PĀ GƏ̄ 126
126
Ngān̄g nōō tél ngān̄g kəgō
1Pā kə́ yā kaw̄ń kə̄ loo kə́ táĺ tə́.
Dan ń Kɔ́ɔ̄ɓē tél reē kə de kə́ Siyo̰ gēé gogə́ ɓēé ní,
j-ɔjəń na i nī n a rāājí.
2J-əgō ngá̰ý ō, jə-túr̄ kɔĺ kə rɔ̄nelēé ngá̰ý ō.
Nápar de kə́ rang gə̄ ədan̄ na:
Kɔ́ɔ̄ɓē rāā yá̰á̰ kə́ bo ngá̰ý tām̄ yādə́ tə́!
3Rɔ̄kum, Kɔ́ɔ̄ɓē rāā yá̰á̰ kə́ bo ngá̰ý tām̄ yājí tə́,
adə̄ rɔ̄jí nel̄jí ngá̰ý.
4Kɔ́ɔ̄ɓē, ī-tél ī-reē kə ɓəlo yājí gēé gogə́ ɓēé,
tītə̄ ń man̄ tél reēń kem kārə̄n tə́ kem loo kə́ Negeb tə́ ní.
5Deē ń dubə̄ kōō i kə nōó kumən tə́ ní,
a sāā kōō ní i kə rɔ̄nelēé.
6Ni ətō ngong kōō ba aw̄ kə̄ dūbūú i kə nōó kumən tə́,
anī tél sāā kōō tə́
anī, ətō dɔ do̰ō̰ kōō yān i kə rɔ̄nelēé.
Currently Selected:
PĀ GƏ̄ 126: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
