ī-gír̄ dɔn tə́?
Deē ndul ndetə kadə̄ usiī dɔn tə́ a?
6Ḭ̄ ī-rāān adə̄ əndā gō de kə́ dɔ rā̰ tə́ gə̄ tə́ ngɔr.
Ḭ̄ ūtə̄ gidən kə kɔsə gɔnɔɔ́ ō kə rɔyɔ̄ɔ́ ō.
7Ḭ̄ ə̄ndān dɔ yá̰a̰ gə̄ ń ī-rāā kə jīí tə́ ní.
Əlá yá̰a̰ malang gír njan tə́:
8Batə̄ gə̄ ō bə̄yā̰ gə̄ ō man̄g gə̄ ō
dā̰ kə́ bembeé gə̄ ō
9yel̄ kə́ dɔɔ́ gə̄ ō kānjə̄ kə́ maná gə̄ ō
yá̰a̰ gə̄ malang ń a unən̄ gō kə̄lá róbə gə̄ kum bā bo gə̄ tə́ ní ō.
10Kɔ́ɔ̄ɓē, kɔ́ɔ̄jí,
rīí majə to ɓōĺ ngá̰ý dɔ nang tə́ malang!
Currently Selected:
PĀ GƏ̄ 8: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
