PĀ GƏ̄ 3
3
Madə̄ ba̰ā̰ḿ gə̄ gīrə̄n̄ gidəḿ
1Pā yā Dabid, i dan ń a̰ȳń kɔ̄ɔ́ no ngōnən Absalom tə́ ní.
2Kɔ́ɔ̄ɓē, madə̄ ba̰ā̰ḿ gə̄ i ngá̰ý!
Ngé kḭḭ seḿ kə rɔ̄ɔ́ gə̄ i ngá̰ý!
3Ngé tə́da najə̄ dɔḿ tə́ gə̄ i ngá̰ý, nin̄ ədan̄ na:
Nə́ɓā a ajən alé!
4Banī Kɔ́ɔ̄ɓē, ḭ̄ i der yāḿ.
Ḭ̄ i kɔsə gɔn yāḿ, nge kun dɔḿ dɔɔ́.
5M-ún ndūḿ kə̄ dɔɔ́ m̄-ɓārəń Kɔ́ɔ̄ɓē
anī ni ndigəm̄ dɔ mbal̄ yān kə́ táĺ tə́.
6m̄-to kə̄ nang tə́ ō m̄-ɓīī ō.
m̄-ndól̄ anī m-á̰a̰ kadə̄ tɔ́gə́ḿ i Kɔ́ɔ̄ɓē.
7Loo ń noō tə́ m̄-ɓōĺ dūbə̄ de kə́ ngá̰ý gə̄ ń tə́nīn̄ rɔ̄də́ kə̄ loo gə̄ tə́
gīrə̄n̄ gidəḿ ní to̰ alé.
8Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄!
Ḭ̄ ń i nge kənda mbɔ́r madə̄ ba̰ā̰ḿ gə̄ ō,
nge tétə̄ ngān̄g ngé kem ndul gə̄ ō ní.
9Kɔ́ɔ̄ɓē, i ḭ̄ n ásə kajə deē ní.
Ādə̄ tɔ́r̄ ta yāí i dɔ gír deē yāí gə̄ tə́!
Currently Selected:
PĀ GƏ̄ 3: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
