PĀ GƏ̄ 127
127
Ré Kɔ́ɔ̄ɓē əndā kújə aĺ anī
1Pā kə́ yā kaw̄ń loo kə́ táĺ tə́. I pā yā Salomo̰.
Ré Kɔ́ɔ̄ɓē əndā kújə aĺ anī, ngé kəndā kújə gə̄ rāān̄ kəla i ndāńg.
Ré Kɔ́ɔ̄ɓē ngɔ̄m̄ ɓē aĺ anī,
ngé ngɔ̄m̄ loo gə̄ ɔgə̄n̄ kumdə́ ɓīī i ndāńg.
2Ī-ndebiī ta ndól̄ kə gír looí ɓatə i ndāńg karī,
ī-toī nang tə́ láẃ aĺ i ndāńg karī,
ī-tápī ngá̰ý gíŕ yá̰a̰ kəsaá i ndāńg karī!
Kɔ́ɔ̄ɓē a adə̄ madə̄n ń to a ɓīī ní kadə̄ asə naā kə yāsí ń ə́ngeī ní.
3Yá̰a̰ kənge kə́ rɔ̄kum kə́ gír kojə tə́ i ngōn̄ kə́ kojə,
ngōn̄ i yá̰á̰ ń Kɔ́ɔ̄ɓē a əndāń nja deē ní!
4Ngán gə̄ kə́ deē ojədə́ dan balsáan tə́
ton̄ i tītə̄ kum gərā gə̄ kə́ jī nge rɔ̄ɔ̄ tə́.
5Deē ń ənge adə̄ rosə kem ngong gərā yān ní i kə rɔ̄nelēé!
Ré nējə̄n̄ naā najə̄ tə́ kə madə̄ kɔ̄l̄neé loo sarya tə́
anī rɔ̄n a sɔlə̄n alé.
Currently Selected:
PĀ GƏ̄ 127: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
