PĀ GƏ̄ 52
52
De kə́ əndā kemən dɔ yá̰a̰ kənge yān tə́
1Pā kə́ kem makətūbə̄ yā ngār yā gōsə̄ Pā gə̄ tə́. I pā yā Dabid kə́ yā ndóoń deē yá̰a̰. 2Ɔr̄ i najə̄ yā Doeg kə́ Edom ń reē əda Saul na Dabid na aw̄ ɓē Abimelek ní.
3Ḭ̄ ń tɔ́gí i ngá̰ý ní
ə́nda nganjií tām̄ yá̰á̰ kə́ majaĺ kə́ ī-rāā tə́ i tām̄ rí tə́?
Kem majə yā Nə́ɓā to i kə dɔ ndɔ̄ gə̄!
4Kə dɔ ndɔ̄ gə̄ ní ā ī-nóm̄ i rāā yá̰á̰ kə́ majaĺ.
Ta ndo̰í atə tītə̄ nə́ngá kə́ usən̄ kum beé ō,
ger̄ gól̄ loo ngá̰ý ō.
5Ī-gḛy yá̰á̰ kə́ majaĺ tɔȳ yá̰á̰ kə́ majə ō,
ī-gḛy najə̄ kə́ sor̄ tɔȳ najə̄ kə́ rɔ̄kum ō.
6Ī-gḛy i najə̄ kə́ a nujə yá̰a̰ gə̄ ō,
najə̄ kɔrīí i najə̄ kə́ rɔ̄kum aĺ gə̄ malang ō!
7Adə̄ Nə́ɓā a nujiī kɔ̄ɔ́ i kə́ njɔ́ḿ gə̄ tə́.
Ni a ndɔ́rī yā teē seí kɔ̄ɔ́ kem kújə tandā yāí tə́.
A ɔrī kɔ̄ɔ́ kə ngəraí gēé dɔ nang ń
de kə́ kə kumuú gə̄ ndin̄ tū tə́ ní tə́.
8Loo ń noō tə́ de kə́ súmūú gə̄ a a̰a̰n̄ adə̄ a ɓōlə́n̄.
Nin̄ a əgōn̄ dɔn tə́ ba a ədan na:
9Á̰a̰ī dəngam ń Nə́ɓā i loo ɓɔ̄ɔ̄ rɔ̄ yān kə́ ngan̄g ngá̰ý alé,
adə̄ əndā tɔ́gən i dɔ yá̰a̰ kənge yān gə̄ tə́ ō,
dɔ yá̰a̰ rāān kə́ majaĺ gə̄ tə́ ō ní!
10Banī mā m̄-rāā rɔ̄ḿ i kāgə̄ olibə
kə́ mbīn to mbōl̄ sṵy tə́ kem kújə yā Nə́ɓā tə́.
M-ə̄ndā kemḿ dɔ kem majə yā Nə́ɓā tə́ i kə́ njɔ́ḿ gə̄ tə́.
11M-ā m̄-ɓōkíī tɔ̄ȳ ngándáńg tām̄ yá̰á̰ ń ī-rāā tə́ ní.
Nə́ɓā, m-ə̄ndā kemḿ dɔí tə́ dan deē yāí gə̄ tə́,
tɔdɔ̄ ḭ̄ i de kə́ majə.
Currently Selected:
PĀ GƏ̄ 52: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
